Read Dagara, Northern 2 Korɛ̃tɩ 4 Bible Online

2 Korɛ̃tɩ 4 - Dagara, Northern bible

2 Korɛ̃tɩ 4

¹Su-ɓaarʋ zũú na n'a a Naaŋmɩn kʋ̀ tɩ a tõ-nʋɔr ŋa a, alɛ so tɩ bɛ be na bàl bɛr ɛ.

²Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

³Ɛcɛ a Yel-nʋ̃ɔ̀ tɩ na manɛ a wa cãà ɩ mɛ̃ ʋ sɔwl'a a, a bɛlɩ dem na bɔrɛ a zie n'a ʋ sɔwlɩ,

⁴a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

⁵Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

⁶Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a[4]», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

⁷Ɛcɛ tɩ tɛr'ɩ a na-bʋ̃-sɩza ŋa mɛ̃ yawra duwli pʋɔ n'a tɩ ƴãw a, k'aa kpɛnʋ ŋa na bɛ tɛr tɔ a, ta yi tɩɩm zie ɩ, ʋ yi Naaŋmɩn zie.

⁸Kpɩɛrʋ bʋʋrɛ za ta tɩ na, ɛ́ a bɛ dĩ tɩ kʋ ɛ. A mɩ́ ɩ na mɛ̃ tɩ na tɔl'a gù a, ɛ́ tɩ tʋ̃ɔ́ tɔl.

⁹Bɛ diw tɩ na gʋɔr'ɩ, ɛ́ bɛ páw tɩ ɛ. bɛ lɔb tɩ nɩ tẽw, ɛcɛ bɛ kʋ tɩ ɛ.

¹⁰Kʋralɛ n'a a Kɩrɩta kũu be a tɩ ƴã-ganɩ́, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-ganɩ́.

¹¹Tɩ na saa cãà vʋʋrɛ a, ɛcɛ a kũu jɩɛrɛ tɩ nɩ kʋralɛ a Yeezu yúor ƴãw, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-gan na ɩ bʋ̃-kpiira a pʋɔ.

¹²A na ŋmɛ̃ à ŋá a, a kũu tone nɩ a tɩ zie, ɛ́ a nyɔ-vʋʋrʋ tone a nyɩ zie.

¹³A Sɛb-sõw yel'a: «Ɩ̃ sàw na de, alɛ so ɩ̃ ƴɛ̀r[5].» A tɩɩm mɩ̀ a, a sàw-deb-been ŋa tɩɛrʋ tɩ na tɛr a n'a so tɩ mɩ̀ sàw de, ɛ́ alɛ n'a so tɩ ƴɛ̀rɛ.

¹⁴Bʋ̃ʋ n'ʋ vɛ̃, tɩ bãwnɩ a na, a sob nɛ na ɩ a Sore Yeezu ʋ lɛb yi a kũu pʋɔ a, ʋ mɩ̀ na ɩ na tɩ lãw nɩ a Yeezu lɛb yi a kũu pʋɔ, ʋʋ na de tɩ na lãw nɩ nyɩ a ʋ zie.

¹⁵A nyɩɩm ƴãw n'a tɩ sàwr tuo za, k'aa Naaŋmɩn maalʋ tarɛ nɩ-yaga dɔwlɛ, lɛ n'a nɩ-yaga na puore a Naaŋmɩn yãanɩ a ʋ yúor-vɩɛlʋ-danʋ ƴãw.

¹⁶Alɛ so tɩ bɛ be za nãà bàl bɛr ɛ. A tɩ nɩsaal ʋl na sãá a saa sãwnɛ cere a, a tɩ nɩsaal ʋl na be a pʋ̃ɔmɩ a, lɩɛbɛ nɩ paala bibir za.

¹⁷A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

¹⁸A bom nɛ tɩ na bɔbr kɛ́ tɩ páw a, ʋ bɛ ɩ bom bɛ na mɩ́ nyɛ̃ a ɩ, bom bɛ na bɛ mɩ́ nyɛ̃ a n'ʋ. Bom bɛ na mɩ́ nyɛ̃ a be n be sɛr, ɛcɛ a bom bɛ na bɛ mɩ́ nyɛ̃ a be kʋralɛ.