Read Dagara, Northern Zakari 9 Bible Online

Zakari 9 - Dagara, Northern bible

Zakari 9

¹Sore ƴɛ̀rʋ. A ʋ ƴɛ̀rʋ tɩ ta n a Hadɩrakɩ tẽw vuo pʋɔ, ɛ́ tɛw àr a Damasɩ tẽw. Bʋ̃ʋ n'ʋ vɛ̃, a Sore bɛ jɩ́rɛ a Ɩsɩrayɛl dɔwlʋ tɛwr ɛ, ʋ mɩ̀ jɩ́rɛ nɩ a nɩsaalbɛ za.

²Ʋ mɩ̀ ƴɛ̀rɛ nɩ a Hamatɩ tẽw zie na pɩɛlɩ a Damasɩ tẽw a, nɩ a Tɩ́ɩ̀r nɩ a Sɩdɔ̃ tẽ-bɛrɛ[12] na bãw tome yaga za a.

³Tɩ́ɩ̀r ŋmãa nɩ zɛbr-yir-kpɛ̃w gù n ʋ tʋɔra, ʋ bɔ n a salm-pla gbõ taa, sɛw a sɔ́r zu tanɛ, ɛ́ a salm-zɩɛ sɛw a sɔ́r zu mɛ̃mɛrɛ.

⁴Ɛcɛ a Sore na de a na, ʋ na da n a dacin na piw a Tɩ́ɩ̀r tɛr a lɔb ƴãw a kʋ̃ɔ-kpɛ̃ɛ pʋɔ, ɛ́ vũu dɩ a ʋl tɔr za.

⁵A Asɩkalon tẽw na nyɛ̃ na zɔ dɛ̃bɩ̃ɛ, Gaza na màwr'ɩ ʋ za a dɛ̃bɩ̃ɛ zũú, Ekiron mɩ̀, ʋ na kʋ̃ cãà tɛr kpa-tɩɛrɛ a ƴãw. Nãà kʋ̃ cãà a Gaza ɩ, nɩr kʋ̃ cãà kpɩɛr a Asɩkalon[13] ɛ.

⁶Nɩ-bʋʋrɛ na nyaw taa a na kpɩɛr'ɩ a Asɩdɔdɩ. A Sore yere na: «À ŋá n'a ɩ̃ na ɩ a Filisɩtɛ̃ mɩnɛ pɔ̀l-ɩb baarɩ.

⁷A dʋ̃w bɛ na bɛ ŋmãa a kɔkɔr a nɛn, nɩ a nɛn ʋl bɛ na kʋ ƴãw tɩbɛ a, ɩ̃ na taw a na faa a bɛ nɛ̃ɛ́. A bɛlɩ dem nãà wa cãà vʋʋrɛ a bɛ pʋɔ a, na ɩ n a ɩ̃ nɩ-sori, mɛ̃ a Zuda dɔwlʋ kãw a. Ekiron na kpɛ n a ɩ̃ nɩ-bʋʋrɛ pʋɔ, mɛ̃ a lɛ a Zebi tẽw dem na tɩ ɩ a.

⁸Ɩ̃ na gù n a ɩ̃ tẽw a lõboge za, tʋ̃ɔ́ faa ʋ a zɛbr-nɩbɛ na tɔlɛ a ƴãw, nɩr za kʋ̃ mɩ́ lɛb wa dɔwrɩ a ɩ̃ nɩ-bʋʋrɛ ɩ, bʋ̃ʋ n'ʋ vɛ̃, ƴɛrɛŋa a, ɩ̃ kaarɛ nɩ a bɛ zie.»

⁹Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

¹⁰Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

¹¹A Sore yere na: «A wõ-taa ɩ̃ na maal'ɩ nyɩ, a bàwr-maal-zɩ̃ɩ wul kɛ́ sɩza n'a a zũú, ɩ̃ na ír'ɩ a nyɩ nɩbɛ bɛl na be a gaso pɛrɩ́ mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.

¹²Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

¹³Ɩ̃ na de nɩ Zuda ʋ ɩ a zɛbr tam, Efarayim n'ʋ na ɩ a pĩi. Sɩyɔ̃ i, ɩ̃ na ƴãw na a fʋ bibiir cen tɩ ŋmãa nɩ a Yavan bibiir zɛbr. Ɩ̃ na de bɛ na bɛ ɩ mɛ̃ gãdaa zɛbr-sɔ-kpɛ̃ɛ a.»

¹⁴A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

¹⁵A Sore, a Kpɛnʋ-za-sob, na gù n a ʋ nɩ-bʋʋrɛ. Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za na bà gbɛ́r a ʋ niŋé a bɛr: bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃, bɩɩ mɛ̃ a bàwr-maal-zɩ̃ɩ na paalɩ lali-mɩrɩ, ɛ́ pàw a bàwr-maal-kuur ɩ́lɛ́ a.

¹⁶A lɛn daar a, a Sore Naaŋmɩn na faa nɩ a ʋ nɩ-bʋʋrɛ, mɛ̃ dʋ̃-cɩ̃ɩnɛ na mɩ́ faa a ʋ dʋn a. Bɛ na nyɩwrɛ nɩ a tẽw pʋɔ, ɩ mɛ̃ nãà-kpawʋɔ kʋsɛ-bi-nyɩlɩ a.

¹⁷Nyɛ̃ nʋ̃ɔ̀ na na ɩrɛ bɛ a! Nyɛ̃ bɛ na na vɩɛl a! A ble na mɩ́ kʋ̀ n fãw a pɔlbili ɛ́ a divɛ̃-paala kʋ̀ fãw a pɔwsɩrali.