Read Dagara, Northern 1 Tesalonikɩ 3 Bible Online

1 Tesalonikɩ 3 - Dagara, Northern bible

1 Tesalonikɩ 3

¹Lɛ so tɩ wa vʋʋrɩ gù, ɛ́ nyɛ̃ a sa kɛ́ tɩ be a Atɛn a tɩ yõ,

²ɛ́ tõ a tɩ yɛb Timote a nyɩ zie, k'ʋʋ wa ɩ nyɩ kpɛmɛ ɛ́ ƴãw fãw a nyɩ naaŋmɩn-sàw-deb ƴãw, ʋl na ɩ Naaŋmɩn lãw-tõ-tɔ a Kɩrɩta Yel-nʋ̃ɔ̀ hieru tome pʋɔ a,

³k'aa kpɩɛrʋ tɩ na nyɛrɛ a ƴɛrɛŋa a, taa wa damnɛ nyɩ kãw za ɩ. Bʋ̃ʋ n'ʋ vɛ̃, nyɩɩm mɩŋa za bãwnɩ a na tɩ na be a kpɩɛrʋ á ŋá ƴãw a.

⁴A lɛn daar tɩ na tɩ cãà be a nyɩ zie a, tɩ tɩ de nɩ niwn yel kʋ̀ nyɩ k'aa na fɛr'a tɩ nyɛ̃ kpɩɛrʋ, alɛ n'ɩ à á ŋá na ta a, nyɩ bãwnɩ a na.

⁵Al ƴãw n'a ɩ̃ tɩ vʋʋrɩ gu ɛ́ tõ kɛ́ bɛ wa nyɛ̃ a lɛ a nyɩ naaŋmɩn-sàw-deb na ɩ a, k'aa Bɛlbɛlɛ taa wa mab bɛlɩ nyɔw nyɩ, ɛ́ tɩ hanɩ zawlalɛ ɩ.

⁶Ƴɛrɛŋa a, a Timote yi n a nyɩ zie be lɛb wa ta a tɩ zie ka, ɛ́ yel a nyɩ naaŋmɩn-sàw-deb nɩ a nyɩ nɔ̃wfʋ na vɩɛl a yele kʋ̀ tɩ. Ʋ yel'a kʋ̀ tɩ kɛ́ nyɩ cãà na tɩɛrɛ a tɩ yele vla, ɛ́ bɔbr kɛ́ nyɩ lɛb nyɛ̃ tɩ, mɛ̃ a lɛ tɩ mɩ̀ na bɔbr kɛ́ tɩ lɛb nyɛ̃ nyɩ a.

⁷À ŋá n'a a tɩ kpɩɛrʋ nɩ a tɩ wʋ̀ʋr za pʋɔ tɩ nyɛ̃ mɔwlʋ a nyɩ ƴãw, yɛbr i, a nyɩ naaŋmɩn-sàw-deb zũú.

⁸Ɛ́ ƴɛrɛŋa a, tɩ lɛb'a vʋʋrɛ, nyɩ na ƴãw fãw lãw nɩ a Sore a ƴãw.

⁹Ŋmɩŋmɩn n'a tɩ na tʋ̃ɔ́ puori a Naaŋmɩn yãanɩ a nyɩ ƴãw k'a sɛw, a nʋ̃ɔ̀ al za nyɩ na ɩrɛ tɩ nyɛrɛ a ʋ niŋé a ƴãw?

¹⁰Mʋ̃tɔ̃w nɩ tɩ̃ɩsɔw za, tɩ mɩ́ zɛlɛ nɩ a Naaŋmɩn kpɛ̃w kpɛ̃w za, k'ʋʋ sàw tɩ lɛb nyɛ̃ nyɩ tʋ̃ɔ́ kʋ̀ nyɩ a alɩ bome nɛ za na cãà cɛ a nyɩ naaŋmɩn-sàw-deb ƴãw a.

¹¹A tɩ Sãà Naaŋmɩn mɩŋa, nɩ a tɩ Sore Yeezu, bɛ bɩɛlɩ a tɩ gbɛ́ɛ wa ta n a nyɩ zie.

¹²A Sore, ʋ ɩ a nɔ̃wfʋ nyɩ na nɔnɛ taa ɛ́ mɩ̀ nɔnɛ a nɩbɛ za a, ʋ ɩ ʋ kɛrɛ dɔwlɛ mɛ̃ a nɔ̃wfʋ tɩ na nɔnɛ nyɩ a.

¹³A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.