Read Northern Rengma Naga 1 KHENICÜKI 24 Bible Online

1 KHENICÜKI 24 - Northern Rengma Naga bible

1 KHENICÜKI 24

¹Anyi akhang hathu ha Aaron shicübvüghathu. Aaron na atsa mejü— Nadab, Abihu, Eleazar, nu Ithamar ben.

²Nadab nu Abihu manyi na manyi ba npi keshü wina ashicübvügha nmila shüa, tsalina manyi cünyu Eleazar nu Ithamar manyi na keqhaikedi saya.

³Kadimi David na Aaron shicübvüghathu mathu kekuli kenie wina gishü pi akhang khang saya. Eleazar shicübvügha kesü Zadok, nu Ithamar shicübvügha kesü Ahimelek manyi na hati kesa wi ma kiqa.

⁴Eleazar shicübvüghathu gishü pi akhang tagha nu tugho sa, nu Ithamar shicübvüghathu gishü pi akhang tazen saya; Eleazar shicübvüghathu wi atheghi ccülikesathu npvüza kejonla keben ghena hati ha sa.

⁵Eleazar nu Ithamar shicübvüghathu wi Kekinyijjen wi kedithu nu aghamulen wi ccülikesathu la keben ghena akezen kesa wina kekuli pila mathu dhenchi sa.

⁶Eleazar nu Ithamar shicübvüghathu na kedumelila akezen sa. Tsaseng wi Levi nyi kesü kezhüwa Nethanel tsa Shemaiya na mathu nyan zhüya. Kadimiwa, ma kekhu wi kedithu, keqhaikediwa Zadok, Abiathar tsa Ahimelek, nu keqhaikedithu theghi nu Levi nyi theghithu alikesathu tsüdila chüzathu sa.

⁷Hawa ha atheghi ngwe nu mejü khangthu mathu kekuli pi dhen kechi: 1) Jehoiarib; 2) Jedaiya; 3) Harim; 4) Seorim; 5) Malhijah; 6) Mijamin; 7) Hakkoz; 8) Abijah; 9) Jeshua; 10) Shekaniya; 11) Eliashib; 12) Jakim; 13) Huppa; 14) Jeshebea; 15) Bilga; 16) Immer; 17) Hezir; 18) Happizzez; 19) Pethahiya; 20) Jehezkel; 21) Jakhin; 22) Gamul; 23) Delaiya; 24) Maaziya.

¹⁹Anyi hathu ha Kekinyijjen wi wa kheni mathu baqhai Aaron na Apvüwa Israel Nyizawa yenkhukechi nie nu sa ketheng kekulithu tsü salo pi mathu dhen kechi kenie wina mathu nyan zhüya.

²⁰Hathu hana Levi shicübvügha wi atheghi kepathu alikesathu: Shebuel wina mukeya Amram shicübvügha kesü Jehdeia;

²¹Rehabiya shicübvügha kesü Isshiya;

²²Shelomith wina mukeya Izhar shicübvügha kesü Jahath;

²³Jeriya, Amariya, Jehaziel, nu Jekameam, Hebron tsathu, mathu kaghanyi keqhai niela zhü theng:

²⁴Mika wina mukeya Uzziel shicübvügha kesü Shamir;

²⁵Mika cünyuwa Isshiya wina mukeya Uzziel shicübvügha kesü Zekhariya;

²⁶Merari shicübvüghathu Mahli, Mushi, nu Jaaziya.

²⁷Jaaziya na atsa kecheng— Shoham, Zakkur, nu Ibri ben.

²⁸Mahli na atsa keni— Eleazar nu Kish ben. Eleazar na atsa nmi, isala Kish na atsa kesü— Jerameel ben.

³⁰Mushi na atsa kecheng— Mahli, Eder, nu Jeremoth ben. Hathu hana Levi nyi theghithu.

³¹Atheghi kesü wi aliwa nu ma cünyu ghanyiwa manyi na Aaron shicübvügha wi mathu shili keqhaikedithu na kesa ti kekuli pi mathu kidhenchi ghena akezen sa. Kadimi David, Zadok, Ahimelek, nu keqhaikedithu, nu Levi nyithu wi atheghithu wi alikesathu na chüzathu sa.