Read Dagara, Northern Matie 15 Bible Online

Matie 15 - Dagara, Northern bible

Matie 15

¹Faarizɩ̃ɛ mɩnɛ nɩ Naaŋmɩn wulu sɛ-sɛbrbɛ bɛ mɩnɛ kãw tɩ yi n a Zerizalɛm wa páw a Yeezu sowr'ʋ:

²«Bʋ̃ʋ n'ʋ so a fʋ po-tuurbɛ sãwnɛ a tɩ sãàkʋm-kore ciiru? Bɛ na bɛ mɩ́ pɛ́w a bɛ nuru mɛ̃ a lɛ a tɩ puoru sɔ́r na yel, ɛ́ bãw dɩ a.»

³A Yeezu tɩ sɔw bɛ na: «Ɛ́ a nyɩɩm, bʋ̃ʋ n'ʋ so nyɩ bɛ tuur a Naaŋmɩn nɔ-ƴãwna a nyɩ sãàkʋm-kore ciiru zũú?

⁴A Naaŋmɩn yel'a: “Ƴãwnɛ a fʋ sãà nɩ a fʋ mã”, nɩ kɛ́: “Nɩr wa tʋ ʋ sãà bɩɩ ʋ mã a, a fɛr'a kɛ́ bɛ kʋ ʋ[41].”

⁵Ɛ́ nyɩɩm mɩ́ yel: “Nɩr wa yel ʋ sãà bɩɩ ʋ mã: a bom nɛ ɩ̃ nãá sõw nɩ fʋ a, ɩ̃ de ʋ na kʋ̀ Naaŋmɩn a”,

⁶ʋ bɛ mɩ́ lɛb cãà tɛr a ʋ sãà ƴãwfʋ san ɛ. À ŋá n'a nyɩ mɩ́ ŋmɛ a Naaŋmɩn ƴɛ̀rʋ lɔb, a nyɩ nɩ-kore ciiru zũú.

⁷Nɩsaal-libelibe bɛ ŋa! A naaŋmɩn-ƴɛ̀r-manɛ Ɩzayi tɩ ƴɛ̀r'ɩ vla càar'ɩ nyɩ, a lɛn daar ʋ na tɩ ƴɛ̀r a ƴɛ̀r-bie á ŋá a:

⁸“Nɛ́ɛ tɛwr'a a nɩbɛ bɛ ŋa ƴãwnɛ nɩ mɛ̃, ɛcɛ a bɛ pʋʋr zãá nɩ mɛ̃.

⁹A bɛ puoru bɛ na puore mɛ̃ a, bɛ tɛr pɛr ɛ, ɛ́ a bɛ wulu bɛ na wule a ɩ nɩsaalbɛ nɛ-ƴãwnɩ tɛwr[42].”»

¹⁰Al pùorí, a Yeezu tɩ bʋɔl'ɩ a zu-sɛbla wa yel bɛ: «Nyɩ bɛr wõ vla, ɛ́ bãw a pɛr!

¹¹Bom nɛ na kpɩɛr a nʋɔrɩ́ a, ʋlɛ bɛ n'ʋ dɛwr a nɩsaal ɛ. Bom nɛ na yire a nʋɔrɩ́ a, ʋlɛ n'ʋ dɛwr a nɩsaal.»

¹²Lɛ n'a a ʋ po-tuurbɛ tɩ taw ta yel ʋ: «Fʋ bãwnɩ a na k'aa fʋ ƴɛ̀rʋ ŋa a Faarizɩ̃ɛ mɩnɛ na wõ a, ʋ dam bɛ na a?»

¹³Ʋ tɩ sɔw: «Tɩɛ nɛ za, a ɩ̃ Sãà na be a tẽ-vla pʋɔ a na bɛ sɛl a, bɛ na vʋ̃ɔ ʋ na bɛr.

¹⁴Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

¹⁵Pɩɛr tɩ de nɩ a ƴɛ̀rʋ yel ʋ: «Ír a zʋkpar-kpɛ̃w ŋa pɛr kʋ̀ tɩ.»

¹⁶A Yeezu tɩ yel a: «A nyɩɩm mɩ̀, nyɩ cãà bɛ tɛr yã sɛr ɛ?

¹⁷Nyɩ bɛ bãw kɛ́ bom nɛ za na kpɩɛr a nʋɔrɩ́ a, tɔlɛ na siwr a pùorí, ɛ́ na tɩ yi a sɩmanɩ́ ɛ?

¹⁸Ɛcɛ a al na yire a nʋɔrɩ́ a, socir pʋɔ sɩrɩ n'a a mɩ́ yi, ɛ́ alɛ n'a dɛwr a nɩsaal.

¹⁹A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

²⁰Á ŋá n'a dɛwr a nɩsaal. Ɛcɛ dɩ kɛ́ bɛ dãw de niwn pɛ́w nũu mɛ̃ a lɛ a puoru sɔ́r na yel a, al bɛ dɛwr nɩsaal ɛ.»

²¹A Yeezu tɩ yi n a be ɛ́ cen Tɩ́ɩ̀r nɩ Sɩdɔ̃ ten lowr.

²²Kanãa tẽw pɔw kãw tɩ yi n a be wa ŋmɩɛr cɛlsɩ yere nɩ: «Sore e, Daviir bidɛb i, zɔ ɩ̃ nɩbaalʋ! Kɔ̃tɔn kãw dɔwrɛ nɩ a ɩ̃ pɔwyale bɛ dɩ vuo ɩ!»

²³Ɛcɛ a Yeezu bɛ tɩ ƴɛ̀r ƴɛ̀rʋ za sɔw ʋ ɛ. A ʋ po-tuurbɛ tɩ taw na ta zɛlɛ ʋ yere nɩ: «Ƴãw ʋ lɛb! Ʋ na ɩrɛ gɔmɛ tuur'ɩ tɩ a.»

²⁴A Yeezu tɩ sɔw na: «A Ɩsɩrayɛl bʋʋrɛ nɩbɛ, na ɩ mɛ̃ píir na bɔr a, tɛwr zie n'a bɛ tõ m.»

²⁵Ɛcɛ a pɔw tɩ wa na wa lo gbĩ dume a ʋ niŋé ɛ́ yel: «Sore e, sõw mɛ̃!»

²⁶A Yeezu tɩ sɔw na: «A bɛ sɛw kɛ́ bɛ mɩ́ de a bibiir bʋ̃-dɩrɩ lɔb ƴãw bali ɛ.»

²⁷A pɔw lɛb yel ʋ: «Yel-mɩŋa n'a, Sore e, ɛcɛ a bali mɩ́ tuure nɩ a nɩbɛ na so a a bʋ̃-dɩ-ŋmaarɛ na lore a dɩrɛ.»

²⁸A lɛ n'a a Yeezu tɩ sɔw ʋ: «Pɔw i, a fʋ naaŋmɩn-sàwfʋ ɩ n kpɛ̃ɛ! A tu a lɛ fʋ na bɔbr a!» Ɛ́ a tɛm nɛ pʋɔ, a ʋ pɔwyale tɩ sanɩ na.

²⁹A Yeezu tɩ yi n a be cen a Galile kʋ̃ɔ-kpɛ̃ɛ nʋɔr. Ʋ tɩ do n tãw zu tɩ zɩ̃ a be.

³⁰Zu-sɛbla na bɛ dɩ vuo a, tɩ wa n a ʋ zie, lãw tɛr wʋbr, zɔn, nɩ-kɔwr, wõw-takpalɛ nɩ bàalbɛ yaga. Bɛ wa bin bɛ nɩ a ʋ pile ʋ sanɩ bɛ.

³¹A nɩbɛ na tɩ nyɛ̃ a wõw-takpalɛ bɛ ƴɛ̀rɛ a, a nɩ-kɔwr bɛ lɛb kpɛ̃w a, a wʋbr bɛ cere dẽdẽ a, ɛ́ a zɔn nyɛrɛ a, a tɩ ɩ n nɔ-ɓãa-yel a bɛ zie, bɛ íre a Ɩsɩrayɛl Naaŋmɩn yúor-vɩɛlʋ-danʋ.

³²A Yeezu tɩ bʋɔl'ɩ a ʋ po-tuurbɛ wa yel bɛ: «A nɩbɛ bɛ ŋa ɩrɛ mɛ̃ nɩ nɩbaalʋ. Bibie ata n'ɩ á ŋá bɛ na be a ɩ̃ zie, ɛ́ bɛ tɛr bʋ̃-dɩra a. Ɩ̃ bɛ bɔbr k'ɩ̃ɩ bɛr bɛ bɛ lɛb kule nɩ a kɔ̃ ɩ, bɛ nãà mab'a lo a sɔ́r zu.»

³³A ʋ po-tuurbɛ tɩ sowr'ʋ na: «Nyɩnɛ n'a tɩ na páw dipɛ̃ a sɛw tʋ̃ɔ́ tɩw a nɩbɛ bɛ ŋa za, a wɛja pʋɔ ka?»

³⁴A Yeezu tɩ sowri bɛ na: «Dipɛ̃ a ŋmɩn n'a nyɩ tɛr?» Bɛ tɩ sɔw na: «Ayopõi nɩ zʋm-bili blã.»

³⁵Lɛ n'a a Yeezu tɩ ƴãw a nɩbɛ zɩ̃ tẽw,

³⁶ʋʋ de a dipɛ̃ ayopõi nɩ a zʋ́mɛ́ al, puori a Naaŋmɩn barka, ɛ́ ŋma kʋ̀ a ʋ po-tuurbɛ, a ʋ po-tuurbɛ de kʋ̀ a zu-sɛbla.

³⁷A nɩbɛ za tɩ dɩ na tɩw, ɛ́ bɛ wob a bʋ̃-ŋmaarɛ paalɩ peli ayopõi kul'ɩ.

³⁸Ɛcɛ, a nɩbɛ bɛl za na tɩ dɩ a, tɩ ɩ n dɛbr túr-anaar (4 000), ɛ́ bɛ bɛ tɩ sɔ́r a pɔwbɛ nɩ a bibiir ƴãw ɛ.

³⁹A Yeezu na wa bɛr a zu-sɛbla bɛ kule a, ʋ kpɛ n a gbor pʋɔ cere Magadã tẽw lowr.