Read Northern Rengma Naga 2 SAMUEL 22 Bible Online

2 SAMUEL 22 - Northern Rengma Naga bible

2 SAMUEL 22

¹Apvüwa na Saul nu David ghinyi kepathu kwen wina David hangshakeya wi ma akhwi ha sapi Apvüwa seng:

²Apvüwa na hi kekhwewa; ma ikhweti kezüwa.

³INyiza na hi kekhwewa, nu ma ssithu apvükesa nmi. Ma atsonhi kesü ti hi khweden; ma hi khwe nu pi apvükesa nkemi wi chiden. Ma hi hangshawa; ma hi khweya nu yasayala wi hi hangsha yaden.

⁴Hi Apvüwa cichi, nu ma ighinyithu kwen wi hi hangshaya. Apvüwa seng le!

⁵Keshü hatha na hi vüben, keyasa hatha na hi kejiyadha.

⁶Keshü kemessi na hi vüya, nu ashüjjen na ighena aca kesü pi hi die.

⁷Igükeccü wi hi Apvüwa cichi, iNyiza na hi kiqa cülo cichi. Ma kekinyijjen wina ihhai kina chi, hi kekiqa khie kechi tsü ma kina chicü.

⁸Tsaseng wi ayyi na kedheggü nu kuli; atssan ketegüpen kuli nu ameghükuju kepaghenanye Anyiza na aghepvü!

⁹Ma metsan wina annikhu shhugho, ma pang wina mecangya kemehai anni keqhe, nu nnimihi na shhugho.

¹⁰Ma atssan zanqhe nu shah dugho, kejang kulukeshü tsüpi ma ccü cakhu wi chia.

¹¹Ma tang wi cherubim miwi mbhi ntsa pighe; ma ameghü gisha miwi na wa.

¹²Ma kejang pi ma meju pvü; akulukeshü kejang ntsa, atssü pongti kesa na ma vü;

¹³ma tuwi atssancwen wina anni mihi na shhugho.

¹⁴Tsaseng wi Apvüwa na atssan wina atsanshigü chi, nu Anyiza Kekhang ntsawa hhai zaya.

¹⁵Ma ma lakusü pi gachi, nu ma ghinyithu na bvüzighea; ma atsancwen pi mathu kesun pi bvü thsüa.

¹⁶Atssükedone cakhu na kaghacang sa, nu ayyi ketegüpen na nshanbhonla, Apvüwa na ma ghekepvü wina ma ghinyithu wi ghamo nu satekü kechi wi.

¹⁷Apvüwa na kemisi wina dugho hi ghantenya; ma atssü kedhu wina hi zanshiya.

¹⁸Ma ighinyi kekhang nu nanmeghü ketenthu, ighena zü mtsü kesathu tsüdi kwen wina hi kekashaya.

¹⁹Hi agüccü keben wi mathu gho hi ssikaghashen, isala Apvüwa na hi khweya.

²⁰Ma kemessi wi hi kiqa pi shhuya thsü; ma hi nen kesalina ma hi hangshaya.

²¹Hi kemeshonwa tsü kuli kesalina Apvüwa na ikutimen sacü; hi kesami nkesa ghena ma hi sawegü cü.

²²Hi Apvüwa yenwa tsü nieden; hi iNyiza wina kheneng nbvü.

²³Hi ma yenthu tsüdi nieden; hi ma yenkhukechithu tsü n-niela nsa.

²⁴Hi kesazzi nmi kesa ma chüben, tsüna hi kesazzi tsü sa nten.

²⁵Tsalina hi kemeshonwa kesa kutimen pi hi cüden; kepaghenanye hi kesami nmi kesa ma chüben.

²⁶O Apvüwa, no ajühtsentsa kesenthu tuwi jühtsentsa saden, nu mehaicen kesathu tuwi mehai ntsa saden.

²⁷No kemethathu tuwi metha, isala gheshighenathu tuwi nmehai.

²⁸No ma satemeni ketenthu hangshaya, isala no kapvü ketenthu pashaden.

²⁹Apvüwa, no hi kewegüwa; no hi wi kejang sapi bvü thsüa.

³⁰No kezü pi hi cü, nu ighinyithu ssikaghashen thsü nu mathu miwi kekhang pi hi cü.

³¹Anyiza ha ma kekuli khatila mehaicen, nu ma jühthu tsüna nondi qo nu! Ma wi kekhwe bha ketenthu tsüdi ghena ma atsonhi ti kesa kesü.

³²Apvüwa ketan na Anyiza; Anyiza ketan ithu kekhwewa.

³³Anyiza hawa ha hi kekhwe kekhangwa; ma ilen sapi yazishu sacü.

³⁴ Ma iccü sapi ameshü kesü ccü ti sacü; ma hi sapi ayikhathu miwi yazishu benya thsü.

³⁵Ma aghikesa yen pi hi sansi cü, tsalina hi alamugho kezü ntsa senya mehai.

³⁶O Apvüwa, no hi khwe nu hangshaya; no kekiqa na hi sapi diya thsü.

³⁷No nyu yala hi ghan meya thsü, nu hi khiela khuliwa nsa.

³⁸Hi ighinyithu jügüwa mathu chaya; hi mathu npi yasakeya chu n-ngan.

³⁹Hi mathu whengshi pi nu mathu shagha meyala; mathu na ituwi nchala khulia.

⁴⁰No aghi ghena kezü pi hi cü, nu ighinyithu miwi khangkeya pi hi cüa.

⁴¹No ighinyithu ya hi wina bvü thsüa; hi nankemeghüthu tsü yasa.

⁴²Mathu na nyu mathu kekiqa ghang, isala thola mathu hangsha meya; mathu na Apvüwa cichi, isala ma mathu nlunengla.

⁴³Hi mathu cücha pi ayyinikhu ti sa thsüa; hi mathu pi alen wi anisha ti cüden.

⁴⁴No inyithu kematang wina hi hangshaya, nu hi yala mizzatentithu miwi khangkeya senya thsü; anyi hi nkechüthu yala khili hi kekuli sa thsüdha.

⁴⁵Asangthu na ituwi kukedu; mathu na ihhai zakeya wi ijühkina.

⁴⁶Mathu na mathu kempvüza nmila, nu mathu khweti wina kedheggü sen nu gho.

⁴⁷Apvüwa na hangben! Hi kekhwewa sengle! Anyiza kekhang ketiwa na hi hangshawa tsüpi thangchilo!

⁴⁸Ma ighinyithu miwi khangkeya pi hi cü; ma mizzatentithu pi ikekhu wi chia,

⁴⁹nu hi nankemeghüthu wi hi hangshaya. O Apvüwa, no ighinyithu miwi khangkeya pi hi cü, nu anyi yasayalathu kwen wi hi khweya.

⁵⁰ Tsalina hi mizzatentithu ja wi no sengden; hi akhwi sapi no sengden.

⁵¹Anyiza na khangkeya keti pi ma kadimiwa cü; ma ghaliki kesa pi ma kessiya kesawa ccüca, tsüna anuphan ghena pi David, nu ma shicübvüghathu miwi chicü.