Read Dagara, Northern 1 Timote 2 Bible Online

1 Timote 2 - Dagara, Northern bible

1 Timote 2

¹A yele za pʋɔ a, ɩ̃ zɛlɛ na kɛ́ bɛ mɩ́ de niwn tɛr zɛlʋ puoru, yãayãa zɛlʋ nɩ barka puoru a nɩsaalbɛ za ƴãw,

²a na-mɩnɛ nɩ a bɛlɩ dem za na dɩ nɩ-kpɛ̃ɛnʋ a ƴãw: kɛ̀ tɩ taa nyɛrɛ damnʋ ɛ, ɛ́ tɛr ƴã-ɓaarʋ a tɩ nyɔ-vʋʋrʋ pʋɔ, ƴãwnɛ a Naaŋmɩn ɛ́ tɛr ɩb na sɛw taa nɩ a.

³À ŋá n'a vɩɛl ɛ́ pɛlɩ a Naaŋmɩn tɩ Faarɛ pʋɔ,

⁴ʋl na bɔbr kɛ́ a nɩsaalbɛ za tʋ̃ɔ́ nyɛ̃ a faafʋ, ɛ́ páw a yel-mɩŋa bãw a.

⁵Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

⁶ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

⁷bɛ na ír mɛ̃ k'ɩ̃ɩ hiere yere, ɛ́ ɩ a nɩ-tona, ɛ́ ɩ a nɩ-bʋʋr-yoru wul-wule, kɛ́ bɛ tʋ̃ɔ́ sàw de a Naaŋmɩn ɛ́ bãw a yel-mɩŋa a. Yel-mɩŋa n'a ɩ̃ yere, ziri bɛ n'a ɩ.

⁸Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ[1] cɔw a salom ɛ́ puore, ɛ́ bɛr a suur nɩ a taw-taa.

⁹Ɩ̃ mɩ̀ bɔbr'a k'aa pɔwbɛ mɩ́ su suuru na sɛw taa nɩ a, ɛ́ ƴãw a pɩ̃ɛmɛ a man: ta 'lẽ zu tɩ ƴãw bʋ̃-ƴãwnɩ ɛ, ta ƴãw salm-zɩɛ tokpamɛ bɩɩ lɛw-vɩɛlɩ ɛ, ta su dɛpaal-kpar-vɩɛlɩ vɩɛlɩ ɛ.

¹⁰Ɛcɛ a bɛ ɩ-vɩɛlɩ, a nɩ̃ɛ mɩ́ ɩ a bɛ pɩ̃ɛmɛ, mɛ̃ a lɛ a na sɛw taa nɩ pɔwbɛ na yel kɛ́ bɛ ƴãwnɛ nɩ a Naaŋmɩn a.

¹¹A fɛr'a kɛ́ a pɔw mɩ́ sàw bom za ɛ́ zɩ̃ gbili a wulu daar.

¹²Ɩ̃ bɛ sàwr kɛ́ pɔw wule nɩbɛ ɩ, bɩɩ ʋ dɩrɛ nɩ-kpɛ̃ɛnʋ a dɛb zu ɛ. A na ɩ à ŋá a, a pɔw, ʋ mɩ́ zɩ̃ gbili.

¹³Bʋ̃ʋ n'ʋ vɛ̃, Adama n'ʋ bɛ de niwn ír, ɛ́ wa ír a Awa a pùorí.

¹⁴Ɛ́ Adama bɛ n'ʋ bɛ bɛlɩ nyɔw ɛ, a pɔw n'ʋ bɛ bɛlɩ nyɔw ʋ zawrɩ a Naaŋmɩn nʋɔr.

¹⁵Ɛcɛ ʋlɛ wa dɔw bibiir a, ʋ na nyɛ̃ nɩ faafʋ, ʋlɛ wa sɩrɩ sàw be a naaŋmɩn-sàw-deb pʋɔ, a nɔ̃wfʋ nɩ a sonu pʋɔ nɩ tʋɔra-siwru a.