Read Northern Rengma Naga NEHEMIYA 12 Bible Online

NEHEMIYA 12 - Northern Rengma Naga bible

NEHEMIYA 12

¹Keqhaikedi nu Levi nyi hathu ha na Shealtiel tsa Zerubbabel nu Keqhaikedi ntsawa Joshua gweghe kushiyyi wina kheneng gho:

²Keqhaikedithu: Seraiya, Jeremiya, Amariya, Mallukh, Hatush, Shekaniya, Rehum, Meremoth, Iddo, Ginnethoi, Abijah, Mihamin, Maadiya, Bilga, Shemaiya, Joiari, Jedaiya, Sallu, Amok, Hilkiya, nu Jedaiya. Anyi hathu hana Joshua tsüwi mathu keqhaikedithu jawi accülikesathu.

⁸Levi nyithu: Hathu hana nkesengcha kesa khwikesa wi alikesathu: Jeshua, Bihnui, Kadmiel, Sherebiya, Judah, nu Mattaniya.

⁹Hathu ha gweghe nu kedumelila khwikesathu sa: Bakbukiya, Unno, nu mathu Levi nyithu.

¹⁰Joshua na Joiakim ba; Joiakim na Eliashib ba; Eliashib na Joiada ba;

¹¹Joiada na Jonathan ba; Jonathan na Jaddua ba.

¹²Joiakim na Keqhaikedi ntsawa sa keben wi keqhaikedi hathu na keqhaikedishi gei wi accülithu sa: [Keqhaikedi] — [Agei] Meraiya — Seraiya Hananiya — Jeremiya Meshullam — Ezra Jehohanan — Amariya Jonathan — Mallukhi Josef — Shebaniya Adna — Harim Helkai — Meraioth Zekhariya — Iddo Meshullam — Ginnethon Zikhri — Abijah ... — Miniamin Pitai — Moadiya Shammuya — Bilga Jehonathan — Shemaiya Mattenai — Joiarib Uzzi — Jedaia Kallai — Sallai Eber — Amok Hashabia — Hilkiya Nethanel — Jedaiya

²²Keqhaikedi ntsa hathu kahang tsüwi Levi nyi theghithu nu keqhaikedishi theghithu wi accülikesathu zhüketheng na ha: Eliashib, Joiada, Jonathan, nu Jaddua. Zhüketheng hawa hana Dariya na Persia kadimi kesa tsüwi cen.

²³Isala Levi nyi theghithu cüki zhüketheng tsü wala Eliashib tsawa Jonathan tsü kecu ketan sa.

²⁴Hashabia, Sherebiya, Jeshua, Bihnui, nu Kadmiel, hathu kekhu wina Levi nyithu sapi akhang khang saya. Kuti wi akhang keni na kedumelila Anyiza seng nu ma nkesengcha sa, tsüna Anyiza nyiwa Kadimi David na kecükegwethu khukechi kenie wina sa.

²⁵Kekinyijjen ghikehie hathu na Kekinyijjen kaghapeng-jenka kete wi kebenketheng jjenthu tsü hie: Mattaniya, Bakbukiya, Obadiya, Meshullam, Talmon, nu Akkub.

²⁶Anyi hathu hana Jehozadak tsa Joshua tsawa Joiakim tsüwi, Nehemiya ahngwa tsüwi, nu keqhaikediwa Ezra Ayenwa kechü ntsawa tsüwi hang.

²⁷Khathansha wi Jerusalem khwetiwa tsü sametha-kesha sa khe, Levi nyithu na kahe wi hangden lela ssigho nu mathu la sametha-kesha kemini witsü gweghe nu simbal nu harpthu sen nu nkesengcha khwithu tsü sa thsüle kesalina.

²⁸Levi nyi theghi akhwi kesathu na mathu kahang pen Jerusalem nu anyuti Netofa kevü,

²⁹nu Bethgilgal, Geba, nu Azmaveth wina gho saghu ya.

³⁰Keqhaikedithu nu Levi nyithu na keccüna wi mathu ketanla mathu, anyithu, kaghapeng-jenkathu, nu akhwetiwa tsü sametha-kesha sa.

³¹Hi Judah wi accülikesathu pi akhwetiwa miwi saghuya nu mathu pi anyi akhang kedi keni ssinu anyunutiwa tsü vü nu nkesengcha khipi Anyiza cü. Akhang atuwa na ajewa akhwetiwa miwi na Bhanieku Kaghapeng-jenka[8] kepeghe wiwa wa.

³²Hoshaiya na akhwikesathu shiwa tsashi Judah wi accülikesathu gishü pahan tsüti nu lentsen wa.

³³Keqhaikedithu hathu na tsashiwa tutuwa khou nu lentsen wa: Azariya, Ezra, Meshullam, Judah, Benjamin Shemaiya, nu Jeremiya. Tsashiwa Shemaiya tsa Jonathan tsawa Zekhariya na gho. (Ma bamyithu la Mattaniya, Mikaiya, nu Zakkur, Asaf gei wi.)

³⁶Ma gei wi anyi kepathu na ma sennie— Shemaiya, Azarel, Milalai, Gilalai, Maai, Nethanel, Judah, nu Hanani— mathu tsüdi Anyiza Kadimi David na khou kesa akhwikesa tsanqaithu tsü pvü. Ezra, kechüntsawa na kenonkhi hawa wi atuwa sa.

³⁷Atssükebvüpen Kaghapeng-jenka wi mathu na David Nyunutiwa wi shhu keben acükhathu witsü shhu nu David kadipen pvüdhi nu kheneng anyunutiwa na nishuwa Atssü Kaghapeng-jenka kete khwetiwa wi tsü gho.

³⁸Akhang kepawa nkesengcha kesathu na tavüwa akhweti miwi wa, nu hi anyi gishü pahan ssinu tsü nie wa. Ithu na lentsen sen Annibhon Ducükezhü wi cü nu Kemeza Wikeshonwa wi wa,

³⁹nu ciwi na Efraim Kaghapeng-jenka, Jeshana Kaghapeng-jenka, Anga Kaghapeng-jenka, Hananel Ducükezhü, nu Meza Ducükezhü, wi cü nu khaghaneni Kaghapeng-jenka wi wa. Ithu na Kekinyijjen kete kaghapeng-jenka wi tsü kenonkhi sakhen sa.

⁴⁰Tsalina nkesengcha pi Anyiza cü keben akhang keni qho wa Kekinyijjen kevü cuya. Accülikesathu, hi gweghe ketenthu miwi

⁴¹ikhangwa wi keqhaikedi hathu na tutuwa khouden: Eliakim, Maaseiya, Miniamin, Kikaiya, Elioenai, Zekhariya nu Hananiya:

⁴²nu mathu sengwi hathu na den: Maaseiya, Shemaiya, Eleazar, Uzzi, Jehohanan, Malkhijah, Elam, nu Ezer. Jezrahiya na ssiketen akhwi kesathu na mathu hhai misi ntsa nu akhwi sa.

⁴³Tsü ghanan ahhanshathu ji ntsa sa; nu anyithu na anonghe ntsawa sa kepaghenanye Anyiza na mathu sapi anonghe ntsa sa cü. Nzathu nu ghanyithu la kemini hawi gweghe, nu mathu kenong hhai na alen kesie wila zaya.

⁴⁴Tsü tsüwi anyithu pi keben- kethen jjenthu wi Kekinyijjen ghena khukichithu, amapi kaghapen asu wwiya nu kedsau nyün tegüthu gishü tagha wi kesü pi chi ketheng tsü hie thsütheng. Ayenwa wi keqhaikedithu nu Levi nyithu ghena khukechiu keben tsü anyi hathu na anyunutithu kepapa kesa kete wi allithu wi tsüthu kesaghu tsüna mathu kuti. Judah nyithu tsüdila keqhaikedithu nu Levi nyithu nen,

⁴⁵ kepaghenanye mathu na Anyiza na kekhi ti sametha-kesha kekuli nu keccüna kepathu tsü sachiden. Kekinyijjen wi akhwi kesachüthu nu Kekinyijjen ghikehiethu la Kadimi David nu ma tsa Solomon na ayenthu sakechi tsü kenie wina mathu kekuli saden.

⁴⁶Matsü kesie wakesa Kadimi David nu akhwi kesachüwa Asaf tsü wina akhwi kesachüthu na Anyiza keseng nu nkesengcha khwithu kesa wi accülisaden.

⁴⁷Zerubbabel tsüwi nu Nehemiya tsüwi la Israel tsüdila atsathangla ajuthu pi Kekinyijjen wi akhwi kesachüthu nu Kekinyijjen ghikehiethu kekiqa ghena khuchi. Anyithu na kemetha kekinyi khuchi pi Levi nyithu cü, nu Levi nyithu na keqhaikedithu shei khuthi pi cüa.