Read Northern Rengma Naga 2 KHENICÜKI 27 Bible Online

2 KHENICÜKI 27 - Northern Rengma Naga bible

2 KHENICÜKI 27

¹Jotham na ma kahang mapi ngwe nu manga wi kadimi saya nu ma amapi tagha nu tugho Jerusalem wi kekhang sen. Ma jja na Zadok ngawa Jerusha.

²Ma ba na kesa ti ma la Apvüwa kenenwa tsü sa; isala ma ba na Kekinyijjen wi hankedemvu mecang kesa ti ma kesami nsa. Isala anyithu na kesami saki sa.

³Jotham na Kekinyijjen Aghawa Kaghapeng-jenka tsü sa nu Jerusalem nyunutiwa Ofel witsü kekuli sa.

⁴Ma Judah yikhathu wi anyunutithu sa, nu ayinongthu wi akhweti nu aducü kemisithu zhü.

⁵Ma Ammon kadimi nu ma süpahizi ssinu aghisa nu ma nyu chaya. Tsaseng wi ma Ammon nyithu meten pi amapi kecheng ghena amapi kesü wi keküju hathu pi ma cü thsü: rükatssü kilogram 3,400, awhengsu metric ton 1,000, nu achentha metric ton 1,000.

⁶Jotham na khang ntsa sa shagha kepaghenanye ma leben tsentsa nu Apvüwa ma Nyiza jüh tsü nie.

⁷Jotham na kadikesa wi kekuli kepathu, ma aghikesa, nu ma kemeshenthu tsüdila Israel nu Judah Kadimithu cükikezhü wi zhütheng.

⁸Jotham na ma kahang mapi ngwe nu manga wi kadimi saya nu ma amapi tagha nu tugho Jerusalem wi kekhang sen.

⁹Ma shü nu pi David Nyunutiwa wi vhüa, nu ma tsa Ahaz na ma shiwa sa kadimi saya.