Read Dagara, Northern Ebre 2 Bible Online

Ebre 2 - Dagara, Northern bible

Ebre 2

¹A lɛ n'a so a fɛr kɛ́ tɩ cɛlɛ a yele tɩ na wõ a zie vla, kɛ́ tɩ taa wa bɔrɛ ɩ.

²A ƴɛ̀rʋ a malkɩ mɩnɛ na tɩ dãw ƴɛ̀r a wa sãá na ɩ ƴɛ̀r-sɩza, ɛ́ sob nɛ za na tɩ gãw a ƴɛ̀rʋ ŋa bɛr bɩɩ bɛ sàw de ʋ a tɩ páw nɩ dɔwrʋ mɛ̃ a lɛ a na sɛw a.

³Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

⁴A Naaŋmɩn mɩ̀ tu n a bɛ dãsɩɛ pùor maalɩ yele na ɩ bãwfʋ sãá a, nɩ yel-bãw-guuri nɩ nɔ-ɓãa-yel-bʋʋrɛ za, ɛ́ mɩ̀ cãà lɛb tu a pùor nɩ a Vʋʋrʋ Sõw maalʋ ʋ na põ mɛ̃ a lɛ ʋ na bɔbr a.

⁵A nɩdaar tẽw ƴɛ̀rʋ tɩ na ƴɛ̀rɛ a, malkɩ mɩnɛ bɛ nɛbɛ a Naaŋmɩn ƴãw bɛ dɩ naalʋ a ʋ zu ɛ.

⁶Kãw sob nɩ̃ɛ na yel à ŋá a Sɛb-sõw pʋɔ zie kãw: «Naaŋmɩn i, bʋ̃ʋ n'ɩ a nɩsaal fʋ tɩɛrɛ a ʋ yele? Bɩɩ, bʋ̃ʋ n'ɩ a nɩsaal bie fʋ kaarɛ a ʋ zie?

⁷Fʋ siwr'ʋ nɩ blãlɛ ƴãw, ʋ bɛ ta a malkɩ mɩnɛ ɩ, fʋ ɩ na ʋ tɛr yúor ɛ́ nyɛrɛ ƴãwfʋ,

⁸fʋ dĩ nɩ bom za bin a ʋ pile.»[7] A Naaŋmɩn wa ƴãw a nɩsaal dɩ naalʋ bom za zu a, ʋ bɛ cɛ bom bɛr a nɩsaal na bɛ dɩ naalʋ a ʋ zu a ɩ. Ɛcɛ a ƴɛrɛŋa a, tɩ bɛ nyɛ̃ k'aa nɩsaal dɩ n naalʋ bom za zu sɛr ɛ.

⁹Yel ŋa n'ʋ tɩ nyɛ̃: bɛ siwr'ɩ a Yeezu blãlɛ ƴãw, ʋ bɛ ta a malkɩ mɩnɛ ɩ, k'aa Naaŋmɩn maalʋ zũú, ʋ́ kpi nɩsaal za ƴãw, ɛ́ tɩ nyɛ̃ ʋ nɩ ƴɛrɛŋa ʋ tɛr yúor ɛ́ nyɛrɛ ƴãwfʋ, a kũu kpɩɛrʋ ʋ na nyɛ̃ a ƴãw.

¹⁰A Naaŋmɩn ƴãw bom za na be, ʋʋ so bom za be a, ʋ na tɩ bɔbr k'ʋʋ tɛr bibiir yaga bɛ tɩ pʋɔ a ʋ yúor-vɩɛlʋ-danʋ pʋɔ a, a tɩ sɩrɩ na sɛw k'aa Yeezu na na ɩ a bɛ faafʋ sɔ́r niw-diere a, ʋ ɩ ʋ k'ʋ wõ tuo vɩɛl ʋ za.

¹¹Bʋ̃ʋ n'ʋ vɛ̃, a Yeezu na tɩrɛ a sonu a, nɩ a bɛlɩ dem na páwr a sonu a, bɛ za lãw nɩ Sãà, alɛ so vĩ bɛ ɩrɛ ʋ, ʋ na na bʋɔlɛ bɛ a ʋ yɛbr a ɩ.

¹²Ʋ yel'ɩ à ŋá: «Naaŋmɩn i, ɩ̃ na ƴɛ̀r'ɩ a fʋ ƴɛ̀rʋ a ɩ̃ yɛbr zie, ɩ̃ na danɩ fʋ nɩ a lãw nɩbɛ sɔgɔ[8].»

¹³Ʋ mɩ̀ cãà na yel: «Ɩ̃ na ƴãw nɩ a ɩ̃ tɩɛrʋ a fʋ ƴãw.» Nɩ kɛ́: «Mãa n'ɩ ŋan, mãa nɩ a ɩ̃ bibiir a Naaŋmɩn na kʋ̀ m a[9].»

¹⁴A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

¹⁵ɛ́ faa a bɛlɩ dem na mɩ́ tɩ ɩ gbãgbaar a bɛ nyɔ-vʋʋrʋ daar za, a kũu dɛ̃bɩ̃ɛ zũú a.

¹⁶Malkɩ mɩnɛ sõwfʋ ƴãw sɩrɩ bɛ n'a ʋ waar ɛ, Abraham bʋʋrɛ sõwfʋ ƴãw n'a.

¹⁷Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

¹⁸Ʋ na wõ tuo ɛ́ nyɛ̃ bɛlʋ a, ʋ na tʋ̃ɔ́ na mɩ́ sõw a bɛlɩ dem na nyɛrɛ a bɛlʋ a.