Read Dagara, Northern Ebre 8 Bible Online

Ebre 8 - Dagara, Northern bible

Ebre 8

¹A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

²Ʋ tone nɩ a ʋ tome a zi-sõw pʋɔ, a pɛn-sɛw-sɩza pʋɔ a Sore na maalɩ, ɛ́ a bɛ ɩ nɩsaal'ʋ maalɩ a.

³Bàwr-maal-kara za a, de-kʋ̀b bome tɩrʋ nɩ bàwr maalʋ ƴãw n'a bɛ mɩ́ ka nũu ƴãw ʋ: lɛ n'a a fɛr k'aa tɩ bàwr-maal-kara ŋa mɩ̀ mɩ́ tɛr bom na de tɩr.

⁴A Kɩrɩta tɩ be a tẽw zu ka a, ʋ kʋ̃ʋ ɩ bàwr-maalɛ mɩ̀ ɛ, nɩbɛ na faa be be dier a de-kʋ̀b bome tɩrɛ mɛ̃ a lɛ a Naaŋmɩn wulu na ƴãw a.

⁵Ɛcɛ a bɛ bàwr-maal-ton ɩ n a saa-zu yele ŋmɛ̃-taalʋ, a saa-zu yele dasule, mɛ̃ a lɛ a Moyiir na tɩ bɔbr a pɛn-sɛw maalʋ a Naaŋmɩn yel kʋ̀ ʋ a. Ʋ tɩ yel ʋ na: «Nyɛ̃, fʋ na maal'ɩ a yele za a ŋmɛ̃ taa nɩ a al ɩ̃ na wul fʋ a tãw zu a[24].»

⁶Ɛcɛ ƴɛrɛŋa a, bàwr-maal-ton na ɩ kpɛ̃ɛ zuo a n'ʋ bɛ kʋ̀ a Yeezu, bʋ̃ʋ n'ʋ vɛ̃, ʋ ɩ n wõ-taa na vɩɛl zuo a lɔ̃lʋɔrɛ, wõ-taa na maalɩ tu n nɛ́ɛ bɛ na ƴãw a vɩɛl zuo a dãwdãw dem a.

⁷A Wõ-ta-dãw-niwn sob[25] tɩ sɩrɩ vɩɛl bɛ cɛ a, bɛ kʋ̃ʋ lɛb bɔbr kɛ́ bɛ lɩɛr'ʋ nɩ wõ-taa ayi sob ɛ.

⁸Ɛcɛ a ʋ nɩbɛ sãwna n'a a Naaŋmɩn tɩ yere à à ŋá: «Bibie waar'a, a Sore n'ʋ yere, ɩ̃ na maal'ɩ a Ɩsɩrayɛl nɩbɛ nɩ a Zuda nɩbɛ Wõ-ta-paala.

⁹Ʋ kʋ̃ ɩ mɛ̃ a ʋl ɩ̃ na tɩ maal'ɩ a bɛ sãàkʋm-kore a ʋlɩ bibir ɩ̃ na tɩ nyɔw bɛ nũú tɛr yi n a Eziptɩ tẽw pʋɔ a ɩ. Bɛ bɛ tɩ tɛr a ɩ̃ wõ-taa ŋa ɩ, lɛ so ɩ̃ mɩ̀ tɩɛ bɛ bɛr, a Sore n'ʋ yel.

¹⁰A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

¹¹Kãw kʋ̃ mɩ́ lɛb wule a ʋ tẽ-bi-tɔ bɩɩ a ʋ yɛb, yere kʋ̀rɛ ʋ: “Bãw a Sore ɩ”. Bʋ̃ʋ n'ʋ vɛ̃, bɛ za na bãw mɛ̃ na, a bile za zie tɩ ta n a kpɛ̃ɛ za,

¹²ɩ̃ na na dɩ a bɛ sãwna suur kʋ̀ bɛ, ɛ́ mɩ̀ bɛ cãà tɛr a bɛ yel-bebe tɩɛrʋ a ƴãw.»[26]

¹³A Naaŋmɩn na ƴɛ̀rɛ Wõ-ta-paala ƴɛ̀rʋ a, ʋ ɩ na a wõ-ta-dãw-niwn sob ʋ ɩ bʋ̃-kʋra, ɛcɛ bom na lɩɛbɩ bʋ̃-kʋra ɛ́ kore a, ʋ ta n baarʋ.