Read Dagara, Northern Galasi 4 Bible Online

Galasi 4 - Dagara, Northern bible

Galasi 4

¹A na ɩ à ŋá a, a ɩ̃ tɩɛrʋ n'ɩ ŋa: lɛn daar za a gbã-dɩrɛ na cãà ɩ bibile a, ʋlɛ nɩ a gbãgbaa za ɩ n been, ʋ na saa so bom za a.

²Ɛcɛ nɩbɛ na kaarɛ a ʋ zie ɛ́ kaarɛ a ʋ bome zie a mɩ́ so ʋ tɩ ta n a daar ʋl a ʋ sãà na ƴãw a.

³Lɛ n'a a mɩ̀ ŋmɛ̃ a tɩ zie. A lɛn daar tɩ na tɩ cãà ɩ mɛ̃ bibiir a, tɩ tɩ ɩ n a tẽ-daa bʋ̃-balɛ[11] gbãgbaar.

⁴Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,

⁵k'ʋʋ tʋ̃ɔ́ ya de a bɛlɩ dem na be a Naaŋmɩn wulu fɛrʋ pʋɔ a, ɩ tɩ lɩɛbɩ Naaŋmɩn bibiir.

⁶A Naaŋmɩn na bɔbr k'ʋʋ wul kɛ́ nyɩ sɩrɩ na ɩ a ʋ bibiir a, ʋ tõ n a ʋ Bie Vʋʋrʋ a tɩ socie pʋɔ, ʋ mɩ́ cɩɩrɛ yere: «Aba, ɩ̃ Sãà a!»

⁷A na ɩ à ŋá a, fʋ bɛ cãà ɩ gbãgbaa ɩ, Naaŋmɩn bie nɛ b, ɛ́ fʋ na ɩ a ʋ bie a, a Naaŋmɩn na kʋ̀ b'ɩ a gbã-dɩ-bom ʋ na bin a ʋ bibiir ƴãw a.

⁸A dãwdãw nyɩ na bɛ tɩ bãw a Naaŋmɩn a, nyɩ tɩ ɩ n ŋmɩmɛ na bɛ ɩ ŋmɩmɛ a gbãgbaar.

⁹Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?

¹⁰Nyɩ bɛ ƴãwnɛ dere a bibie a mɩnɛ, a cuwr a mɩnɛ, a voru a mɩnɛ, nɩ a yome a mɩnɛ ƴãw ɛ.

¹¹Nyɩ ɩ na ɩ̃ zɔrɛ dɛ̃bɩ̃ɛ ɩ̃ nãà wa bàl ɩ̃ tʋɔra a nyɩ ƴãw zawlalɛ a.

¹²Yɛbr i, ɩ̃ zɛlɛ nyɩ na, nyɩ lɩɛbɩ ŋmɛ̃ taa nɩ mɛ̃, mɛ̃ a lɛ ɩ̃ na sàw ŋmɛ̃ taa nɩ nyɩ a. Nyɩ bɛ sãw mɛ̃ yel kãw za ƴãw ɛ.

¹³Nyɩ bãwnɩ a na, bàalʋ n'a tɩ so ɩ̃ hieri a Yel-nʋ̃ɔ̀ kʋ̀ nyɩ a dãw-niwn sob daar.

¹⁴A ɩ̃ ƴã-gã-bàal nyɛ́b tɩ ɩ n kpɩɛrʋ a nyɩ zie, ɛcɛ nyɩ bɛ jewri mɛ̃ ɩ, bɛ pĩ m ɛ, nyɩ nɩ̃ɛ na tɩ de m mɛ̃ Naaŋmɩn malkɩ bɩɩ a Kɩrɩta Yeezu tɔr za a.

¹⁵A nʋ̃ɔ̀ na tɩ dãw ɩrɛ nyɩ a, nyɩnɛ n'a ʋ cen mɔ̃? Bʋ̃ʋ n'ʋ vɛ̃, ɩ̃ dɩrɛ nɩ a dãsɩɛ ŋa a nyɩ ƴãw: nyɩmɛ tɩ tʋ̃ɔ́ a, nyɩ nãá 'lowr'ɩ a nyɩ mimie ƴãw mɛ̃.

¹⁶Ƴɛrɛŋa ɩ̃ na yel a yel-mɩŋa kʋ̀ nyɩ a, ɩ̃ lɩɛb'ɩ a nyɩ dɔ̃ sob bɩɩ?

¹⁷Bɛ mɩnɛ kãw mĩine nɩ a nyɩ ƴãw, ɛcɛ a bɛ tɩɛrʋ bɛ vɩɛl ɛ. Bom nɛ bɛ na bɔbr a n'ɩ kɛ́ bɛ bʋ́r mãa nɩ a nyɩɩm, nyɩ tʋ̃ɔ́ mĩine a bɛ ƴãw.

¹⁸Fʋ na mĩine a vla ƴãw a, bʋ̃-vla n'ʋ, ɛcɛ a mɩ́ ɩ kʋralɛ, ɛ́ ta ɩ ɩ̃ na mɩ́ wa be a nyɩ sɔgɔ a tɛwr ɛ.

¹⁹Ɩ̃ bibiir i, ɩ̃ lɛb'a wone tuo a nyɩ ƴãw mɛ̃ pɔw na dɔwr a, ɛ́ gù k'aa wa ɩ cãà k'aa Kɩrɩta be n a nyɩ sɔgɔ.

²⁰Bʋ̃ʋ pãa ɩ ɩ̃ bɛ be a nyɩ zie a ƴɛrɛŋa a! Ɩ̃ nãá ƴɛ̀r'a gaalɩ a kɔkɔr. Bʋ̃ʋ n'ʋ vɛ̃, ɩ̃ bɛ mɩ́ bãw a lɛ ɩ̃ na na ɩ a nyɩ zie a ɩ.

²¹Nyɩɩm na bɔbr k'aa Wulu so nyɩ a, nyɩ bɛ wone a lɛ a Wulu ŋa na yere a ɩ?

²²Bɛ sɛb'a k'aa Abraham tɩ tɛr'ɩ bibiir ayi, kãw ɩ a pɔw-gbãgbaa Agaar bie, ɛ́ kãw ɩ a pɔw na bɛ ɩ gbãgbaa a, a Saara, bie[12].

²³Ɛcɛ a pɔw-gbãgbaa tɩ dɔw nɩ a ʋ bie nɩsaal dɔwfʋ, ɛ́ a pɔw na bɛ ɩ gbãgbaa a dɔw a ʋ bie a tu a lɛ a Naaŋmɩn na yel a[13].

²⁴Zʋkpar'ɩ à ŋà bɛ na lɔb a: a pɔwbɛ bɛ ŋa ayi ɩ n wõ-taar ayi: a kãw a Agaar na wule a ɩ n a Sinayi tãw zu wõ-taa, gbãgbaar'a ʋ dɔwr.

²⁵A Agaar ɩ n a Sinayi tãw na be Arabi a, ʋ ŋmɛ̃ na taa nɩ a ƴɛrɛŋa Zerizalɛm na ɩ gbãgbaa, ʋlɛ nɩ a ʋ bibiir za a.

²⁶Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã.

²⁷Bʋ̃ʋ n'ʋ vɛ̃, bɛ sɛb'a yel: «Pɔw-ãan i, cɩlɛ, fʋ̃ʋ na bɛ tɩ dɔw a, ŋmɩɛr nʋ̃ɔ̀ cɛlsɩ, fʋ̃ʋ na bɛ wõ a dɔwfʋ 'wɔbrʋ a, a pɔw-zawr-bɛra bibiir na yãwmɛ na zuo a pɔw na tɛr sɩr a bibiir[14].»

²⁸Nyɩɩm, yɛbr i, nyɩ dɔw na mɛ̃ Ɩzaakɩ a, a tu a nʋɔr Naaŋmɩn na ƴãw a.

²⁹Ɛcɛ mɛ̃ a lɛ a koro za, a bie ʋl na tɩ dɔw a dɔwfʋ tu nɩsaal dɔwfʋ a na tɩ dɔwrɛ a bie ʋl na dɔw a tu Vʋʋrʋ Sõw a, lɛ n'a a mɩ̀ cãà ŋmɛ̃ a ƴɛrɛŋa.

³⁰Ɛcɛ a Sɛb-sõw yel'a kɛ́ bo? Ɛ́ «Fʋ diw a pɔw-gbãgbaa nɩ a ʋ bie bɛr, bʋ̃ʋ n'ʋ vɛ̃, a bɛ tɛr sɔ́r k'aa pɔw-gbãgbaa bie nɩ a pɔw na bɛ ɩ gbãgbaa a bie lãw a gbã-dɩ-bom ɛ[15].»

³¹Yɛbr i, a na ɩ à ŋá a, tɩ bɛ ɩ pɔw gbãgbaa bibiir ɛ, tɩ ɩ n pɔw na bɛ ɩ gbãgbaa a bibiir.