Read Northern Rengma Naga 1 KHENICÜKI 26 Bible Online

1 KHENICÜKI 26 - Northern Rengma Naga bible

1 KHENICÜKI 26

¹Kekuli pi kekinyijjen ghikehie Levi nyithu dhen kechhi na hathu ha. Kora gei wi Asaf theghi wi Kor tsa Mesheliya.

²Ma atsa tagü kaghanyi keqhai niela zhü theng: Zekhariya, Jediael, Zebadiya, Jatnniel,

³Elam, Jehohanan, nu Eliehoenai.

⁴ Chiwi la Obed Edom, Anyiza na atsathu tazen pi ma kecü mathu kaghanyi keqhai niela zhü theng: Shemaiya, Jehozabad, Joah, Sakhar, Nethanel,

⁵Ammiel, Issakhar, nu Peullethai.

⁶Obed Edom tsa tssütsewa Shemaiya na atsa tugho ben: Otnni, Refael, Obed, Elzabad, Eliu, nu Semakhiya. Mathu na sayakemehai kedi keben ghena mathu gei wi anyi kemechanthu sa; asakhenwa keni na kepa miwi la mehaiki.

⁸Obed Edom theghi na anyi achentugho nu keni kekuli ha kesa qo ntsathu pi chiya.

⁹Meshelemiya theghi na kesa qo nyi tagha nu tazen pi chiya.

¹⁰Merari gei wi Hosa na atsa mejü ben: Shimri (ma atssütsewa nyelela ma ba na ma pi aliwa sa thsüa),

¹¹Hilkiya, Tebalia, nu Zekhariya. Hosa theghi wi ma taghakecheng tsüdila Kekinyijjen ghikehiethu sa.

¹²Kekinyijjen ghikehiethu mathu theghi kenie wina gishü pi akhang khang sa, nu Levi nyi kepathu ti Kekinyijjen wi kekulithu pi mathu dhen chia.

¹³Atheghi kesüsü kizza kedi nsala kaghapeng jenka khawa na mathu dulu saden khe akezen sa.

¹⁴Shelemiya na nishuwa kaghapeng-jenka ghena khuya, nu ma tsa Zekhariya keshüthangla nyu kesansijüh kemehai khi ketenwa na aghawa kaghapeng-jenka ghena khuya.

¹⁵Kaghapeng-jenka acülawa pi Obed Edom dhen chia, nu ma tsathu pi keben ketheng-jjenthu ghihie thsüa.

¹⁶Niduwa kaghapeng-jenka nu alen mmiwa miwi Shallekheth Kaghapeng-jenka pi Shuppim nu Hosa manyi dhen chia. Kesüsü kedumelila aghikehie matsü gishü pi dhen chia.

¹⁷Ghanan kaghapengla meshu tugho na nishuwa, mejü na aghawa, nu mejü na acülawa tsüti aghikehiethu kekuli sa. Ghanan kaghapenla aghikehiethu meshu mejü pi keben ketheng-jjenthu wi meshu kenini pi kaghapeng-jenka kesüsü hie thsü.

¹⁸Niduwa kaghapeng kete wi aghikehiethu mejü na alen kete wi ben nu keni na kaghapeng wi ben.

¹⁹Hawa hana aghikehie kekuli pi Kora nu Merari gei dhen kechi.

²⁰Mathu pvüshang Levi nyithu na ajuthu satemetha pi Anyiza kecü Kekinyijjen wi keben-keyeng nu keben ketheng- jjenthu kenonccathu sa thsü.

²¹Gershon tsa kesü Ladan na atheghi akhang keni kecheng baqhaiwa, nu tsüna ma tsa Jehiel theghi pi saghu.

²²Ladan tsa kepa wi keni— Zetham nu Joel manyi na Kekinyijjen keben-keyeng nu keben ketheng-jjenthu noncca.

²³Kekulithu pi Amram shicübvüghathu— Izhar, Hebron, nu Uzziel la dhen chia.

²⁴Mosa gei wi Gershon tsa Shebuel na Kekinyijjen keben-keyeng kenoncca wi kedi ntsawa sa.

²⁵Gershon cünyuwa Eleazar ghena ma Shelomith shili sa. Eleazar na Rehabiya ba, ma Jeshiya ba, ma Joram ba, ma Zikhri ba, ma Shelomith ba.

²⁶Shelomith nu ma theghithu na Kadimi David, atheghithu wi alikesathu, agei kepapa wi accülikesathu, nu süpahizi kedithu na ajuthu pi Anyiza wi satemetha kechi tsüdi noncca.

²⁷Mathu na aghikesa wi shukeya tsanqaithu pahan khuya nu tsüpi Kekinyijjen wi kesen ghena satemetha.

²⁸Shelomith nu ma theghithu na Kekinyijjen wi kesen ghena satemetha kesathu pi atusenjüh-kechüwa Samuel, Kadimi Saul, Ner tsa Abner, nu Zeruiya tsa Joab, mathu na ajuthu senkegho tsü saghu la tsüdila noncca.

²⁹Ayenkesen kekulithu tsüpi Izhar shicübvüghathu jawi Khenaniya nu ma tsathu dhen chia: kezhüthu pi noncca nu Israel nyithu na kicennalithu tsü südhe.

³⁰Hebron shicübvüghathu jawi Harshabiya nu ma shilithu meza tagha nu tagü, tsüdila anyi kemechanthu, mathu na Jordan Ghaku na niduwa Israel wi Apvüwa kekuli nu kadimiwa kekuli kesathu tsüdi wila aliwathu sa.

³¹Hebron shicübvüghathu wi Jeriya na accüliwa sa. David na kadikesa jüghawa mapi wi Hebron shicübvüghathu theghi jawi bha wa atheghi hawa wi süpahi kemehai ntsathu na Gilead yyiwi Jazer wi hang keben muya.

³²Kadimi David na Jeriya shilithu wi theghithu wi aliwathu hazar keni nu meza tsü kessiya nu mathu pi Jordan Ghaku na nishuwa — Reuben, Gad, nu Nishuwa Manasseh yyithu witsü Israel wi Apvüwa kekuli nu kadimi kekuli kesathu tsüdi wila aliwathu sa thsüa.