Read Dagara, Northern Luka 17 Bible Online

Luka 17 - Dagara, Northern bible

Luka 17

¹A Yeezu tɩ yel'ɩ a ʋ po-tuurbɛ: «A bɛ tɛr ɩb ɛ, yele na be n be tawr a nɩbɛ ƴãwn a yel-bier pʋɔ. Ɛcɛ baw-bio sob'ɩ a sob nɛ na mɩ́ wa n a yele á ŋá a.

²Bɛlɛ ɩ mɛ̃ bɛ 'lẽ nɩ kʋsɛ-kpɛ̃ɛ ƴãw ʋ kɔkɔrɩ́, ɛ́ dáa ʋ lɔb ƴãw kʋ̃ɔ-kpɛ̃ɛ pʋɔ a, alɛ na sa ʋ, ʋ na na ɩ a bãbàalbɛ bɛ ŋa kãw ʋ lo a yel-bier pʋɔ a.

³Nyɩ gù nyɩ tʋɔra vla.» «A fʋ yɛb wa ɩ sãw fʋ a, wul ʋ. Ɛ́ ʋlɛ wa sàw a ʋ sãwna a, dɩ suur kʋ̀ ʋ.

⁴Ɛ́ bibi-been pʋɔ, ʋlɛ wa sãw fʋ gb'a ayopõi, ɛ́ a gb'a ayopõi ƴãw ʋ lɛb wa yel fʋ: “Ɩ̃ sãw na” a, fʋ na dɩ n suur kʋ̀ ʋ.»

⁵A nɩ-toni tɩ yel'ɩ a Sore: «Ɩ a tɩ naaŋmɩn-sàw-deb ʋ bɛrmɛ dɔwlɩ.»

⁶A Sore tɩ sɔw na: «Nyɩmɛ tɩ ɩ mɛ̃ nyɩ tɛr'ɩ a naaŋmɩn-sàw-deb ʋ bɛrmɛ mɛ̃ seneve bir a, nyɩ nãá tɩ yel'ɩ a sɩkomɔɔr tɩɛ ŋa na àr a: “Vʋ̃ɔ tɩ bà a kʋ̃ɔ-kpɛ̃ɛ pʋɔ”, ʋʋ nãá sàw nɩ a nyɩ nʋɔr.»

⁷«Nyɩ buor sob'ʋ na tɛr tõ-tõ-bie ʋ kʋɔr bɩɩ àrɛ nɩ bome, ɛ́ wa yi a wɩ̀ɛ pʋɔ wa ta ʋ yel ʋ: “Wa fɔ̃w wa zɩ̃ dɩ”?

⁸Ʋ kʋ̃ nɩ̃ɛ vɛ̃ kɛ́ yel ʋ: “Maalɩ a bʋ̃-dɩrɩ kʋ̀ m, su a fʋ tõ-tõ-kparɩ kaa nɩ ɩ̃ zie, ɩ̃ dɩ kɛ́ nyũ baarɩ, al pùorí, fʋ mɩ̀ na dɩ na kɛ́ nyũ ɛ?”

⁹Ʋ tɛr'ɩ puoru san a tõ-tõ-bie ŋa zie, ʋ na tu a lɛ ʋ na ƴãw a nʋɔr kʋ̀ ʋ a bɩɩ?

¹⁰Lɛ n'a a mɩ̀ ŋmɛ̃ a nyɩ zie: nyɩmɛ wa maalɩ a alɩ bome nɛ za a Naaŋmɩn na yel a, nyɩɩm yel nyɩ tʋɔra: “Tõ-tõ-biir tɛwr'ɩ tɩ, tɩ tome n'a tɩ tõ.”»

¹¹A Yeezu na tɩ cere a Zerizalɛm a, ʋ tɩ tu na yi a Samaari nɩ a Galile ten cara pʋɔ.

¹²Ʋ na tɩ kpɩɛr tẽ-cãpile kãw pʋɔ a, kɔn pie tɩ wa na wa tuor'ʋ. Bɛ tɩ tɛw na àr zãá,

¹³ɛ́ cɩɩrɛ kpɛ̃w za: «Yeezu, Wul-wul-kara a, zɔ tɩ nɩbaalʋ!»

¹⁴A Yeezu tɩ nyɛ̃ bɛ na ɛ́ yel bɛ: «Nyɩ cen tɩ wul nyɩ tʋɔra a Naaŋmɩn bàwr-maalbɛ.» Zɩ̃ kɛ́ bɛ na tɩ be a sɔ́r zu cere a, bɛ tɩ sanɩ na.

¹⁵A bɛ kãw na tɩ nyɛ̃ ʋ sanɩ a, ʋ lɩɛb'ɩ pùor zɛw kɔkɔr danɛ nɩ a Naaŋmɩn waar'ɩ,

¹⁶wa lo vɔblɩ muru a Yeezu gbɛ́ɛ ƴãw, puore ʋ yãanɩ. Ɛcɛ Samaari tẽw nɩr tɩ n'ʋ.

¹⁷Lɛ n'a a Yeezu pãa tɩ sowri: «A bɛ za pie bɛ nɛbɛ sanɩ ɛ? A piwaɩ bɛl na cɛ a, nyɩnɛ n'a bɛ be?

¹⁸A bɛ kãw za bɛ yel k'ʋʋ lɛb wa danɩ a Naaŋmɩn, a bɛ ɩ a sãan ŋa yõ ɩ?»

¹⁹Al pùorí, a Yeezu tɩ yel ʋ na: «Ìr cere, a fʋ naaŋmɩn-sàw-deb faa fʋ na.»

²⁰A Faarizɩ̃ɛ mɩnɛ tɩ sowr'ɩ a Yeezu: «Debor daar'a a Naaŋmɩn Naalʋ na ta?» Ʋ tɩ sɔw bɛ na: «A Naaŋmɩn Naalʋ waa kʋ̃ sãá ɩ.

²¹Bɛ kʋ̃ yel a ʋ ƴãw kɛ́: “Nyɛ̃ ʋ ka”, bɩɩ: “Ʋlɛ n'ɩ ŋan ka lowr ɛ”. Bʋ̃ʋ n'ʋ vɛ̃, nyɩ bãwnɩ a, a Naaŋmɩn Naalʋ be n a nyɩ sɔgɔ.»

²²Lɛ n'a ʋ tɩ yel a ʋ po-tuurbɛ: «Bibie waar'a na vɩɛ, ɛ̀ nyɩ na bɔbr kɛ́ nyɩ nyɛ̃ a Nɩsaal Bie daar mʋ̃tɔ̃-been yõ, ɛ́ kʋ̃ nyɛ̃ ʋ ɛ.

²³Bɛ na yere na kʋ̀rɛ nyɩ: “Nyɩ nyɛ̃ ʋ ka, ʋ be n ka lowr.” Nyɩ taa cere ɩ, nyɩ taa dãwnɛ taa a be ɩ.

²⁴Mɛ̃ a lɛ saa na mɩ́ nyɩwrɩ yi ka tɩ sãá ka a, lɛ n'a a Nɩsaal Bie mɩ̀ na ŋmɛ̃ a ʋ waa bibir.

²⁵Ɛcɛ a fɛr'a k'ʋʋ wõ tuo yaga, ɛ́ a dɩ̃a nɩbɛ bɛ ŋa zawr'ʋ bɛr baarɩ.

²⁶A lɛ a yele na tɩ ɩ a Nowe[30] daar a, lɛ n'a a mɩ̀ na ɩ a Nɩsaal Bie daar.

²⁷A nɩbɛ tɩ dɩrɛ na ɛ́ nyúur, a dɛbr tɩ kule nɩ pɔwbɛ, ɛ́ a pɔwbɛ kule sɩrbɛ, tɩ ta n a ʋlɩ bibir nɛ a Nowe na kpɛ a gbor-kpɛ̃ɛ pʋɔ a. Lɛ n'a a kʋ̃ɔ-paalʋ tɩ wa, a nɩbɛ za tu kʋ̃ɔ kpi.

²⁸A mɩ̀ na cãà na lɛb ŋmɛ̃ mɛ̃ a Lɔtɩ[31] daar a: a nɩbɛ tɩ dɩrɛ na ɛ́ nyúur, bɛ tɩ dàar'ɩ bome ɛ́ kʋɔrɛ bome, bɛ tɩ kʋɔr'a ɛ́ mɩɛr yie.

²⁹Ɛcɛ a ʋlɩ bibir nɛ za a Lɔtɩ na tɩ yi a Sodɔm tẽw pʋɔ a, Naaŋmɩn ɩ na vũu nɩ cirbi[32] siw a Sodɔm zu mɛ̃ saa a, kʋ a nɩbɛ za.

³⁰À ŋá n'a a mɩ̀ na ŋmɛ̃ a ʋlɩ bibir a Nɩsaal Bie na na wul ʋ tʋɔra a.»

³¹«A ʋlɩ bibir nɛ a, sob nɛ wa be gàrʋ́ ɛ́ a ʋ bome be dĩó a, ʋ ta siw k'ʋʋ tɩ de a ɩ. Lɛ mɩ̀ n'a, sob nɛ na be pu-pʋɔ a, ʋ ta lɛb pùor kul yir ɛ.

³²Nyɩ lɛb tɩɛrɩ a Lɔtɩ pɔw[33] yele.

³³Sob nɛ na cɩrɛ nɩ a ʋ nyɔ-vʋʋrʋ a, na bɔr ʋ na bɛr, ɛ́ sob nɛ wa bɔr a ʋ nyɔ-vʋʋrʋ bɛr a, ʋ na páw ʋ na.

³⁴Ɩ̃ yere na kʋ̀rɛ nyɩ, a ʋlɩ tɩ̃ɩsɔw nɛ a, nɩbɛ ayi na be n gado-been zu, bɛ wa tɛr been ɛ́ bɛr been.

³⁵Pɔwbɛ ayi na lãw na ƴɛ̀rɛ zɔ̃, bɛ wa tɛr been ɛ́ bɛr been. [

³⁶Dɛbr ayi na be n pu-pʋɔ, bɛ wa tɛr been ɛ́ bɛr been.»]

³⁷A po-tuurbɛ tɩ de nɩ a ƴɛ̀rʋ sowr'ʋ: «Nyɩnɛ n'a à á ŋá za na ɩ, Sore e?» Ʋ tɩ sɔw bɛ na: «A be a bʋ̃-kũu na na be a, be n'a a sidume mɩ̀ na gbone taa.»