Read Northern Oaxaca Nahuatl Hebreos 1 Bible Online

Hebreos 1 - Northern Oaxaca Nahuatl bible

Hebreos 1

¹Ya wejkawitl in toTajtzin Dios okintlapowij miek buelta in ya wejkawitl toweyitajwan por medio de yen profetajtin. Iwan tlatlamantle nik okintlapowij. Okemantia okintlapowiaya por medio de se temiktle, iwan okemantia okinmititiaya itlaj tlamantle kej yeskia okiteemikiaj, iwan noijki okintlapowiaya ika oksekin tlamantle.

²Pero axan itech yinmej ya iyakatlanka tonaltin, Dios techtlapowia por medio de iKone, katlej okimaktilij nochi tlamantle tlan onkaj iwan por yen iKone okichij in ilwikak iwan tlaltikpak.

³Yon iKone yen imawisotlanex in Dios, iwan iKone techititia kenamij in Dios. Yon iKone kinawatia nochi tlamantle tlan onkaj itech ilwikak iwan ipan tlaltikpak para ma mochiwa ijkón ken Yej kijta ika itlajtol, porke itlajtol kipia poder. Yej omikke iwan otechpajpakke de totlajtlakol, iwan satepan omotlalij ik iyekma in toTajtzin Dios ompa ilwikak kan tlanawatia. IKone in toTajtzin Dios okachi weyikistok (weyititok) iwan amo ken angelestin

⁴IKone in toTajtzin Dios okachi weyikistok (weyititok) iwan amo ken angelestin, iwan okiresibiroj se weyi tekiwajkayotl katlej toTajtzin Dios okimakak.

⁵Porke toTajtzin Dios mach semi okilwij akaj ángel:Tej tinoKone.Axan Nej nimoPapan. Nion mach okilwij akaj ángel:Nej nietos iPapan,iwan yej yetos noKone.

⁶Iwan noijki, nijkuak in toTajtzin Dios okualtitlanke iKone yankuiotl ixko yin tlaltikpak, okijtoj:Nochtin iangelwan Dios ma kiweyikixtikan.

⁷Pero de yen angelestin, kijta:Kintoktia in angelestin ma yekan ken ejekatl,iwan itekipanojkawan kintoktia ma yekan ken itliyo in tlitl.

⁸Pero de yen iKone, kijta:Tejwatzin Dios, titlanawatis iktlanke (ik tlami).Tejwatzin titlanawatia sa tekitl kuale iwan ipan melajka, porke nochtin tikinchiwilia ijkón ken moneki.

⁹Mitzpaktia nochi tlan kuale iwan mach mitzpaktia tlan amo kuale.Por yonik in Dios, katlej moDios, omitzmakakokachi miek pakilistle iwan amo ken mokompañeroswan.

¹⁰Iwan noijki kijta:Tejwatzin Señor, nijkuak mach ya itlaj oyeka, otikchij in tlaltikpak,iwan ika moma otikchij in ilwikak.

¹¹Nochi tlan otikchij se tonale tlamis, pero tejwatzin, tietos iktlanke (ik tlami).Nochi tlamantle tlan onkaj tlajtlamis ken nijkuak tlajtlami se tzotzole.

¹²Tikkuekuelpachos kej se tzotzole,iwan tikpatlas ken nijkuak se motzotzolpatla.Pero tejwatzin mach keman timopatla,iwan monemilis mach keman tlamis.

¹³Dios mach keman okilwij nion se ángel:Ximotlali ik noyekma, asta ijkuak Nej nimitztlalis titlayekanke de yejwan katlej mitzkokoliaj.

¹⁴Nochtin angelestin yejwan san espíritus katlej kitekipanoaj in toTajtzin Dios, iwan Dios kintitlani para ma kinpalewikan katlej Yej yokinpejpenke para kinmakixtis de intlajtlakol.