Read Northern Oaxaca Nahuatl Apocalipsis 15 Bible Online

Apocalipsis 15 - Northern Oaxaca Nahuatl bible

Apocalipsis 15

¹Onikitak itech ilwikak oksé señal sa tekitl weyi iwan sa onechtlajtlachialtij (onechmajmawtij). Onikinmitak chikome angelestin katlej okipixtokaj in salúltimo chikome kokolistin. Nijkuak tlamiskej in yonmej chikome kokolistin, noijki tlamis ikualanilis in Dios de inwan tlaltikpaktlakaj.

²Noijki onikitak kej se mar de teskatl nelitok iwan tlitl. Iwan ompa omoketokaj ipan yon mar de teskatl katlej okitlankej in amo kuale yolkatl, katlej amo omotlankuaketzkej iyakapan iretrato, iwan nion amo omotekawilijkej ma kintlalilikan inúmero de itoka. Okinpixtokaj inmarpajwan katlej Dios okinmakak.

³Iwan okitlakuikayaj (okuikayaj) se tlakuikale katlej Moisés okijkuiloj katlej okitekipanoaya in toTajtzin Dios, iwan noijki otlakuikayaj para yen Ichkatzin. Ijkín nik otlakuikayaj:Weyi iwan tetlajtlachialtij (temajmawtij) nochi tlan tejwatzin otikchij,Señor, tejwatzin Dios katlej tikpia nochi poder.Tikchiwa tlan kuale iwan tlan melawak,tejwatzin tiRey de nochtin paismej.

⁴¿Akin amo mitzimakasis, Señor?¿Akin amo mitzweyikixtis?San yen tejwatzin tiyolchipawak,iwan nochtin tlaltikpaktlakaj de nochtin paismej witzej iwan mitzweyikixtiskej,porke in tlaltikpaktlakaj kitaj nik tikchiwa nochi tlan kuale.

⁵Satepan onikitak itech ilwikak in weyi tiopan iwan otlatlapowik Kan Tlixpantzin, kan kajki in akuerdo katlej Dios okichij inwan itlaneltokakej.

⁶Ijtik in weyi tiopan okiskej in chikome angelestin katlej okinpixtokaj in chikome kokolistin. Otlakentitokaj ika tzotzole katlej kuale itoka lino, chipawak iwan opetlania. Noijki okipiayaj intlajkoilpika de oro asta inmelpan.

⁷Satepan se de yen nawi katlej yolitokej, okinmakak kada se de yen chikome angelestin se kopa de oro tentok de ikualanilis in Dios katlej nochipa yolitok.

⁸In weyi tiopan otenke de poktle katlej owalaj de imawisotlanex iwan de ipoder in Dios. Iwan mach akaj owelia okalakia ijtik in weyi tiopan mientras in chikome angelestin ayamo otlamiaj okinnokiayaj in chikome kokolistin.