Read Northern Rengma Naga 1 KHENICÜKI 10 Bible Online

1 KHENICÜKI 10 - Northern Rengma Naga bible

1 KHENICÜKI 10

¹Filistinthu na Gilboa Yikha wi Israel nyithu ssinu aghisa. Ciwi Israel nyithu kejon pathia, nu kepathu na Kadimi Saul nu ma tsathu gweghe aghi tubvüa.

²Isala Filistinthu na mathu jügü wala Saul tsathu ma kecheng— Jonathan, Abinadab nu Malkhishua pathia.

³Saul kevü wi aghisa ntsa sa, nu aghinyithu lakusü na ma ga pi mesa-mena ntsa sa.

⁴Ma pvüzawa ma ghighe pvü ketenwa wi khi, “Filistin Anyiza nkechüthu ya lebenghashu hi npathi thsüle kesalina no njünnu hanshi pi hi süthilo.” Isala pvüzawa na tsüti sale kesa ma qhethiketen sa. Tsalina Saul na ma ketanla ma njünnu hanshi pi ma süthia.

⁵Pvüzawa na Saul shü kesa mukeya wi ma la ma njünnu hanshi pi ma ketanla ma süthia.

⁶Tsütinu Saul nu ma tsa kecheng tsüdi gweghe shü, nu ma shicübvüghathu thola kekhang nsenla.

⁷Jezreel Yyiketijü wi hang keben Israel nyithu süpahizi na nyu tubvüa nu Saul nu ma tsathu pathidha le kesa zakeya wi mathu na mathu nyutithu teshi nu bvüa. Tsaseng wi Filistinthu na gho tsüthu nkaya.

⁸Aghisa nu dhitsüwa wi Filistinthu na anyi keshüthu tsanqai shuyale wa nan mathu na Saul nu ma tsa kecheng kamangthu na Gilboa Yikha miwi kebenla muya.

⁹Mathu na Saul li dhiya, ma ghighe ccenya, nu nyilothu kesun pi Filistia maben wi wa ajüh kemehai pi mathu tsikezhüthu nu anyithu kiza thsüa.

¹⁰Tsaseng wi mathu na ma ghighethu pi mathu kekinyijjen kesü wi chi, nu ma li pi mathu cenpvü Dagon kekinyijjen wi chi.

¹¹Khathansha wi Gilead wi Jabesh nyithu na Filistinthu na Saul miwi mangwa sachi khe za keya wi

¹²anyi aghikekhang ntsathu na wala Saul nu ma tsathu kamangthu tsü khuya nu Jabesh wi sengho. Mathu na akamangthu pi ciwi ayangton kesü kekhu wi vhüa nu ghanan tagü kezi sa.

¹³ Saul na Apvüwa wi jühtsentsa nkesa ghena shüa. Ma Apvüwa yenkhukechithu tsü n-niela; ma keshü ghamuthu ccünengla lenketsütson bha,

¹⁴Apvüwa keccüneng mithon wi. Tsalina Apvüwa na ma pathia nu kadiyyi tsüpi Jesse tsa David cüa.