Read Dagara, Northern Zozue 21 Bible Online

Zozue 21 - Dagara, Northern bible

Zozue 21

¹A levitɩ mɩnɛ yie nɩ-bɛrɛ tɩ cen na tɩ páw a bàwr-maalɛ Eleazaar, nɩ a Nun bidɛb Zozue, nɩ a Ɩsɩrayɛl dɔwlʋ yie nɩ-bɛrɛ,

²a Silo, a Kanãa tẽw, yel bɛ à ŋá: «A Sore tɩ ƴãw na a Moyiir yel kɛ́ bɛ kʋ̀ tɩ tẽ-bɛrɛ tɩ na na kpɩɛr a, nɩ a dʋn mʋ̃ɔ 'wɔbrʋ ziir na pɩɛl a a, a tɩ dʋn ƴãw.»

³Lɛ n'a a Ɩsɩrayɛl nɩbɛ tɩ kaa ír tẽ-bɛrɛ nɩ a dʋn mʋ̃ɔ 'wɔbrʋ ziir, a ziir bɛ na so a pʋɔ kʋ̀ a levitɩ mɩnɛ, mɛ̃ a lɛ a Sore na tɩ yel a.

⁴A Kehatɩ bʋʋrɛ levitɩ mɩnɛ nɛbɛ a bie de niwn wul. A bɛ pʋɔ a, bɛ tɩ ŋmɛ n a gbãw, a bàwr-maalɛ Aarɔ̃ bʋʋrɛ páw tẽ-bɛrɛ pie nɩ ata, a Zuda nɩ Sɩmɩ̃ɔ nɩ a Bɛ̃zamɛ dɔwlʋ ziir pʋɔ.

⁵A Kehatɩ bʋʋrɛ ŋmãa bɛl na tɩ cɛ a tɩ páw nɩ tẽ-bɛrɛ pie, a Efarayim nɩ a Dan nɩ Manase dɔwlʋ ŋmãa ziir pʋɔ.

⁶A Gɛrson bʋʋrɛ tɩ páw nɩ tẽ-bɛrɛ pie nɩ ata a Basan, a Ɩsakaar nɩ a Asɛɛr nɩ a Nɛfɩtali nɩ a Manase dɔwlʋ ŋmãa ziir pʋɔ.

⁷A Merari bʋʋrɛ tɩ páw nɩ tẽ-bɛrɛ pie nɩ ayi, a Urubɛn nɩ a Gadɩ nɩ a Zabulɔ̃ dɔwlʋ ziir pʋɔ.

⁸Gbãw n'ʋ a Ɩsɩrayɛl nɩbɛ tɩ ŋmɛ, ír a tẽ-bɛrɛ á ŋá nɩ a dʋn mʋ̃ɔ 'wɔbrʋ ziir kʋ̀ a levitɩ mɩnɛ, mɛ̃ a lɛ a Sore na tɩ ƴãw a Moyiir yel a.

⁹Zuda nɩ Sɩmɩ̃ɔ tẽ-bɛrɛ á ŋá bɛ na na bʋɔlɩ a yée a n'a bɛ tɩ kʋ̀

¹⁰a Aarɔ̃ bʋʋrɛ Kehatɩ yir dem, na ɩ Levi biir a. Bʋ̃ʋ n'ʋ vɛ̃, bɛlɛ nɛbɛ a bie tɩ de niwn wul.

¹¹Bɛ tɩ kʋ̀ bɛ nɩ Kɩrɩyatɩ-Arba, a Ebrɔ̃ na be a Zuda tan vuo pʋɔ a n'ʋ, nɩ a ʋ dʋn mʋ̃ɔ 'wɔbrʋ ziir. A Arba tɩ ɩ n a Anakɩ[13] sãà.

¹²Ɛcɛ a tẽ-kpɛ̃ɛ póru nɩ a tẽli a, bɛ tɩ kʋ̀ a nɩ a Yefune bidɛb Kalɛb.

¹³Tẽ-bɛrɛ á ŋá n'a bɛ tɩ kʋ̀ a bàwr-maalɛ Aarɔ̃ bʋʋrɛ: Ebrɔ̃ na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Livina nɩ a ʋ dʋn mʋ̃ɔ 'wɔbrʋ ziir,

¹⁴Yatiir nɩ a ʋ dʋn mʋ̃ɔ 'wɔbrʋ ziir, Ɛsɩtemoa nɩ a ʋ dʋn mʋ̃ɔ 'wɔbrʋ ziir,

¹⁵Holon nɩ a ʋ dʋn mʋ̃ɔ 'wɔbrʋ ziir, Deviir nɩ a ʋ dʋn mʋ̃ɔ 'wɔbrʋ ziir,

¹⁶Asan nɩ a ʋ dʋn mʋ̃ɔ 'wɔbrʋ ziir, Yuta nɩ a ʋ dʋn mʋ̃ɔ 'wɔbrʋ ziir, Bɛtɩ-Semɛsɩ nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ piwaɩ bɛ na de a dɔwlʋ ayi á ŋá zie a.

¹⁷Tẽ-bɛrɛ á ŋá n'a bɛ de a Bɛ̃zamɛ dɔwlʋ ziir pʋɔ: Gabaɔ̃ nɩ a ʋ dʋn mʋ̃ɔ 'wɔbrʋ ziir, Geva nɩ a ʋ dʋn mʋ̃ɔ 'wɔbrʋ ziir,

¹⁸Anatɔtɩ nɩ a ʋ dʋn mʋ̃ɔ 'wɔbrʋ ziir, Almon nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar nɩ a dʋn mʋ̃ɔ 'wɔbrʋ ziir.

¹⁹A bàwr-maalbɛ na ɩ a Aarɔ̃ bʋʋrɛ a tẽ-bɛrɛ za ɓã n taa ɩ tẽ-bɛrɛ pie nɩ ata nɩ a dʋn mʋ̃ɔ 'wɔbrʋ ziir.

²⁰Bɛ tɩ ŋmɛ n a gbãw ír tẽ-bɛrɛ na be a Efarayim dɔwlʋ zie pʋɔ a kʋ̀ a Kehatɩ bʋʋrɛ yie ŋmãa al na cɛ a.

²¹Tẽ-bɛrɛ á ŋá n'a bɛ tɩ kʋ̀ bɛ: Sɩsɛm na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, a Efarayim tan vuo pʋɔ, Gezɛɛr nɩ a ʋ dʋn mʋ̃ɔ 'wɔbrʋ ziir,

²²Kivisayim nɩ a ʋ dʋn mʋ̃ɔ 'wɔbrʋ ziir, Bɛtɩ-Horon nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

²³A Dan dɔwlʋ zie pʋɔ a, bɛ tɩ páw nɩ Ɛlteke nɩ a ʋ dʋn mʋ̃ɔ 'wɔbrʋ ziir, Gibeton nɩ a ʋ dʋn mʋ̃ɔ 'wɔbrʋ ziir,

²⁴Ayalon nɩ a ʋ dʋn mʋ̃ɔ 'wɔbrʋ ziir, Gatɩ-Irimon nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

²⁵A Manase dɔwlʋ ŋmãa zie pʋɔ a, bɛ tɩ páw nɩ tẽ-bɛrɛ ayi: Taanakɩ nɩ a ʋ dʋn mʋ̃ɔ 'wɔbrʋ ziir, nɩ Yivileam nɩ a ʋ dʋn mʋ̃ɔ 'wɔbrʋ ziir.

²⁶A Kehatɩ bʋʋrɛ yie ŋmãa al na cɛ a tẽ-bɛrɛ za tɩ ɓã n taa ɩ tẽ-bɛrɛ pie nɩ a dʋn mʋ̃ɔ 'wɔbrʋ ziir.

²⁷Tẽ-bɛrɛ ayi á ŋá n'a bɛ tɩ kʋ̀ a Gɛrson bʋʋrɛ levitɩ mɩnɛ yie: Golan na be a Basan pʋɔ a na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Besitera nɩ a ʋ dʋn mʋ̃ɔ 'wɔbrʋ ziir.

²⁸Ɩsakaar dɔwlʋ pʋɔ: Kisiyon nɩ a ʋ dʋn mʋ̃ɔ 'wɔbrʋ ziir, Daveratɩ nɩ a ʋ dʋn mʋ̃ɔ 'wɔbrʋ ziir,

²⁹Yarmutɩ nɩ a ʋ dʋn mʋ̃ɔ 'wɔbrʋ ziir, Ɛɩn-Ganim nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

³⁰A Asɛɛr dɔwlʋ pʋɔ: Mɩseal nɩ a ʋ dʋn mʋ̃ɔ 'wɔbrʋ ziir, Avidon nɩ a ʋ dʋn mʋ̃ɔ 'wɔbrʋ ziir,

³¹Hɛlkatɩ nɩ a ʋ dʋn mʋ̃ɔ 'wɔbrʋ ziir, Erehovʋ nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

³²Tẽ-bɛrɛ á ŋá n'a bɛ tɩ páw a Nɛfɩtali dɔwlʋ zie pʋɔ: Kedɛsɩ na be a Galile pʋɔ, ɛ́ ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Hamɔtɩ-Door nɩ a ʋ dʋn mʋ̃ɔ 'wɔbrʋ ziir, Kartan nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ ata.

³³A Gɛrson dɔwlʋ tẽ-bɛrɛ za tɩ ɓã n taa ɩ tẽ-bɛrɛ pie nɩ ata nɩ a dʋn mʋ̃ɔ 'wɔbrʋ ziir.

³⁴Tẽ-bɛrɛ á ŋá n'a bɛ kʋ̀ a Merari dɔwlʋ levitɩ mɩnɛ yie ŋmãa al na cɛ a, a Zabulɔ̃ dɔwlʋ zie pʋɔ: Yokineam nɩ a ʋ dʋn mʋ̃ɔ 'wɔbrʋ ziir, Kaarta nɩ a ʋ dʋn mʋ̃ɔ 'wɔbrʋ ziir,

³⁵Irimona nɩ a ʋ dʋn mʋ̃ɔ 'wɔbrʋ ziir, Nahalal nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

³⁶A Urubɛn dɔwlʋ zie pʋɔ a, a Zurdɛ̃ saa-pɛrɩ́ na tori a Zeriko a, bɛ mɩ̀ tɩ páw nɩ tẽ-bɛrɛ anaar nɩ a dʋn mʋ̃ɔ 'wɔbrʋ ziir: Besɛɛr nɩ a ʋ dʋn mʋ̃ɔ 'wɔbrʋ ziir a wɛja-kpalɛ vuo pʋɔ, na ɩ a naayir zɔ-kpɛb zie tẽ-kpɛ̃ɛ kãw a, Yahasɩ nɩ a ʋ dʋn mʋ̃ɔ 'wɔbrʋ ziir,

³⁷Kedemɔtɩ nɩ a ʋ dʋn mʋ̃ɔ 'wɔbrʋ ziir, Mefaatɩ nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

³⁸A Gadɩ dɔwlʋ zie pʋɔ a, tẽ-bɛrɛ á ŋá nɩ a dʋn mʋ̃ɔ-'wɔbr ziir'a bɛ tɩ páw: Aramɔtɩ na be a Galaadɩ, ɛ́ ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Mahanayim nɩ a ʋ dʋn mʋ̃ɔ 'wɔbrʋ ziir,

³⁹Hɛsɩbon nɩ a ʋ dʋn mʋ̃ɔ 'wɔbrʋ ziir, Yazɛɛr nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

⁴⁰A na ɩ à ŋá a, tẽ-bɛrɛ pie nɩ ayi n'a bɛ ŋmɛ a gbãw ír kʋ̀ a levitɩ yie al na ɩ a Merari bʋʋrɛ a.

⁴¹A tẽ-bɛrɛ za a levitɩ bʋʋrɛ na tɩ páw a Ɩsɩrayɛl nɩbɛ ziir pʋɔ a, tɩ ɓã n taa ɩ tẽ-bɛrɛ lɩz'a ayi nɩ ani, nɩ a dʋn mʋ̃ɔ 'wɔbrʋ ziir.

⁴²Bɛ tɩ kʋ̀ bɛ nɩ a tẽ-bɛrɛ á ŋá za, lãwnɩ a dʋn mʋ̃ɔ 'wɔbrʋ ziir na tɩ viiri koli a a.

⁴³A Sore tɩ kʋ̀ n a Ɩsɩrayɛl nɩbɛ a tẽw ʋl za ʋ na tɩ pɔ yel k'ʋʋ na kʋ̀ n a bɛ sãàkʋm-kore a. Bɛ tɩ de ʋ na kpɩɛr.

⁴⁴A Sore tɩ kʋ̀ bɛ nɩ pɩ̃ɛnʋ a ziir za, mɛ̃ a lɛ ʋ na tɩ yel kʋ̀ a bɛ sãàkʋm-kore a. Ʋ tɩ ɩ na bɛ zɛb tʋ̃ɔ́ a bɛ dɔ̃ dem za, kãw za bɛ tɩ tʋ̃ɔ́ bà gbɛ́r a bɛ niŋé ɩ.

⁴⁵A ƴɛ̀r-vɩɛlɩ al za a Sore na tɩ ƴɛ̀r a Ɩsɩrayɛl nɩbɛ ƴãw a, a za tɩ tu na, been kãw za bɛ tɩ cɛ bɛ tu ɛ.