Read Dagara, Northern Zozue 12 Bible Online

Zozue 12 - Dagara, Northern bible

Zozue 12

¹A Ɩsɩrayɛl nɩbɛ tɩ zɛb'a tʋ̃ɔ́ na-mɩnɛ ayi a Zurdɛ̃ saa-pɛrɩ́, ɛ́ zɛb de a bɛ ten na tɩ yi a Arnon fʋɔla tɩ ta a Hɛrmɔ̃ tãgɛ̃́ a, a Zurdɛ̃ fʋɔla saa-pɛrɩ́ tɩ pʋɔ na.

²A na-dãw-niwn sob tɩ n'ɩ a Amoritɩ mɩnɛ nãà, Sihon, na tɩ kpɩɛr a Hɛsɩbon a. Ʋ tɩ dɩrɛ nɩ naalʋ a Arnon fʋɔla põ-zɛ̃-taa zu na tĩ a Arowɛɛr a, nɩ a Galaadɩ tẽw põ-zɛ̃-taa zu, tɩ sãá nɩ a Yabɔkɩ fʋɔla na ɩ bɛlɛ nɩ a Amɔ̃ tẽw dem tʋr-bɔw a.

³Ʋlɛ mɩ̀ tɩ so a Zurdɛ̃ fʋɔla saa-pɛrɩ́, a na tĩ a Zenezarɛtɩ kʋ̃ɔ-kpɛ̃ɛ a saa-pɛrɩ́-gʋba-lowr ɛ́ tɩ tɔ a kʋ̃ɔ-kpɛ̃ɛ-kũu na pɩɛlɩ Bɛtɩ-Yesimɔtɩ a, nɩ a vuo ʋl na be a Pisiga tãw sɩɛmɩ́, a saa-pɛrɩ́-dʋrʋ-lowr a.

⁴A na-mɩnɛ ayi sob tɩ n'ɩ a Basan tẽw nãà, Ɔgɩ, Erefayitɩ bʋʋrɛ pɛ-baara kãw tɩ n'ʋ. Ʋ tɩ dɩrɛ nɩ naalʋ a Basan, ɛ́ kpɩɛr a Asɩtarɔtɩ bɩɩ a Edɩrɛyɩ.

⁵Ʋlɛ tɩ so a Hɛrmɔ̃ tãw, a Salka nɩ a Basan tẽw za, tɩ tɔ n a Gesuur tẽw dem nɩ a Maaka bʋʋrɛ tʋr-bɔw. Ʋlɛ mɩ̀ tɩ cãà so a Galaadɩ põ-zɛ̃-taa, tɩ tɔ a Hɛsɩbon nãà Sihon naalʋ-tẽw.

⁶A Sore tõ-tõ-bie Moyiir nɩ a Ɩsɩrayɛl nɩbɛ tɩ zɛb'a tʋ̃ɔ́ a na-mɩnɛ ayi bɛ ŋa, ɛ́ a Sore tõ-tõ-bie Moyiir de a bɛ ten kʋ̀ a Urubɛn dɔwlʋ nɩbɛ nɩ a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ.

⁷Al pùorí, a Zozue nɩ a Ɩsɩrayɛl nɩbɛ tɩ zɛb'a tʋ̃ɔ́ a na-mɩnɛ na kpɩɛr a Zurdɛ̃ mʋ̃tɔ̃w-kpɛb-lowr a, a bɛ ten tɩ yi n a Baal-Gadɩ a Libã fʋɔla pʋɔ, a saa-pɛrɩ́-gʋba-lowr, ɛ́ tɩ sãá a Tã-kpalɛ na pɩɛl a Seyiir a, a saa-pɛrɩ́-dʋrʋ-lowr. A Zozue tɩ de nɩ a ten á ŋá põ kʋ̀ a Ɩsɩrayɛl dɔwlʋ nɩbɛ.

⁸Alɛ tɩ n'ɩ a tan vuo, a Ba-Peyi, a Zurdɛ̃ fʋɔla, a Tã-sɩ́ɩr vuo, a wɛja-kpalɛ nɩ a Negɛɛvʋ. Hititɩ, Amoritɩ, Kanãa tẽw dem, Perizitɩ, Hivitɩ nɩ Zebizitɩ mɩnɛ nɛbɛ tɩ kpɩɛr a ten á ŋá.

⁹A na-mɩnɛ bɛl bɛ na zɛb tʋ̃ɔ́ a, tɩ ɩ n ten á ŋá na-mɩnɛ: Zeriko, Aɩ na pɩɛlɩ a Betɛl a,

¹⁰Zerizalɛm, Ebrɔ̃,

¹¹Yarmutɩ, Lakisɩ,

¹²Egɩlon, Gezɛɛr,

¹³Deviir, Gedɛɛr,

¹⁴Hɔrma, Aradɩ,

¹⁵Livina, Adulam,

¹⁶Makeda, Betɛl,

¹⁷Tapuwa, Hefɛɛr,

¹⁸Afɛkɩ, Lasaron,

¹⁹Madon, Hasɔɔr,

²⁰Simiron-Meron, Akisafʋ,

²¹Taanakɩ, Megido,

²²Kedɛsɩ, Yokineam na be Karmɛl a,

²³Door, a kʋ̃ɔ-kpɛ̃ɛ nʋɔr, Goyim na be a Galile a,

²⁴nɩ Tɩrsa. Bɛ ɓã taa ɩ na-mɩnɛ lɩzɛr'ɩ pie nɩ been.