Read Dagara, Northern Zozue 20 Bible Online

Zozue 20 - Dagara, Northern bible

Zozue 20

¹A Sore tɩ yel'ɩ a Zozue à ŋá:

²«Ƴɛ̀r à ŋá a Ɩsɩrayɛl nɩbɛ zie: “Nyɩ kaa ír tẽ-bɛrɛ a ɩ naayir zɔ-kpɛb zie, a al ƴɛ̀rʋ ɩ̃ na tɩ ƴãw a Moyiir ƴɛ̀r kʋ̀ nyɩ a.

³Nɩr bɛ wa bãw kɛ́ kʋ nɩr a nyɩ pʋɔ a, ʋ na tʋ̃ɔ́ na zɔ tɩ kpɛ naayir a tẽ-bɛrɛ á ŋá kãw pʋɔ, tʋ̃ɔ́ cɩ̃ɛ, a sob nɛ a na fɛr k'ʋʋ kʋ ʋ yáa a san a ta páw ʋ ɛ.

⁴A sob nɛ na bɛ bãw kɛ́ kʋ a nɩr a na zɔ na cen a tẽ-bɛrɛ á ŋá kãw pʋɔ, tɩ tɛw àr a tẽ-kpɛ̃ɛ dɩ̃dɔr nʋɔr, ɛ́ manɩ a bom nɛ na ɩ a kʋ̀ a tẽ-kpɛ̃ɛ nɛ nɩ-kore. A tẽ-kpɛ̃ɛ nɩ-kore na de ʋ nɩ a tẽ-kpɛ̃ɛ pʋɔ, a bɛ zie, ɛ́ kʋ̀ ʋ zie, ʋ tʋ̃ɔ́ kpɩɛr'ɩ bɛ.

⁵A san-yarɛ wa diwr a sob nɛ na bɛ bãw kɛ́ kʋ a ʋ tɔ a tɩ ta a be a, a tẽ-kpɛ̃ɛ dem kʋ̃ tʋ̃ɔ́ de a nɩ-kʋrɛ ƴãw a san-yarɛ nuru pʋɔ ɩ, bʋ̃ʋ n'ʋ vɛ̃, a bɛ kaar mɛ̃ ʋ na tɩ dãw hɩ̃ɛn a ʋ tɔ a n'a so ʋ kʋ ʋ ɛ, ʋ bɛ bãw kɛ́ kʋ ʋ ɛ.

⁶Ʋ na kpɩɛr'ɩ a tẽ-kpɛ̃ɛ ʋl pʋɔ, ɛ́ gù bɛ tɩ dɩ n ʋ a ƴɛ̀rʋ a lãw niŋé, ɛ́ gù a bàwr-maal-kara ʋl na so a tome a lɛn daar a tɩ kpi. Al pùorí a nɩ-kʋrɛ na tʋ̃ɔ́ na lɛb kul a ʋ yir, a ʋ tẽ-kpɛ̃ɛ ʋl pʋɔ ʋ na tɩ yi ɛ́ zɔ wa a.”»

⁷Lɛ n'a a Ɩsɩrayɛl nɩbɛ tɩ kaa ír a tẽ-bɛrɛ á ŋá bɛr a lɛ ƴãw: Kedɛsɩ a Galile, a Nɛfɩtali tan vuo pʋɔ, Sɩsɛm a Efarayim tan vuo pʋɔ, nɩ Kɩrɩyatɩ-Arba bɛ mɩ̀ na bʋɔlɛ Ebrɔ̃ a, a Zuda tan vuo pʋɔ.

⁸A Zurdɛ̃ gãwn ŋa lowr a Zeriko saa-pɛrɩ́ a, bɛ tɩ kaa na ír Besɛɛr a wɛja-kpalɛ pʋɔ, a Urubɛn dɔwlʋ tã-sɛr zu, Aramɔtɩ na be a Galaadɩ tẽw na ɩ a Gadɩ dɔwlʋ sób a, nɩ Golan na be a Basan pʋɔ na ɩ Manase dɔwlʋ sób a.

⁹A tẽ-bɛrɛ á ŋá n'a bɛ tɩ kaa ír a Ɩsɩrayɛl nɩbɛ za ƴãw, nɩ a nʋʋrɩ na kpɩɛr a Ɩsɩrayɛl nɩbɛ sɔgɔ a ƴãw, k'aa ɩ naayir zɔ-kpɛb zie, a nɩr na bɛ bãw kɛ́ kʋ nɩr a ƴãw: lɛ n'a a san-yarɛ kʋ̃ kʋ ʋ, ɛ́ bɛ bɛ dɩ n ʋ a ƴɛ̀rʋ sɛr a lãw niŋé ɩ.