Read Northern Rengma Naga 1 KHENICÜKI 12 Bible Online

1 KHENICÜKI 12 - Northern Rengma Naga bible

1 KHENICÜKI 12

¹David na Ziklag wi hang den, ma Kadimi Saul tubvü sen nu ciwi wa. Ciwi sakenan, kenondi qo süpahi kejonla ma gwegheya,

²mathu nu Saul la Benjamin mizza nyithu. Mathu na tavüwa le ajewa lela alakusü ga nu alila lela piya mehai.

³Mathu na Gibea wina kegho Shemeya tsa keni Ahiezer nu Joahsh benchüwa kekhu wi ben. Hathu na süpahithu: Azmaveth tsa keni Jeziel nu Pelet Anathoth wina kegho Berakah nu Jehu Gibeon wina kegho Ishmaiya, süpahi nyankemechan kesü, nu “Meshu Changha” jawi accülikesa kesü Gedera wina kegho Jeremiya, Jahaziel Johanan, nu Jozabad Harif wina kegho Eluzai, Jerimoth, Bealiya, Shemariya, nu Shefatiya Kor ra gei wi Elkanah, Isshiya, Azarel, Joezer, nu Jashobeam Gedor wina kegho Jeroham tsa keni Joela, nu Zebadiya

⁸Anyan hathu na süpahi nyankemechan, sakenanthu, Gad mizza wina shhugho David na ayyikeshü kekhweti wi keben ma süpahithu gwegheya. Mathu na atsonhithu nu apiethu senchü ntsa, mathu ghang pi ssensitemi kedaggü nu ayikha wi ameshü kembhi ti kesa.

⁹Mathu kizzakedi na hati kesennie ben: Ezer, Obadiya, Eliab, Mishmanna, Jeremiya, Attai, Eliel, Johanan, Elzabad, Jeremiya, nu Makbannai.

¹⁴Gad mizza wi anyi hathu pahan na anyi hazar miwi kedithu, nu kepathu na anyi meza miwi kedithu sa.

¹⁵Amapi kesüwa asha atuwa wi atssü na Jordan Ghaku ghüsa wi lle pongca wa keben tsüwi mathu na aghaku pvüdhikila yyiketijü wi anyithu na hang keben tsü jügü zighe pi aghaku ghapeli nishuwa nu niduwa wi chia.

¹⁶Kuti Benjamin nu Judah mizzathu wina anyi akhang kesü David na akhweti wi keben ma metule wa.

¹⁷David na wa mathu metu nu khi, “Keujüla nthu na apvüshangthu ti hi kiqale ghonten lethu, nthu na ghoya mehai. Ithu gweghe yalo! Isala keujüla hi nthu patena cüle nsa lela nthu na hi matsa pi ighinyithu kwen wi chiale ben lethu, ithu bamyithu Nyiza na tsü chüben nu nthu meten cüben.”

¹⁸Anyiza ghamu na mathu meshu kesü nkhewi “Meshu Changha” miwi benchü sa ketenwa Amasai miwi ben nu khi, “Jesse tsa David, ithu na no wiwa le! No nu no kekiqathu na haicen keyawa salo! Anyiza na no wiwa benle!” David na mathu ssiya nu mathu pi ma süpahizi wi kedithu sa thsüa.

¹⁹Manasseh mizza wi süpahithu pahan na David wiwa wa, tsüna ma Filistinthu ssisen nu Kadimi Saul ssisale lentsen wa keten wi. Ma ntsakhiwa Filistinthu nkiqa, kepaghenanye mathu kadimithu na ma mathu matsa pi kheni ma pvüwa kwen wi chia keben tsü messi, tsalina mathu na ma kesun pi Ziklag wi whaneng thsüa.

²⁰Süpahi hathu hana Manasseh wina David wiwa wa, ma kheneng gho keten wi: Adna, Jozabad, Jediael, Mikhael, Jozabad, Eliu, nu Zillethai. Manasseh wi mathu tsüdi anyi hazar kesü miwi kedi sa.

²¹Mathu na David wiwa sa nu ma süpahithu miwi kedithu sa, kepaghenanye mathu tsüdila süpahi kemechanthu. Asakhen wi mathu na Israel süpahizi wi kedithu sa.

²²Atsathangla anyi ketheü na ghola David süpahithu wwaya sa, tsalina ma süpahizi na wan ji ntsa sa.

²³David na Hebron wi keben wi süpahi yen sansicen kesathu kejonla gho ma süpahizi gweghe ma kiqa pi Apvüwa na khishi ketheng ti ma pi Saul mithon wi Kadimiwa sa thsüa. Mathu nyi na hati: Judah: anyi 6800 na mehaitsü atsonhithu pvü nu apiethu senden; Simeon: anyi 7100 mehaitsü yenshüka kethengthu; Levi: anyi 4600; Jehoiada keniethu, Aaron shicübvügha anyi: 3700; Zadok shilithu, kepvünyi aghi kesa qo: anyi kemechanthu 22; Benjamin (Saul mizza): anyi 30000 (Benjamin nyi kejiwa na Saul jühkeya wi ben wa); Efraim: anyi 20800 mathu gei wi nyankemechanthu; Niduwa Manasseh: anyi 18000 kessiya nu wala David pi kadimiwa sa thsüa; Issakhar: accülikesathu 200, pi mathu kekhu wi anyithu saghu (ccülikesa hathu na Israel na mangwa nsathu yishü nu tsü kesau matsü kemehai ntsawa khe tsü chüben); Zebulun: anyi 50000 jühkeya nu kenondi qo nyi aghisaya kemehai, aghighe tsüdi kesen yen sansicen kesathu; Naftali: accülikesathu 1000, pi anyi 37000 na atsonhi n(...)

³⁸Süpahi hathu tsüdila aghikesa kidenya, nu David pi Israel tsüdi miwi kadimiwa sa thsüale Hebron wi wa. Israel nyi kepathu tsüdila tsü jjügi makesü ghena ajühjja kesütan saya.

³⁹Mathu na ciwi ghanan kecheng David gweghe ben, mathu diyyi nyithu na mathu ghena kedsakejjü kiden kechi pi kemishu sa.

⁴⁰Agha ntsawa wi mizzathu Issakhar, Zebulun, nu Naftali wi anyithu na gada, goru kizzawa, sunsiesa, nu amesü süponthu miwi na atsse — awheng, khhaghabvü, kemeshentsse keqen, kisengtssü, nu oliv deli pvügho. Mathu na amesüsi nu khaghanenithu la pvügho pathi nu dsa. Hathu ha tsüdila anonkeghe na diyyiwa maben wi kegho ghena sa kechi kesü.