Read Northern Rengma Naga ADECHHÜ 5 Bible Online

ADECHHÜ 5 - Northern Rengma Naga bible

ADECHHÜ 5

¹ Hana Adam shicübvüghathu nyan kezhü. (Anyiza na anyi sahang kechi wi manyi pi ma tsi ti sachi.

² Ma npvüza nu nza sahang chi nu sawegü pi manyi miwi chi, nu manyi pi “Anyi Kahang” isa ci.)

³Adam na amapi 130 wi atsa kesü ma ti kesa muya nu ma nyan pi Seth ci.

⁴Tsaseng wi Adam na amapi 800 hang. Ma atsanga kepa wi la ben,

⁵nu ma kahang mapi 930 wi shüa.

⁶Seth na amapi 105 wi atsa kesü Enosh muya,

⁷nu tsaseng wi amapi 807 hang. Ma atsanga kepa wi la ben,

⁸nu ma kahang mapi 912 wi shüa.

⁹Enosh na amapi 90 wi atsa kesü Kenan muya,

¹⁰nu tsaseng wi amapi 815 hang. Ma atsanga kepa wi la ben,

¹¹nu ma kahang mapi 905 wi shüa.

¹²Kenan na amapi 70 wi atsa kesü Mahalalel muya,

¹³nu tsaseng wi amapi 840 hang. Ma atsanga kepa wi la ben,

¹⁴ma kahang amapi 910 wi shüa.

¹⁵Mahalalel na amapi 65 wi atsa kesü Jared muya,

¹⁶nu tsaseng wi amapi 830 hang. Ma atsanga kepa wi la ben,

¹⁷ma kahang mapi 895 wi shüa.

¹⁸Jared na amapi 162 wi atsa kesü Enok muya,

¹⁹ma tsaseng wi amapi 800 hang. Ma atsanga kepa wi la ben,

²⁰ma kahang mapi 962 wi shüa.

²¹Enok na amapi 65 wi atsa kesü Methusela muya,

²²tsaseng wi Enok na amapi 300 Anyiza gweghe hang nu ma tsanga kepa wi la ben.

²³Ma amapi 365 hang.

²⁴ Ma kahang wi Anyiza ssinu gweghe, nu ma nmula, kepaghenanye Anyiza na ma ssi bvüa.

²⁵Methusela na amapi 187 wi atsa kesü Lamek muya,

²⁶ma tsaseng wi amapi 782 hang. Ma atsanga kepa wi la ben,

²⁷nu ma kahang mapi 969 wi shüa.

²⁸Lamek na amapi 182 wi atsa kesü muya,

²⁹nu khi, “Apvüwa na kishen-keshi pi kechi yyi ha wina ithu kekuli gükeccü kesa wi atsa hana kecca sengho ithu cüden.” Tsalina ma nyan pi Noah ciya.

³⁰Lamek na tsaseng wi amapi 595 hang. Ma atsanga kepa wi la ben,

³¹nu ma kahang mapi 777 wi shüa.

³²Noah na amapi 500 kesa seng wi atsa kecheng muya, mathu nyan na Shem, Ham, nu Jafeth.