Read Dagara, Northern Ʋrɔm 13 Bible Online

Ʋrɔm 13 - Dagara, Northern bible

Ʋrɔm 13

¹Nɩsaal za n'ʋ a fɛr k'ʋʋ sàwr a nɩ-bɛrɛ na dɩrɛ nɩ-kpɛnʋ a nʋɔr. Bʋ̃ʋ n'ʋ so, nɩ-kpɛ̃ɛnʋ za yi n Naaŋmɩn zie. A nɩ-kpɛ̃ɛnʋ na be be a, Naaŋmɩn n'ʋ mɩ́ ƴãw a.

²A na ɩ à ŋá a, sob nɛ na bɛ sàwr a nɩ-kpɛ̃ɛnʋ dɩrɛ a ʋ zu a, ʋ bɛ sàwr a lɛ a Naaŋmɩn na bɔbr k'aa yele tuur a ɩ. Ɛ́ a bɛlɩ dem na bɛ sàwr a nɩ-kpɛ̃ɛnʋ a, bɛ na bɔ n dɔwrʋ ƴãw bɛ tʋɔra.

³A ƴɛ̀r-dɩrbɛ bɛ ɩ nɩ-zɔrɩ sob nɛ na ɩrɛ vla a zie ɩ, sob nɛ na ɩrɛ faa a zie n'a bɛ ɩ nɩ-zɔrɩ. Fʋ bɔbr'a kɛ́ fʋ ta zɔrɛ a nɩ-kpɛ̃ɛ ɩ? Ɩrɛ vla, ʋʋ na mʋʋrɛ fʋ na,

⁴bʋ̃ʋ n'ʋ vɛ̃, Naaŋmɩn tõ-tone n'ʋ, k'ʋʋ tʋ̃ɔ́ mɩ́ ƴãw fʋ ɩrɛ vla. Ɛcɛ fʋ̃ʋ wa ɩrɛ faa a, fʋ̃ʋ zɔrɛ ʋ, bʋ̃ʋ n'ʋ vɛ̃, zawlalɛ ƴãw bɛ n'a ʋ tɛr a dɔwrʋ fãw ɛ. Ʋlɛ wa dɔwrɛ nɩr a, a Naaŋmɩn tome n'a ʋ tone, k'ʋʋ wul a Naaŋmɩn suur na ìr a yel-fa-maalɛ ƴãw a.

⁵Alɛ n'a so a fɛr k'aa nɩ-bɛrɛ nʋɔr-sàwfʋ be be, ɛ́ a ta ɩ a Naaŋmɩn suur dɛ̃bɩ̃ɛ tɛwr ƴãw ɛ, ɛ́ mɩ̀ ɩ a vla a socir na wule a ƴãw.

⁶Alɛ cãà n'a so nyɩ yarɛ a zuru-yar, bʋ̃ʋ n'ʋ vɛ̃, a bɛlɩ dem na dier a a, Naaŋmɩn n'ʋ kʋ̀ bɛ a tõ-nʋɔr ŋa kɛ́ bɛ tone vla.

⁷Nyɩ mɩ́ kʋ̀ ŋa za a ʋlɩ bom a na fɛr kɛ́ nyɩ kʋ̀ ʋ a: a zuru-yar, a sob nɛ na dier a zuru-yar a, a bome a mɩnɛ samɛ, a bɛlɩ dem na dier a samɛ á ŋá libie a, a zɔba, a sob nɛ a na fɛr kɛ́ nyɩ zɔrɛ a, a ƴãwfʋ, a sob nɛ a na fɛr kɛ́ nyɩ ƴãwnɛ a.

⁸Nyɩ ta mɩ́ tɛr san kãw za nɩr za zie ʋ bɛ ɩ a nyɩ nɔ̃w-taa ɩ. Bʋ̃ʋ n'ʋ vɛ̃, sob nɛ na nɔnɛ a ʋ tɔ a, ʋ sàw nɩ a Naaŋmɩn wulu ʋ za.

⁹A Naaŋmɩn nɛ-ƴãwnɩ á ŋá: «Ta maalɩ pɔw-gaa-yel-bier, ta kʋ nɩr, ta zu bom, ta tɩɛrɛ kɛ́ fʋ̃ʋ nãá so a fʋ tɔ bom», nɩ a Naaŋmɩn nɛ-ƴãwnɩ al za na cɛ a, a za tuor'ɩ taa be a Naaŋmɩn nɔ-ƴãwna ŋa yõ pʋɔ: «Fʋ na nɔnɛ nɩ a fʋ tɔ sob mɛ̃ a fʋ mɩŋa a[44].»

¹⁰Nɔ̃wfʋ bɛ maalɛ faa kãw za tɔ zie ɩ. Lɛ so, fʋ̃ʋ wa nɔnɛ a fʋ tɔ a, fʋ sàw nɩ a Naaŋmɩn wulu ʋ za.

¹¹Nyɩ ta dɩ̃ɛnɛ nɩ a yel ŋa ɩ, nyɩ na bãw a daar ʋl pʋɔ tɩ na be a: a tɛm ta na kɛ́ nyɩ bɛr a nyɩ gʋ̃ɔ lɛ, ɛ́ ìr. Bʋ̃ʋ n'ʋ vɛ̃, a faafʋ pɩɛl tɩ nɩ a ƴɛrɛŋa zuo a lɛn daar tɩ na tĩ kɛ́ sàw de a Naaŋmɩn a.

¹²A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

¹³Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

¹⁴Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.