Read Grebo, Northern Matiɔ̌n 1 Bible Online

Matiɔ̌n 1 - Grebo, Northern bible

Matiɔ̌n 1

¹JDɛà nɛ̀ moo Tentǎn Jǔ Jùsuu tè, ke ɔ nuěe klɔ̀ba Dèběse klee Eblɛ̌hɛ̀mo uu gbeǐpò dlě slè konkɔn.

²Eblɛ̌hɛ̀mo kɔna jbɛjuju ɔ̈ mooaa Aesěè. È Aesěè kɔna jbɛjuju ɔ̈ mooaa Jèkɔ̌po. È Jèkɔ̌po kɔna jbɛjuju ɔ̈ mooaa Jùdǎ klee ɔɔ mamǔ jbɛjlu.

³È Jùdǎ klee ɔɔ nynɔ Timà kɔna jbɛjujlu uu nyneǎ nìà Pɛwlěse klee Sɛlà. È Sɛlà kɔna jbɛjuju ɔ̈ mooaa Hɛsèlɔn. È Hɛsèlɔn kɔna jbɛjuju ɔ̈ mooaa Alàn.

⁴È Alàn kɔna jbɛjuju ɔ̈ mooaa Amenàda. È Amenàda kɔna jbɛjuju ɔ̈ mooaa Nasɔ̀n. È Nasɔ̀n kɔna jbɛjuju ɔ̈ mooaa Samɔ̀.

⁵È Samɔ̀ klee ɔɔ nynɔ Wlehɛɛ̀ kɔna jbɛjuju ɔ̈ mooaa Boɛsì. È Boɛsì klee ɔɔ nynɔ Wlǔ kɔna jbɛjuju ɔ̈ mooaa Obɛ̀. È Obɛ̀ kɔna jbɛjuju ɔ̈ mooaa Jɛ̀sě.

⁶È Jɛ̀sě kɔna jbɛjuju ɔ̈ mooaa klɔ̀ba Dèběse. È Dèběse klee Uwlaeàa tògba nynɔǒ ɔmo Dèběseǒ ɔ kɔnaa nù kɔna jbɛjuju ɔ̈ mooaa Sanemɔ̌.

⁷È Sanemɔ̌ kɔna jbɛjuju ɔ̈ mooaa Wlihobòɛn. È Wlihobòɛn kɔna jbɛjuju ɔ̈ mooaa Abajà. È Abajà kɔna jbɛjuju ɔ̈ mooaa Asà.

⁸È Asà kɔna jbɛjuju ɔ̈ mooaa Jihosèfa. È Jihosèfa kɔna jbɛjuju ɔ̈ mooaa Jownà. È Jownà kɔna jbɛjuju ɔ̈ mooaa Usaeà.

⁹È Usaeà kɔna jbɛjuju ɔ̈ mooaa Jotàn. È Jotàn kɔna jbɛjuju ɔ̈ mooaa Ahasè. È Ahasè kɔna jbɛjuju ɔ̈ mooaa Hɛsekaeà.

¹⁰È Hɛsekaeà kɔna jbɛjuju ɔ̈ mooaa Manesà. È Manesà kɔna jbɛjuju ɔ̈ mooaa Amòn. È Amòn kɔna jbɛjuju ɔ̈ mooaa Jòsaeǎ.

¹¹È Jòsaeǎ kɔna jbɛjuju ɔ̈ mooaa Jɛkɔnaeà klee ɔɔ mamǔ jbɛjlu tǐǒ jleě Babòlɔn nyo mǐa uu kèdɛ̌ mǒ kme.

¹²È tà kèdɛ̌ǒ ɛ sìnʼaa, è Jɛkɔnaeà kɔna jbɛjuju ɔ̈ mooaa Salatià. È Salatià kɔna jbɛjuju ɔ̈ mooaa Sewlubàba.

¹³È Sewlubàba kɔna jbɛjuju ɔ̈ mooaa Abiù. È Abiù kɔna jbɛjuju ɔ̈ mooaa Ilaekèn. È Ilaekèn kɔna jbɛjuju ɔ̈ mooaa Asowlù.

¹⁴È Asowlù kɔna jbɛjuju ɔ̈ mooaa Sadokè. È Sadokè kɔna jbɛjuju ɔ̈ mooaa Ekèn. È Ekèn kɔna jbɛjuju ɔ̈ mooaa Iladù.

¹⁵È Iladù kɔna jbɛjuju ɔ̈ mooaa Ɛliesà. È Ɛliesà kɔna jbɛjuju ɔ̈ mooaa Matàn. È Matàn kɔna jbɛjuju ɔ̈ mooaa Jèkɔ̌po.

¹⁶È Jèkɔ̌po kɔna jbɛjuju ɔ̈ mooaa Jòsɛ̌fo ɔ̈ mooaa Mɛwlěe jbe. Mɛwlě kɔna Jbɛjuju Ɔ̈ moo Jùsu plě Ɔ̈ u dɛɛ Nyesoaa Tentǎn Jǔ.

¹⁷È ɛɛ wùɛǒ ke ɛ tontoo mɔ̀le nɛ̀à, sɔɔnʼě Eblɛ̌hɛ̀mo mɔ̀ mǒ bò jɛ Dèběse ɛ nu gbeǐpò dlěe pù tùo hɛ̀n. Sɔɔnʼě Dèběse mɔ̀ mǒ bò jɛ Babòlɔn nyo bu kpa lu kèdɛ̌ mǒ ɛ nu gbeǐpò dlěe pù tùo hɛ̀n. Sɔɔnʼě mǒ bò diɔ Tentǎn Jǔ Jùsuu kɔna mǒ ɛ nu gbeǐpò dlěe pù tùo hɛ̀n.

¹⁸Dɛà nɛ̀ boɛɛ Tentǎn Jǔ Jùsuu konkɔn tè kɛn. Tà Jòsɛ̌fo kmeaa Jùsu naǎ Mɛwlě je, plě u mǐa nynɔ klee jbe dɛ nu, klě tǐǒ wlòmo Ngmà Je Ne Sùsu nua Mɛwlě ɔ̌ nea kwlě mǒ.

¹⁹Tà Jòsɛ̌foo kmɔ̌ nmɔaa jǐ le, tèǒ nì kɔn tè ɔɔ̌ jlǎ bɔ sàla Mɛwlě kǔ kɛn keǒ klɔ̀ slè. Ii tè dɛ ɔ wlò peaa ble nɛ̀ moo bɔ siaǒ ɔ bo nyu wùɛ bɔɔ̌ jia li.

²⁰Tà ɔmoǒ ɔ keaa dɛǒ dlǒ mɔ̀le sìɛn ne, è Koɔn Nyesoaa najiǒpòi nɔ̀ jǎla ɔ dlǒ mɔ̀ klě jajie mǒ ɔ je, “Jòsɛ̌fo, mòà kɔn lěe klɔ̀ba Dèběsee jlǔu jlǔ slè, bɔ̌ fano pepeɛ keǒ bò kɔn Mɛwlě nynɔ mǒ. Kwlěǒ ɔ ne mǒo ɛ moo Ngmà Je Ne Sùsuu nunu dɛ.

²¹Ɔ miǎ Jbɛjuju kɔnma, Jǔǒ Nɔ̀ miǎ Ɔɔ nyopò gblàba klě uu kpni kukwǐi plɔ tu kɛn bo maěa slè. Ii tè tùe Ɔ nynɛ̌ ɛ̈ moo Jùsu ɛ̈ sɛ̀nʼɛ nynɛ̌ Koɔn Gblà Ämo.”

²²Dɛǒ nè kpala tùɔn ɛ̈ di ɛɛ numa dɛǒ Nyesoa poa Ɔɔ wnɔsàɔ wan seela tǐ jleě ɛ mǐaǒ jaě le, kě ɔ dɛ̌a ɔ je,

²³“A tanʼǒ leò, nyneju ɔ̈ see jbɛju tè ji ɔ miǎ kwlě mǒ nema, ɔ miǎ Jbɛjuju kɔn, u miǎ Ɔɔ nynɛ̌ Imanyùɛ daeba.” (Is 7.14) Imanyùɛ ɛ̈ sɛ̀nʼɛ nynɛ̌ Nyesoa Neeǒ Ä Mɔ̀. (Is 8.8)

²⁴Tà Jòsɛ̌fo wlěa lěe momnɔ mǒ, è dɛǒ nɛ̀ ɔ nua teěn ɛ̈ kɔn tè Koɔn Nyesoaa najiǒpòi tmɔɔ̌a nɔɔ ɔ̌ paea Mɛwlě koǔ bo,

²⁵kɛɛ ɔ klee Mɛwlě sea nynɔ klee jbe dɛ nu ɛ̌ kpala ɛ kpa ɔ̌ kɔna ɔɔ Jbɛjujuǒ. È Jòsɛ̌fo tùea Ɔ nynɛ̌ ɛ̈ moo Jùsu.