Read Dagara, Northern Yel-wula 20 Bible Online

Yel-wula 20 - Dagara, Northern bible

Yel-wula 20

¹Al pùorí, ɩ̃ tɩ nyɛ̃ nɩ malkɩ na yi a salom zu siwr a. Ʋ tɩ tɛr'ɩ a kɔ̃tɔmɛ dɔwrʋ bɔw-zulu pĩi nɩ bãzɔl-tɩbrʋ a ʋ nũú.

²Ʋ tɩ nyɔw nɩ a wa-bɩɛ, a tẽ-kor waab, a pɛr lɛ k'aa Gɛgɛra bɩɩ Sɩtaana, ʋ tɩ nyɔw ʋ na 'lẽ nɩ a bãzɔl-tɩbrʋ ʋl, ɛ́ gù yome túr (1 000).

³A malkɩ tɩ lɔb ʋ na ƴãw a kɔ̃tɔmɛ dɔwrʋ bɔw-zulu pʋɔ, ɛ́ kpa n a pĩi, ɛ́ bɛ̀ a nʋɔr pàw, k'aa wa-bɩɛ ta cãà bɛlɛ a ten nɩbɛ ɩ, ɛ̀ gù a yome túr (1 000) tɩ tɔl baarɩ. Al pùorí, a na fɛr'a kɛ̀ bɛ cɛ̀r ʋ bɛr blã.

⁴Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

⁵A kũuni bɛl na cɛ a, bɛ tɩ lɛb vʋʋrɛ ɩ, ɛ́ gùre a yome túr (1 000) na tɩ tɔl baarɩ. A kũu-pʋɔ-lɛb-yibu dãw-niwn sob'ɩ à ŋà.

⁶Bɛlɩ dem na pʋɔ a kũu-pʋɔ-lɛb-yibu dãw-niwn sob ŋa pʋɔ a, bɛ ɩ n zu-nʋ̃ɔ̀ dem ɛ́ ɩ Naaŋmɩn nɩ-sori. A kũu-gb'a ayi sob bɛ ɩrɛ bɛ bom za ɩ: bɛ na ɩ n a Naaŋmɩn nɩ a Kɩrɩta bàwr-maalbɛ, ɛ́ bɛ na lãw nɩ nɩ a Kɩrɩta dɩ naalʋ yome túr (1 000).

⁷A yome túr (1 000) nãà wa tɔl baar'a, bɛ na cɛ̀r'ɩ a Sɩtaana bɛr ʋ yi a ʋ gaso pʋɔ,

⁸ʋʋ na cen na tɩ bɛ̀lɛ a ten ten na be a tẽ-daa za zu a, a pɛr lɛ k'aa Gɔgɩ nɩ Magɔgɩ[14]. Ʋ na bʋɔlɩ bɛ na ɓã taa a zɛbr ƴãw, ɛ́ bɛ na yãwmɛ na mɛ̃ a kʋ̃ɔ-kpɛ̃ɛ nʋɔr biire a.

⁹Bɛ yɛ́r'a pàw a tẽw za, ɛ́ ŋmãa jil koli a Naaŋmɩn nɩ-bʋʋrɛ laɩ nɩ a tẽ-kpɛ̃ɛ a Naaŋmɩn na nɔnɛ a. Ɛcɛ, vũu yi n a salom zu siw dɩ bɛ.

¹⁰Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

¹¹Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

¹²Al pùorí, ɩ̃ tɩ nyɛ̃ nɩ a kũuni, a bɛrɛ nɩ a pʋrmɛ, bɛ àr a naalʋ-dà-kɔw niŋé, ɛ́ sɛbr yuori. Bɛ tɩ lɛb'a yuo sɛbɛ ƴen sob, a nyɔ-vʋʋrʋ sɛbɛ, ɛ́ maal'ɩ a kũuni a ƴɛ̀rʋ tu n a bɛ ɩ-ɩrɩ na sɛb ƴãw a sɛbr pʋɔ a.

¹³A kʋ̃ɔ-kpɛ̃ɛ tɩ tɩr'ɩ a ʋ kũuni, a kũu nɩ a kpɩmɛ tẽw mɩ̀ tɩr a kũuni: bɛ tɩ maal'ɩ nɩ bɛ za a ƴɛ̀rʋ tu n a bɛ ɩ-ɩrɩ.

¹⁴Bɛ tɩ lɔb'ɩ a kũu nɩ a kpɩmɛ tẽw ƴãw a gbãtar-kpɛ̃ɛ vũumí. A gbãtar-kpɛ̃ɛ vũu ɩ n a kũu-gb'a ayi sob.

¹⁵Sob nɛ za a yúor na bɛ tɩ sɛb a nyɔ-vʋʋrʋ sɛbɛ pʋɔ a, bɛ tɩ lɔb ʋ na ƴãw a gbãtar-kpɛ̃ɛ vũumí.