Read Dagara, Northern Matie 3 Bible Online

Matie 3 - Dagara, Northern bible

Matie 3

¹A lɛn daar, a Zã-Bati tɩ yi n a Zude tẽw wɛja-kpalɛ pʋɔ tɩ hiere yere:

²«Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

³A Zã yele n'a a naaŋmɩn-ƴɛ̀r-manɛ Ɩzayi tɩ dãw yel à ŋá: «Nɩr kãw kɔkɔr cɩɩrɛ nɩ a wɛja-kpalɛ pʋɔ yere: “Nyɩ cɔbrɩ a Sore sɔ́r, nyɩ maalɩ a ʋ soli k'a tori[5].”»

⁴A Zã mɩ́ tɩ su n nyɔ̃wmɛ kɔblʋ kparʋ ɛ́ 'lẽ nɩ gán-kpawr a sɩɛmɩ́. Ʋ tɩ 'wɔbr'ɩ sãsoge dɩrɛ nɩ mʋ̃ɔ pʋɔ sɩwr.

⁵A Zerizalɛm tẽw nɩbɛ, a Zude tẽw dem za, a Zurdɛ̃ lowr dem nɩ bɛ pɛr, tɩ cere nɩ a ʋ zie,

⁶tɩ yere a bɛ yel-bebe, ʋʋ kʋ̀rɛ bɛ a suob a Zurdɛ̃ man kʋ̃ɔ pʋɔ.

⁷A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

⁸Nyɩ wɔnɛ ɩ-vɩɛlɩ wɔmɛ na wul kɛ́ nyɩ lɩɛb'ɩ a nyɩ ɩb a,

⁹ɛ́ taa wa nanɩ yere nyɩ tʋɔra kɛ́: “Abraham n'ɩ a tɩ sãà ɩ.” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

¹⁰A lɛr'ɩ ŋan na be a tɩɩr ƴãw baarɩ a, tɩɛ nɛ za na bɛ wɔnɛ wɔ̃-vɩɛlɩ a, bɛ na cɛ ʋ na ŋmãa lɔb ƴãw vũumí.

¹¹Kʋ̃ɔ n'a mãa kʋ̀rɛ nɩ nyɩ a suob, kɛ́ nyɩ tʋ̃ɔ́ lɩɛbɩ a nyɩ ɩb, ɛcɛ a sob nɛ na waar a ɩ̃ pùorí a, ʋ kpɛmɛ na zuo mɛ̃, ɩ̃ bɛ sɛwnɩ na yaa a ʋ nafawr bɛr ʋ ɛ. Ʋl a, Vʋʋrʋ Sõw nɩ vũu n'a ʋ na kʋ̀ n nyɩ a suob.

¹²Ʋ tɛr'ɩ a ble bʋ̃-yɛla a ʋ nũú, ʋ na yɛ́lɩ nɩ a ʋ ble, bʋ́r a bie nɩ a ur, wob a bie ƴãw a ʋ bowrí ɛ́ nyɩw a ur bɛr vũu na bɛ tɛr kpiiru daar a pʋɔ.»

¹³Lɛ n'a a Yeezu tɩ yi a Galile tẽw, ɛ́ wa a Zurdɛ̃ manɩ́ a Zã zie k'aa Zã wa kʋ̀ ʋ a suob.

¹⁴A Zã bɛ tɩ sàwr ɛ, ɛ́ yere kʋ̀rɛ ʋ: «Mãa n'ʋ a tɩ sɛw k'ɩ̃ɩ de a suob a fʋ zie, ɛ́ fʋ̃ʋ n'ʋ nɩ̃ɛ waar a ɩ̃ zie e!»

¹⁵Ɛcɛ, a Yeezu tɩ sɔw ʋ na: «Bɛr a tu à à ŋá sɛr. À ŋá n'a a fɛr kɛ́ tɩ tu a lɛ a Naaŋmɩn na bɔbr a.» A Zã tɩ sàw na.

¹⁶A Yeezu na tɩ de a suob wa baarɩ a, ʋ yi n a kʋ̃ɔmɩ́. A ʋlɩ pɛr nɛ pʋɔ, a salom tɩ yuo na, ʋʋ nyɛ̃ a Naaŋmɩn Vʋʋrʋ ʋ siwr waar a ʋ zu mɛ̃ naŋmam a,

¹⁷ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»