Read Grebo, Northern Wlɛ̀velesɔ̌n 10 Bible Online

Wlɛ̀velesɔ̌n 10 - Grebo, Northern bible

Wlɛ̀velesɔ̌n 10

¹È Ě jěa kpě kɛne najiǒpòi tɔ̀ɔ ɔ̈ sonwɛa lěe jɔkɛn mǒ ɔ̈ dia lɔɔ wɔ̀ɔn, nukpǎ nɛ̀ mooa ɔɔ wlawlǒ ɔ pea mǒ plě pànjbo tbɛɛa ɔɔ dlǒ dǐ. Ɔɔ jigbà wnea wòje wɛn, ɔɔ be wǒa napèpɛloo tiblǐ fòe.

²Ɔ blěa plaplǎ chněedɛ̌ chěnchaě kwa ɛ̈ jlèeaa mǒ. Ɔɔ dilǎ bo nɛ̀ ɔ tbalaě jbǒ kɛn bo, è ɔɔ gbàpe bo nɛ̀ neaɔ blǒ kɛn.

³È ɔ pnǎna dɛ jleě, ɔ wǒa win mǒ keà sà kwlii. Tà ɔ pnǎnaa dɛ jleě, è tɛ̀nʼɛ pnapnǎ kplěe nyiɛta nì bea bo.

⁴Tà tɛ̀nʼɛ pnapnǎ kplěe nyiɛtaǒ i sìnʼaa, è Ě wɛ̀a mɔ̀ keǒ bo chlěa, kɛɛ Ě wɔ̌na win ï sɔnaěe jɔkɛn mǒ, kě i dɛ̌a i je, “Tɛ̀nʼɛ pnapnǎ kplěe nyiɛtaǒ dɛǒ i boɔɔ wɛ̌ ɛ je, nè chlě ɛ.”

⁵È najiǒpòiǒ Ě jěaa ɔ̈ kɔlaěe bo jbǒ kɛn bo klee kělɔ blǒ kɛn, ɔ dǔa ɔɔ dilǎ son jemǒ klě jɔkɛn.

⁶È ɔ poa ɔɔ chɛ̀ win kɛn le keǒ Nyesoa mɔ̀ Ɔ̈ nee kmɔ̌ ke ɛ mii jleě mǒ bo tonma, Ɔ̈ nuu jɔ klee noǎ wùɛ neě ɛɛ wlòmo plě Ɔ̈ nuu blǒ klee noǎ wùɛ ï neɔɔ ɛɛ mɔ̀ plě Ɔ̈ nuu jbǒ klee noǎ wùɛ neě ɛɛ mɔ̀, kě ɔ dǎla ɔ je, “Tǐi de le kpokpa tɛ̀ɛ see kɛ̀ǒ nema mu!

⁷Bɛ̌ nu najiǒpòo nyiɛta nonɔ bɔ̌ be ɔɔ nokpa, è Nyesoaa ble po dɛà wɛ̌ pnɔɔ je ɛ miǒ jaěba wòje ke Ɔ nua Ɔɔ na wien po nyebajle klee nynejlu klee wnɔsàɔpo tmɔɔ̌a.”

⁸È winʼà Ě wɔ̌naa ï sɔna lěe jɔkɛn mǒ, kě i dɛ̌aǎ je de i je, “Mu, dǔ chněedɛ̌ǒ mǒ ɛ̈ knaa je ɛ̈ neěe najiǒpòiǒ kwete mǒ ɔ̈ nynaǒo blǒ klee jbǒ kɛn bo.”

⁹Ii tè Ě muaě najiǒpòiǒ mɔ̀ Ě tmɔɔ̌a nɔ bɔ nyeaǎ chněedɛ̌ chěnchaěǒ. Ɔ tmɔɔ̌a mǒ ɔ je, “Dǔ ɛ mǒ mì ɛ di, bò di ɛ, ɛ mi wan nmɔma wòje dochnɔ klěè wan, kɛɛ ɛ mi pɔnma klěè wlòmo.”

¹⁰Ě dǔa chněedɛ̌ǒ mǒ Ě sàla ɛ najiǒpòiǒ kwa Ě dia lɛ. Ɛ nmɔa wan wòje dochnɔ klěě wan, kɛɛ tà Ě ngmnana nɛɛ, ɛ̀ pɔnʼa ne klěě wlòmo.

¹¹È u tmɔɔ̌aǎ ne, kě u dɛ̌a u je, “Kɔ̀n bò sà Nyesoaa win wan de klě nyopò fòfoa jleě mǒ klee dakwɛ̌ klee nyopòà pee dɔ̌ɔdɔ̌ win plě klě klɔ̀bapoo mɔ̀.”