Read Grebo, Northern 1 Kwnɛtiɛ̌ 5 Bible Online

1 Kwnɛtiɛ̌ 5 - Grebo, Northern bible

1 Kwnɛtiɛ̌ 5

¹Sɛjesɛ dɛ Ě wɛ̌nʼɛ ɛ̈ neě amoo slè nɛ̀ moo gblà kmɔ̌. Ě wɔ̌n dɛà ɛ̈ moo nyu tɔ̀ɔ nɔ̀ klee ɔɔ gbeǐi nynɔ u pe chìplɔ. Dɛ kukǔ taeǒ kuodakwɛ̌ɛ chɛ̀ uǔ nu ɛ.

²È mɛ kɔɔ̌n tè a boɛɛ leě aa chɛ̀ɛ tè jǐ? A se kɛ je blɛɛ le ba fìn, nyuǒ nii dɛǒ ba sàě ɔ Nyesoa koǔ bo le?

³I moo kàan tè ně chɛ̀ Ě tmɔɔ a mɔ̀, kɛɛ kělɔ ně chɛ̀ wlò jleě Ě neě a slè le klě Nyesoaa Sùsu mǒ plě nyuǒ nii dɛǒ Ě bɛ̌ ɔ wun kɛn ɛ̌ wɛ̀ mɔ̀le wòje keà sɛjesɛ Ě miiě amoo slè nema.

⁴Bɛ̌ nu bǎ bò le klě äa Koɔn Jùsu Tentǎn Jǔu nynɛ̌ wlòmo, a nu ɛ wòje keà Ě nee tùɔn kɛn klě a slè. È nyuǒ nii dɛǒ klě äa Koɔn Jùsuu kpě wlòmo, a kɔn ba

⁵poě ɔ Setɛ̀n kwete mǒ ɔ̈ moo kǔ ɔ mǐ ɔɔ blǒ fǒ gbè sùe. Dɛǒ nɛ̀ bǎ nu, è klě chnɛ̀ jlǒ waěǒ Koɔn miǎa de jaba wlòmo, ɔɔ sùsu miǎ waba.

⁶Ɛ se kàan dɛ keǒ ba jaeě aa chɛ̀ le. A se kɛ i ji ɛ̈ moo smìi sòanʼa do nɛ̀ pe smì wùɛ chěn mǒ le?

⁷Nɛ̀ kɔn tè smìi sòanʼǒ a sàě ɛ aa chɛ̀ slè ɛ̈ di ɛɛ numa a mǐ smì jajle wǒ ï smìi sòan slěe slè ne. Tentǎn Jǔ Nɔ̀ mooa chɔ̀no keǒ ä mɔ̀ wòje keǒ Dlǒ Mǒ Sìin Didi Dɛɛ blableǎ nuu ǐ monoo chɔ̀no.

⁸Bä ke Tentǎn Jǔu chɔ̀noǒ ɛɛ de ngmnengmnɛ̌ kwɛn, äǎ pe ɛ smìi sòan slè ɛ̈ sɔ̀nʼɔ plě ɛ nuu kukǔ, kɛɛ bɛ moo smìiǒ ɛ̈ nuu kàan ɛ̈ snǎ lěe mɔ̀le.

⁹Chněedɛ̌ǒ Ě chleěa amoo mɔ̀, Ě tmɔɔ̌a ane ɛ̈ moo a klee nyopòà ü kɔn kmɔ̌ see kàan nu ba bɔ̌ mǒ nyenymaea.

¹⁰Klě ɛmo chněedɛ̌ǒ wlòmo Ě sea li boɔ ɛ̈ moo ba tmɔɔ dɛ kukǔ nu nyo mɔ̀ klee wnɔwnǔ nyo klee jlǐ nyo plě nyopòà ü sɛ̀ɛ nǔkpuǐi wɛ̀. Plě a mǐ u fǒ měne sàǒ, a kɔn ba sɔn nɔ kmɔ̌ɔ mɔ̀ mǒ.

¹¹Kɛɛ dɛ Ě sɛ̀nʼaa nynɛ̌ nɛ̀ moo nyopòǒ ü dɛɛ uu chɛ̀ Nyesoa nyo, kɛɛ üà gblà kmɔ̌ neěe ja, ü kɔnʼɔ wnɔwnǔ, ü sɛ̀ɛ nǔkpuǐi wɛ̀, ü bɛtɛ̌ɛ nyopò tùu je, ü monoo nmɔ na nyo plě ü moo jlǐ nyo, aǎ pe u aa chɛ̀ slè u klee amo aǎ diiǒ dɛ tàa doo chɛ̀.

¹²Ɛ se ně konkwa keǒ boǒ tù nyopòǒ slě Tentǎn Jǔu wǎn slě ne uu blilǐ. Kɛɛ amo blɛɛ je bü tù nyopòǒ neěe Tentǎn Jǔu wǎn slè uu blilǐ.

¹³Nyopòǒ slěe Tentǎn Jǔu wǎn slè ne Nyesoa mi uu blilǐ tùba. Ii tè kě Nyesoaa win dɛ̌ i je, “A kɔn ba sàě dɛ kukǔ nu nyoǒ aa chɛ̀ slè.” (Deut 17.7, 19.19, 22.2,24, 24.7)