Read Dagara, Northern 1 Zã 1 Bible Online

1 Zã 1 - Dagara, Northern bible

1 Zã 1

¹Bom nɛ na tɩ be a yele za pɛr-tib daar a, bom nɛ tɩ na wõ a, bom nɛ tɩ na nyɛ̃ nɩ mimir a, bom nɛ tɩ na jɩ́r gbẽgbẽ ɛ́ tɔ n a tɩ nuru a, ʋ càar'ɩ a ƴɛ̀rʋ na tɩrɛ a nyɔ-vʋʋrʋ a.

²Bʋ̃ʋ n'ʋ vɛ̃, a nyɔ-vʋʋrʋ ŋa sãá na, tɩ nyɛ̃ ʋ na, tɩ dɩrɛ nɩ a ʋ dãsɩɛ, tɩ manɛ nɩ a nyɔ-vʋʋrʋ na be kʋralɛ a yele kʋ̀rɛ nyɩ, a nyɔ-vʋʋrʋ ŋa na tɩ be a Naaŋmɩn Sãà zie ɛ́ wa sãá tɩ nyɛ̃ a.

³Bom nɛ tɩ na nyɛ̃ ɛ́ wõ a, tɩ yere ʋ na kʋ̀rɛ a nyɩɩm mɩ̀, kɛ́ nyɩ mɩ̀ tʋ̃ɔ́ lãw nɩ tɩ, ɛ́ a tɩ lãw-taa ɩ n lãw-taa na be tɩɩm nɩ a Naaŋmɩn Sãà cara pʋɔ, ɛ́ be tɩɩm nɩ a ʋ Bie Yeezu Kɩrɩta cara pʋɔ a.

⁴Tɩ sɛbr nyɩ nɩ à á ŋá kɛ́ a nʋ̃ɔ̀ na kpɩɛr tɩ a, tʋ̃ɔ́ kpɛ tɩ tɩ tɔ.

⁵Nyɩ nyɛ̃ a ƴɛ̀rʋ tɩ na wõ a Yeezu Kɩrɩta zie ɛ́ yere kʋ̀rɛ nyɩ a: Naaŋmɩn ɩ n cãà, ɛ́ lige kãw za bɛ be a ʋ zie ɩ.

⁶Tɩmɛ wa yel kɛ́ tɩ lãw nɩ ʋ na ɛ́ cãà cere lige pʋɔ a, tɩ ŋmarɛ nɩ ziri, ɛ́ a tɩ ɩb bɛ tu yel-mɩŋa ɩ.

⁷Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.

⁸Tɩmɛ wa yel kɛ́ tɩ bɛ tɛr yel-bier a, tɩ tule nɩ tɩ tʋɔra, ɛ́ a yel-mɩŋa bɛ be a tɩ zie ɩ.

⁹Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.

¹⁰Tɩmɛ wa yel kɛ́ tɩ bɛ ɩ yel-bebe dem a, Naaŋmɩn n'ʋ tɩ bʋɔlɛ zir-ŋmarɛ, ɛ́ a ʋ ƴɛ̀rʋ bɛ be a tɩ zie ɩ.