Read Dagara, Northern Efɛɛzɩ 5 Bible Online

Efɛɛzɩ 5 - Dagara, Northern bible

Efɛɛzɩ 5

¹A na ɩ à ŋá a, nyɩ cɔwrɛ a Naaŋmɩn, nyɩ na ɩ a ʋ bi-nɔnɩ a ƴãw.

²Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

³Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ.

⁴A mɩ̀ bɛ sɛw kɛ́ ƴɛ̀r-pɔmɛ bɩɩ dãbol-ƴɛ̀rʋ bɩɩ dɩ̃ɛnʋ ƴɛ̀r-faar yire a nyɩ nʋɔrɩ́ ɛ. Nyɩ mɩ́ vɛ̃ kɛ́ puore a Naaŋmɩn barka.

⁵Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

⁶Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

⁷Nyɩ ta pʋɔ a bɛ ɩ-faar maalʋ pʋɔ ɩ.

⁸Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

⁹Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa.

¹⁰Nyɩ mɩ́ ƴãw fãw bãw bom nɛ na pɛlɩ a Sore pʋɔ a.

¹¹Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

¹²A alɩ bome nɛ a nɩbɛ bɛ ŋa na mɩ́ sɔwlɛ ɩrɛ a, a manʋ mɩ́ ɩrɛ nɩ vĩ.

¹³Ɛcɛ bom nɛ na yi cãà pʋɔ a, a cãà mɩ́ wul'ɩ a bom nɛ ŋmɛ̃a za.

¹⁴Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

¹⁵A na ɩ à ŋá a, nyɩ tɛr maal-ɩb a nyɩ cenu pʋɔ: nyɩ ta cere mɛ̃ dãbole a ɩ, nyɩ cere mɛ̃ yã-bãwnbɛ

¹⁶na tɛr maal-ɩb a vuo ŋa pʋɔ a. A dɩ̃a zie ŋa sɩrɩ bɛ vɩɛl ɛ.

¹⁷A na ɩ à ŋá a, nyɩ ta ɩrɛ dãbol-ɩb ɛ, nyɩ ƴãw fãw bãw a Sore pʋ-tɩɛrʋ vla.

¹⁸Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

¹⁹Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za.

²⁰Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

²¹Nyɩɩm na ƴãwnɛ a Kɩrɩta a, nyɩ sàwr taa nɛ́ɛ.

²²Pɔwbɛ ɛ, nyɩ sàwr a nyɩ sɩrbɛ nʋɔr, mɛ̃ a lɛ nyɩ na sàwr a Sore nʋɔr a.

²³Bʋ̃ʋ n'ʋ vɛ̃, a sɩr n'ɩ a pɔw nɩ-kpɛ̃ɛ mɛ̃ a lɛn tɔr za a Kɩrɩta na ɩ a Lãw-yir nɩ-kpɛ̃ɛ a, ʋl na ɩ a ʋ ƴã-gan faarɛ a.

²⁴Ɛcɛ mɛ̃ a lɛ a Lãw-yir na sàwr a Kɩrɩta nʋɔr a, a pɔwbɛ, bɛ sàwr a bɛ sɩrbɛ nʋɔr a yele za pʋɔ.

²⁵Sɩrbɛ ɛ, nyɩ nɔnɛ a nyɩ pɔwbɛ mɛ̃ a lɛ a Kɩrɩta na nɔ̃w a Lãw-yir tɩ de ʋ tʋɔra tɩr a ʋ ƴãw a.

²⁶Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw[3].

²⁷Ʋ tɩ bɔbr'a kɛ́ a Lãw-yir àr a ʋ niŋé vɩɛl nyɩwrɛ, ɛ́ ta tɛr dɛwr ɛ, ta vár ƴã-gan ɛ, ta tɛr faalʋ za ɩ. Ʋ tɩ bɔbr'a k'aa Lãw-yir ɩ sõw ɛ́ ta tɛr sãwna nɩr yere ɩ.

²⁸À ŋá n'a a fɛr kɛ́ a sɩrbɛ nɔnɛ a bɛ pɔwbɛ, mɛ̃ a bɛ mɩŋa ƴã-gan a. Ʋlɩ sob na nɔnɛ a ʋ pɔw a, ʋ tʋɔra n'ʋ ʋ nɔnɛ.

²⁹Nɩr za bɛ dãw hɩ̃ɛn a ʋ mɩŋa ƴã-gan ɛ, ʋ nɩ̃ɛ na mɩ́ vɛ̃ kɛ́ guole ʋ, ɛ́ kaarɛ a ʋ zie vla, mɛ̃ a lɛ a Kɩrɩta na ɩrɛ a ʋ Lãw-yir ƴãw a,

³⁰a Lãw-yir na ɩ a ʋ ƴã-gan, ɛ́ tɩ za ɩ a ʋ ƴã-gan ŋa ɓɛrmɛ a.

³¹Alɛ n'a so, mɛ̃ a lɛ a Sɛb-sõw na yel a: «A dɛb na mɩ́ bɛr'ɩ a ʋ sãà nɩ a ʋ mã, ɛ́ tɩ lãw nɩ a ʋ pɔw, bɛ za ayi lɩɛbɩ nɩ-been[4].»

³²A yel ŋa na bɛ tɛr bãw baarʋ a ɩ n yel-kpɛ̃ɛ: mãa yere na k'ʋʋ càar'ɩ a Kɩrɩta nɩ a Lãw-yir.

³³Alɛ saa ŋmɛ̃ ŋmɩŋmɩn a, a fɛr'a kɛ́ nyɩ kãw za mɩ́ nɔnɛ a ʋ pɔw mɛ̃ a ʋl mɩŋa a, ɛ́ pɔw za ƴãwnɛ a ʋ sɩr.