Read Dagara, Northern Zozue 15 Bible Online

Zozue 15 - Dagara, Northern bible

Zozue 15

¹A zie bɛ na tɩ ŋmɛ a gbãw ír kʋ̀ a Zuda dɔwlʋ nɩbɛ a, tɩ yi n a vuo na be a saa-pɛrí-dʋrʋ-lowr nɩ a saa-pɛrɩ́ cará a, ɛ́ tɩ tɔ a Edɔm tʋr-bɔw. A Teman wɛja-kpalɛ n'ʋ tɩ be a ʋ saa-pɛrɩ́-dʋrʋ-lowr za.

²A saa-pɛrɩ́-dʋrʋ-lowr tʋr-bɔw tɩ tĩ nɩ a goraa ƴãw na be a kʋ̃ɔ-kpɛ̃ɛ-Kũu nyʋɔrɩ́, a saa-pɛrɩ́-dʋrʋ-lowr a.

³Ʋ tɩ tɔl'ɩ a Nan tãw dob zie nɩ a Sin wɛja-kpalɛ saa-pɛrɩ́-dʋrʋ-lowr. A Kadɛsɩ-Barneya saa-pɛrɩ́-dʋrʋ-lowr a, ʋ tɩ tu n Hɛsɩron, lɛb do tɩ ta Adaar, al pùorí ʋ lɩɛbɩ tu Karkaa lowr.

⁴Ʋ tɩ cãà na cow tu Asɩmon, ɛ́ tɩ nyɔw a Eziptɩ fʋɔla, tɩ ta a Mediterane kʋ̃ɔ-kpɛ̃ɛ. A ziir á ŋá n'a a Zuda saa-pɛrɩ́-dʋrʋ-lowr tʋr-bɔw tɩ tu yi.

⁵A saa-pɛrɩ́ a, a tʋr-bɔw tɩ n'ɩ a kʋ̃ɔ-kpɛ̃ɛ-kũu tɩ tɔ a be a Zurdɛ̃ kʋ̃ɔnɩ na zɔrɛ kpɩɛr a kʋ̃ɔ-kpɛ̃ɛ-Kũu dem pʋɔ a. A ʋlɩ zi-been nɛ n'a a saa-pɛrɩ́-gʋba-lowr tʋr-bɔw tɩ tĩ.

⁶Al pùorí, a tʋr-bɔw tɩ lɛb'a do Bɛtɩ-Hogɩla, tɔl a Bɛtɩ-Araba saa-pɛrɩ́-gʋba-lowr, ɛ́ cãà cow tɩ ta a Urubɛn bidɛb, Bohan, Kʋsɩɛr ƴãw.

⁷Ʋ tɩ cãà na tu Akɔɔr fʋɔla do Deviir, ɛ́ a saa-pɛrɩ́-gʋba-lowr nidaa za, ʋ lɩɛbɩ tu Gilgal lowr na tori a Adumim dob zie na be a fʋɔla saa-pɛrɩ́-dʋrʋ-lowr a. Ʋ tɩ tɔl a pɩɛlɩ Ɛɩn-Semɛsɩ bul-nɛ́ɛ, ɛ́ tɩ nyɔw Ɛɩn-Orogɛl.

⁸Lɛ n'a ʋ tɩ lɛb do a Hinom fʋɔla, a Zebizitɩ mɩnɛ tãw sɩɛmɩ́, a saa-pɛrɩ́-dʋrʋ-lowr, a be a Zerizalɛm na be a. Al pùorí ʋ lɛb do a tãw na be a Hinom fʋɔla mʋ̃tɔ̃w-kpɛb-lowr a nyʋɔrɩ́, nɩ a Erefayitɩ mɩnɛ fʋɔla saa-pɛrɩ́-gʋba-lowr saa-zu za.

⁹A be a, ʋ tɩ lɩɛb'a tu Nɛfɩtowa bul-nɛ́ɛ lowr, ɛ́ tɩ ta a tẽ-bɛrɛ na pɩɛlɩ Efiron tãw a, ɛ́ bãw lɩɛb tu Baala, bɛ mɩ̀ na bʋɔlɛ kɛ́ Kɩrɩyatɩ-Yeyarim a lowr.

¹⁰A tʋr-bɔw tɩ yi n a Baala, ɛ́ lɩɛbɩ tu a Seyiir tãw lowr, tɩ tɔl a Tuwr tãw sɩɛmɩ́, a pɛr lɛ k'aa Kesalon tãw, a saa-pɛrɩ́-gʋba-lowr, ɛ́ lɛb siw a Bɛtɩ-Semɛsɩ, tɩ zuo Tɩmɩna bɛr.

¹¹Ʋ tɩ cãà na tu a Ekiron tẽw tãw sɩɛmɩ́, a saa-pɛrɩ́-gʋba-lowr, lɩɛbɩ cen Sɩkaron lowr, ɛ́ tu a Baala tãw ƴãw cen Yavɩneyɛl lowr, tɩ ta a Mediterane kʋ̃ɔ-kpɛ̃ɛ.

¹²A mʋ̃tɔ̃w-kpɛb-lowr tʋr-bɔw tɩ n'ɩ a Mediterane kʋ̃ɔ-kpɛ̃ɛ. A tẽw bɛ na ŋmɛ gbãw ír kʋ̀ a Zuda dɔwlʋ yie nɩbɛ a tʋr-bɔwrɩ tɩ n'ɩ à á ŋá a lõbowe za.

¹³Bɛ tɩ ŋmãa nɩ a Zuda tẽw zie kãw kʋ̀ a Yefune bidɛb, Kalɛb, mɛ̃ a lɛ a Sore na tɩ yel kʋ̀ a Zozue a. Bɛ tɩ kʋ̀ ʋ nɩ Kɩrɩyatɩ-Arba, bɩɩ Arba tẽ-kpɛ̃ɛ, bɛ na bʋɔlɛ a dɩ̃a kɛ́ Ebrɔ̃ a. A Arba tɩ n'ɩ a Anakɩ bʋʋrɛ sãàkʋm-kʋra tẽ-kpɛ̃ɛ.

¹⁴A Kalɛb tɩ zɛb'a de ʋ, a Anakɩ bʋʋrɛ yie ata á ŋá zie: Sesaɩ yir, Ahiman yir nɩ Talmaɩ yir.

¹⁵Ʋ tɩ yi n a be ɛ́ cen tɩ zɛb'ɩ a Deviir tẽw dem, a Deviir tɩ dãw na dɩ kɛ́ Kɩrɩyatɩ-Sefɛɛr.

¹⁶A Kalɛb tɩ yel'a: «Sob nɛ wa zɛb de a Kɩrɩyatɩ-Sefɛɛr a, ɩ̃ na kʋ̀ ʋ nɩ a ɩ̃ pɔwyaa Akɩsa ʋ kul.»

¹⁷A Kalɛb yɛb Kenaazɩ bidɛb, Otɩnɩɛl, tɩ zɛb'a de a tẽw, a Kalɛb kʋ̀ ʋ a ʋ pɔwyaa Akɩsa ʋ ɩ a ʋ pɔw.

¹⁸A Akɩsa na tɩ tarɛ a Otɩnɩɛl zie wa báarɛ a, ʋ yel ʋ na k'ʋʋ zɛlɩ púo a ʋ sãà Kalɛb zie. Al pùorí a Akɩsa siw a ʋ bõw zu, a Kalɛb sowr'ʋ: «Bʋ̃ʋ n'ʋ fʋ bɔbr?»

¹⁹Ʋ sɔw: «Sàw maalɩ yel-vla kʋ̀ m! Kʋ̀ m kʋ̃ɔnɩ-ziir, bʋ̃ʋ n'ʋ vɛ̃, a vuo fʋ na kʋ̀ m a saa-pɛrɩ́-dʋrʋ-lowr a ɩ n zi-kõw.» A Kalɛb tɩ kʋ̀ ʋ nɩ bul-nɛ́ɛ na be a tẽw saa-zu nɩ a pɛrɩ́ a.

²⁰A zie a Zuda dɔwlʋ nɩbɛ na tɩ so a tɩ n'ɩ à ŋá, mɛ̃ a lɛ a bɛ yie na ɩ a.

²¹A tẽ-bɛrɛ na tɩ be a Zuda dɔwlʋ tẽw saa-pɛrɩ́-dʋrʋ-lowr, a Edɔm tʋr-bɔw lowr, a Negɛɛvʋ a, tɩ n'ɩ á ŋá: Kaviseyɛl, Edɛɛr, Yaguur,

²²Kina, Dimona, Adeyada,

²³Kedɛsɩ, Hasɔɔr-Yitɩnan,

²⁴Zifɩ, Telɛm, Beyalɔtɩ,

²⁵Hasɔɔr-Hadata, Keriyɔtɩ-Hɛsɩron bɛ mɩ̀ na bʋɔlɛ Hasɔɔr a,

²⁶Amam, Sema, Molada,

²⁷Hasaar-Gada, Hɛsɩmon, Bɛtɩ-Pelɛtɩ,

²⁸Hasaar-Sual, Bɛɛr-Seva nɩ a ʋ tẽ-kpɔwlɩ,

²⁹Baala, Iyim, Esɛm,

³⁰Ɛltoladɩ, Kesil, Hɔrma,

³¹Sɩkɩlagɩ, Madimana, Sãsãna,

³²Levayɔtɩ, Sileim, Ɛɩn-Irimon: a za ɓã taa ɩ tẽ-bɛrɛ lɩzɛr'ɩ piwaɩ nɩ a tẽli-kpɔwlɩ.

³³A tẽ-bɛrɛ al na be a Ba-Peyi a tɩ n'ɩ á ŋá: Ɛsɩtaɔl, Sorea, Asɩna,

³⁴Zanoa, Ɛɩn-Ganim, Tapuwa, Einam,

³⁵Yarmutɩ, Adulam, Soko, Azeka,

³⁶Saarayim, Aditayim, Gedera, Gederotayim: tẽ-bɛrɛ pie nɩ anaar nɩ a tẽli-kpɔwlɩ.

³⁷Tẽ-bɛrɛ á ŋá mɩ̀ tɩ pʋɔ na: Senan, Hadasa, Migɩdal-Gadɩ,

³⁸Dilean, Misɩpe, Yɔkɩteyɛl,

³⁹Lakisɩ, Bɔsɩkatɩ, Egɩlon,

⁴⁰Kabon, Lamasɩ, Kitilisɩ,

⁴¹Gederɔtɩ, Bɛtɩ-Dagon, Naama nɩ Makeda, tẽ-bɛrɛ pie nɩ ayʋɔb nɩ a tẽli-kpɔwlɩ.

⁴²Tẽ-bɛrɛ á ŋá mɩ̀ tɩ cãà na pʋɔ: Livina, Etɛɛr, Asan,

⁴³Yifɩta, Asɩna, Nesɩvʋ,

⁴⁴Keila, Akizivʋ, Maaresa: tẽ-bɛrɛ piwaɩ nɩ a tẽli-kpɔwlɩ.

⁴⁵Ekiron tẽw nɩ a ziir na pɩɛl'ʋ a, nɩ a tẽ-kpɔwlɩ mɩ̀ tɩ pʋɔ na,

⁴⁶a tẽ-bɛrɛ nɩ a tẽli al za na pɩɛlɩ a Asɩdɔdɩ, ɛ́ be a Ekiron nɩ a Mediterane kʋ̃ɔ-kpɛ̃ɛ cará a,

⁴⁷Asɩdɔdɩ nɩ Gaza lãwnɩ a ziir nɩ a tẽli-kpɔwlɩ, tɩ tɔ a Eziptɩ fʋɔla, ɛ́ tɩ tɔ a Mediterane kʋ̃ɔ-kpɛ̃ɛ nʋɔr.

⁴⁸A tẽ-bɛrɛ na be a tan vuo pʋɔ a tɩ n'ɩ Samiir, Yatiir, Soko,

⁴⁹Dana, Kɩrɩyatɩ-Sana bɛ mɩ̀ na bʋɔlɛ Deviir a,

⁵⁰Anavʋ, Ɛsɩtemoa, Anim,

⁵¹Gosɛn, Holon, Gilo, tẽ-bɛrɛ pie nɩ been nɩ a tẽli-kpɔwlɩ.

⁵²Tẽ-bɛrɛ á ŋá mɩ̀ tɩ pʋɔ na: Aravʋ, Duma, Esean,

⁵³Yanum, Bɛtɩ-Tapuwa, Afɛkɩ,

⁵⁴Humeta, Kɩrɩyatɩ-Arba bɛ mɩ̀ na bʋɔlɛ Ebrɔ̃ a, nɩ Siwɔɔr, tẽ-bɛrɛ piwaɩ nɩ a tẽli-kpɔwlɩ.

⁵⁵Tẽ-bɛrɛ á ŋá n'a mɩ̀ tɩ cãà pʋɔ: Maon, Karmɛl, Zifɩ, Yuta,

⁵⁶Izireyɛl, Yɔrkeam, Zanoa,

⁵⁷Kayin, Givea, Tɩmɩna, tẽ-bɛrɛ pie nɩ a tẽli-kpɔwlɩ.

⁵⁸Tẽ-bɛrɛ á ŋá pãa mɩ̀ tɩ baa na pʋɔ: Halul, Bɛtɩ-Suur, Gedɔɔr,

⁵⁹Maaratɩ, Bɛtɩ-Anɔtɩ, Ɛltekon, tẽ-bɛrɛ ayʋɔb nɩ a tẽli-kpɔwlɩ,

⁶⁰de nɩ Kɩrɩyatɩ-Baal bɛ mɩ̀ na bʋɔlɛ Kɩrɩyatɩ-Yeyarim a, nɩ Araba, tẽ-bɛrɛ ayi nɩ a tẽli-kpɔwlɩ.

⁶¹A wɛja-kpalɛ pʋɔ tẽ-bɛrɛ tɩ n'ɩ á ŋá: Bɛtɩ-Araba, Midin, Sekaka,

⁶²Nivisan, Ɩɩr-Mela nɩ Ɛɩn-Gedi, tẽ-bɛrɛ ayʋɔb nɩ a tẽli-kpɔwlɩ.

⁶³A Zuda dɔwlʋ nɩbɛ bɛ tɩ tʋ̃ɔ́ diw a Zebizitɩ mɩnɛ na tɩ kpɩɛr a Zerizalɛm a ɩ, bɛ cãà na kpɩɛr a tẽw ŋa nɩ dɩ̃a, bɛlɛ nɩ a Zuda dɔwlʋ nɩbɛ.