Read Dagara, Northern Zozue 19 Bible Online

Zozue 19 - Dagara, Northern bible

Zozue 19

¹A ziir ayi sob a bie na tɩ wul a, tɩ ɩ n a Sɩmɩ̃ɔ dɔwlʋ yie zie. A Zuda dɔwlʋ tẽw, tɩ viir'a koli a zie a Sɩmɩ̃ɔ dɔwlʋ nɩbɛ na tɩ so a.

²A zie bɛ na tɩ so a tɩ n'ɩ: Bɛɛr-Seva, Sema, Molada,

³Hasaar-Sual, Baala, Esɛm,

⁴Ɛltoladɩ, Betul, Hɔrma,

⁵Sɩkɩlagɩ, Bɛtɩ-Markavɔtɩ, Hasaar-Susa,

⁶Bɛtɩ-Levayɔtɩ, Saruwɛn: tẽ-bɛrɛ pie nɩ ata nɩ a tẽli-kpɔwlɩ.

⁷Tẽ-bɛrɛ á ŋá mɩ̀ tɩ pʋɔ na: Ɛɩn-Irimon, Etɛɛr nɩ Asan: tẽ-bɛrɛ anaar nɩ a tẽli-kpɔwlɩ,

⁸pãa de nɩ a ten á ŋá tẽli-kpɔwlɩ za, tɩ tɔ a Baalatɩ-Bɛɛr na ɩ a Aramatɩ na be a saa-pɛrɩ́-dʋrʋ-lowr a. A zie a Sɩmɩ̃ɔ dɔwlʋ yie na tɩ so a tɩ n'ɩ à ŋà.

⁹A Zuda dɔwlʋ zie pʋɔ n'a, bɛ tɩ de a zie a Sɩmɩ̃ɔ dɔwlʋ yie na tɩ so a, bʋ̃ʋ n'ʋ vɛ̃, a Zuda dɔwlʋ nɩbɛ zie tɩ ɩ n kpɛ̃ɛ zuo bɛ. Alɛ n'a so a Zuda dɔwlʋ zie ŋmãa viiri koli a Sɩmɩ̃ɔ dɔwlʋ zie.

¹⁰A ziir ata sob a bie na tɩ wul a, tɩ ɩ n a Zabulɔ̃ dɔwlʋ yie zie. A bɛ zie tʋr-bɔw tɩ cen na tɩ ta Saridɩ.

¹¹Ʋ tɩ yi n a be, ɛ́ lɛb do a mʋ̃tɔ̃w-kpɛb-lowr tɩ tɔ a Mareala, ɛ́ tɩ tɔ a Dabɛsɛtɩ, nɩ a fʋɔla ʋl na tori a Yokineam a.

¹²A Saridɩ gãwn ŋa lowr a, a tʋr-bɔw tɩ cen nɩ a saa-pɛrɩ́ lowr, tɩ tɔ Kɩsɩlɔtɩ-Tabɔɔr tẽw, tu tɔl a Daveratɩ, ɛ́ do tɩ ta Yafɩa.

¹³Ʋ tɩ cãà na cow a saa-pɛrɩ́ nidaa za, tɩ tɔ a Gatɩ-Hefɛɛr nɩ Ita-Kasin, tɩ ŋmãa nyɔw Irimona, ɛ́ tɩ lɩɛbɩ Nea lowr.

¹⁴A saa-pɛrɩ́-gʋba-lowr a, a tʋr-bɔw tɩ dɛ n Hanaton bɛr, ɛ́ tɩ ta Yifɩta-Ɛl fʋɔla.

¹⁵A zie tɩ tɛr'ɩ tẽ-bɛrɛ pie nɩ ayi nɩ a tẽli-kpɔwlɩ, baa zuo a za, Katatɩ, Nahalal, Simiron, Yideala nɩ Bɛtɩlɛm tẽ-bɛrɛ.

¹⁶A zie n'ɩ à ŋà a Zabulɔ̃ dɔwlʋ na tɩ so, mɛ̃ a lɛ a bɛ yie na ɩ a, a tẽ-bɛrɛ á ŋá nɩ a tẽli-kpɔwlɩ.

¹⁷A ziir anaar sob, a bie na tɩ wul a, tɩ ɩ n Ɩsakaar dɔwlʋ yie zie.

¹⁸Tẽ-bɛrɛ á ŋá n'a tɩ pʋɔ a bɛ zie ŋa pʋɔ: Izireyɛl, Kesulɔtɩ, Sunɛm,

¹⁹Hafarayim, Sion, Anaharatɩ,

²⁰Arabitɩ, Kisiyon, Evɛsɩ,

²¹Eremɛtɩ, Ɛɩn-Ganim, Ɛɩn-Hada, Bɛtɩ-Pasɛsɩ.

²²A tʋr-bɔw tɩ tɔ n Tabɔɔr, Sahasima, Bɛtɩ-Semɛsɩ, ɛ́ tɩ ta a Zurdɛ̃: tẽ-bɛrɛ pie nɩ ayʋɔb nɩ a tẽli-kpɔwlɩ.

²³A zie a Ɩsakaar dɔwlʋ na tɩ so, mɛ̃ a lɛ a bɛ yie na ɩ a, tɩ n'ɩ à ŋà, a tẽ-bɛrɛ á ŋá nɩ a tẽli-kpɔwlɩ.

²⁴A ziir anũu sob, a bie na tɩ wul a, tɩ ɩ n Asɛɛr dɔwlʋ yie zie.

²⁵Tẽ-bɛrɛ á ŋá n'a tɩ pʋɔ a bɛ zie ŋa pʋɔ: Hɛlkatɩ, Hali, Bɛtɛn, Akisafʋ,

²⁶Alamelɛkɩ, Ameadɩ, Mɩseal. A mʋ̃tɔ̃w-kpɛb-lowr a, a tʋr-bɔw tɩ tɔ n a Karmɛl tãw ɛ́ lanɛ a Sihɔɔr-Livinatɩ fʋɔla.

²⁷A saa-pɛrɩ́ a, a tʋr-bɔw tɩ lɛb'a do a Bɛtɩ-Dagon lowr, tɩ tɔ a Zabulɔ̃ tẽw nɩ Yifɩta-Ɛl fʋɔla, ɛ́ tu a saa-pɛrɩ́-gʋba-lowr, tɩ tɔ a Bɛtɩ-Emɛkɩ nɩ Neiyɛl. Ʋ tɩ cãà na tu a lɛ cere tɩ tɔl Kavul,

²⁸Avidon, Erehovʋ, Hamon nɩ Kana, tɩ tɔ a tẽ-kpɛ̃ɛ Sɩdɔ̃.

²⁹A be a, ʋ tɩ lɩɛb'a tu Arama nɩ a Tɩ́ɩ̀r zɛbr-yir-kpɛ̃w lowr, ɛ́ cen Hosa lowr tɩ tɔl Mahalɛvʋ nɩ Akizivʋ tɩ ta a Mediterane kʋ̃ɔ-kpɛ̃ɛ,

³⁰nɩ Ako, Afɛkɩ nɩ Erehovʋ. A za tɩ ɓã n taa ɩ tẽ-bɛrɛ lɩzɛr'ɩ ayi nɩ a tẽli-kpɔwlɩ.

³¹A zie a Asɛɛr dɔwlʋ na tɩ so mɛ̃ a lɛ a bɛ yie na ɩ a tɩ n'ɩ à à ŋà, a tẽ-bɛrɛ á ŋá, nɩ a tẽli-kpɔwlɩ.

³²A ziir ayʋɔb sob a bie na tɩ wul a tɩ ɩ n Nɛfɩtali dɔwlʋ yie zie.

³³A saa-pɛrí-dʋrʋ-lowr tʋr-bɔw tɩ yi n Helɛfʋ nɩ Saananim sɛn tɩɛ ƴãw, tu tɔl Adami-Nekɛvʋ nɩ Yavɩneyɛl, tɩ tɔ Lakum, ɛ́ ta a Zurdɛ̃.

³⁴A mʋ̃tɔ̃w-kpɛb-lowr a, a tʋr-bɔw tɩ lɩɛb'a tu Azɩnɔtɩ-Tabɔɔr lowr, tɩ nyɔw a Hukɔkɩ, lanɛ a Zabulɔ̃ tẽw a saa-pɛrɩ́-dʋrʋ-lowr nɩ a Asɛɛr tẽw a mʋ̃tɔ̃w-kpɛb-lowr. A saa-pɛrɩ́ tʋr-bɔw tɩ n'ɩ a Zurdɛ̃.

³⁵A tẽ-bɛrɛ bɛ na mɛ dacine viiri koli a tɩ n'ɩ Sidim, Seer, Hamatɩ, Arakatɩ, Kinerɛtɩ

³⁶Adama, Arama, Hasɔɔr,

³⁷Kedɛsɩ, Edɩrɛyɩ, Ɛɩn-Hasɔɔr,

³⁸Yireon, Migɩdal-Ɛl, Horɛm, Bɛtɩ-Anatɩ, Bɛtɩ-Semɛsɩ: tẽ-bɛrɛ lɩzɛwaɩ nɩ a tẽ-kpɔwlɩ.

³⁹A zie a Nɛfɩtali dɔwlʋ na tɩ so, mɛ̃ a lɛ a bɛ yie na ɩ a tɩ n'ɩ à à ŋà, a tẽ-bɛrɛ á ŋá nɩ a tẽli-kpɔwlɩ.

⁴⁰A ziir ayopõi sob a bie na tɩ wul a tɩ ɩ n Dan dɔwlʋ yie zie.

⁴¹Tẽ-bɛrɛ á ŋá n'a tɩ pʋɔ a bɛ zie ŋa pʋɔ: Sorea, Ɛsɩtaɔl, Ɩɩr-Semɛsɩ,

⁴²Saalabin, Ayalon, Yitila,

⁴³Elon, Timinata, Ekiron

⁴⁴Ɛlteke, Gibeton, Baalatɩ,

⁴⁵Yehudɩ, Bene-Berakɩ, Gatɩ-Irimon,

⁴⁶a Yarkon man, Arakon, nɩ a tẽw ʋl na viiri koli a Zafa a.

⁴⁷A Dan dɔwlʋ nɩbɛ na bɛ wa cãà tɛr a bɛ tẽw a, bɛ tɩ cen na tɩ zɛb de Lesɛm tẽw, ɛ́ kʋ a tẽw dem. Bɛ tɩ de nɩ a zie za, kpɩɛr a be, ɛ́ por a Lesɛm yúor kɛ́ Dan, na tɩ ɩ a bɛ sãàkʋm-kʋra Dan yúor a.

⁴⁸A zie a Dan dɔwlʋ yie na tɩ so mɛ̃ a lɛ a bɛ yie na ɩ a, tɩ n'ɩ à à ŋà, a tẽ-bɛrɛ á ŋá nɩ a tẽli-kpɔwlɩ.

⁴⁹A Ɩsɩrayɛl nɩbɛ na tɩ põ a tẽw baarɩ, dɔwlʋ ŋa za páw zie so a, bɛ tɩ ŋmãa nɩ a bɛ tẽw zie kãw kʋ̀ a Nun bidɛb Zozue, ʋ so ʋ a bɛ sɔgɔ.

⁵⁰Bɛ tɩ kʋ̀ ʋ nɩ a tẽ-kpɛ̃ɛ ʋl ʋ na tɩ zɛlɩ a, a pɛr lɛ k'aa Tɩmɩnatɩ-Sera, a Efarayim tan vuo pʋɔ, mɛ̃ a lɛ a Sore na tɩ yel a. A Zozue tɩ lɛb'a mɛ a tẽw, kpɩɛr a be.

⁵¹A ziir'ɩ à à ŋá, a bàwr-maalɛ Eleazaar, a Nun bidɛb Zozue nɩ a Ɩsɩrayɛl dɔwlʋ yie nɩ-bɛrɛ, na tɩ ŋmɛ a gbãw põ a Sore niŋé a Silo[12], a tuor-taa pɛn-sɛw dɩ̃dɔr nʋɔr a. À ŋá n'a bɛ tɩ põ a tẽw tɩ baarɩ.