Read Northern Rengma Naga NEHEMIYA 7 Bible Online

NEHEMIYA 7 - Northern Rengma Naga bible

NEHEMIYA 7

¹Khilitsü akhwetiwa tsü sa nengya, kaghapeng-jenkathu tsüdi pi ma pen wi chi, nu Kekinyijjen ghikehiethu, kemetha khwi kesathu, nu Levi nyi kepathu mathu kekuli pi dhenchidha.

²Hi meshu keni pi Jerusalem nyunutiwa wi ahng kekuli sa thsü: icünyuwa Hanani nu Hananiya, khweti kehie wi benchüwa. Hananiya na kepa miwi kenondi qo nyi nu Anyiza kemessi nyi.

³Hi manyi wi aghanen aghani mehaitsü npi shhugho keya chu Jerusalem kaghapeng-jenkathu nshala nu aghani npi kedu wi aghikehiethu npi kebvü wina tsü khen nu akhughonthu chiyalo kiza.

⁴Jerusalem na anyunuti kedi kesü, isala ciwi anyi kejon na nhang nu ajjen la kejon npi saya.

⁵Anyiza na hi kechüchi nu anyithu, mathu ccülikesathu nu kedithu cipi saghu ya nu mathu theghithu cüki zhü kethengthu ghangwa. Zhükethengthu wi hi anyi thothu na atuwa kushiyyi wina gho neng khe mukeya na hawa ha:

⁶Kushinyi kejonla Babilon diyyi teshi nu Jerusalem nu Judah wi mathu papa nyuti wi kheneng gho shan. Mathu theghithu na Kadimi Nebukhadnezzar na mathu ghan sen atssüzü sa bvü kesa nten na Babylonia kushiyyi wi hang wa.

⁷Mathu ccülikesathu na Zerubbabel, Joshua, Nehemiya, Azariya, Raamiya, Nahamani, Mordekai, Bilshan, Mispereth, Bigvai, Nehum nu Baana.

⁸Hawa ha Israel geithu kesü wi anyi khaju na kushiyyi wina kheneng gho khe mathu nyan kezhü: Parosh - 2,172 Shefatiya - 372 Arah - 652 Pahath Moab (Jeshua nu Joab shicübvüghathu) - 2,818 Elam - 1,254 Zattu - 845 Zakkai - 760 Bihnui - 648 Bebai - 628 Azgad - 2,322 Adonikam - 655 Ater (Hezekiya le la khiden) - 98 Hashum - 328 Bezai - 324 Harif - 112 Gibeon - 95

²⁶Anyi mathu bamyithu na anyuti hathu wi kahangthu la kheneng gho: Bethlehem nu Netofa - 188 Anathoth - 128 Beth Azmaveth - 42 Kiriath Jearim, Khefira, nu Beeroth - 743 Rama nu Geba - 621 Mikhmash - 122 Bethel nu Ai - 123 Nebo kepawa - 52 Elam kepawa -1,254 Harim - 320 Jerikho - 345 Lod, Hadid, nu Ono - 721 Senaah - 3,930

³⁹Hawa ha keqhaikedishi gei wi kushiyyi wina kheneng keghothu nyan kezhü: Jedaiya (Jeshua shicübvüghathu) - 973 Immer - 1,052 Pashhur - 1,247 Harim - 1,017

⁴³Levi nyithu gei wi kushinyi wina kheneng keghothu: Jeshua nu Kadmiel (Hodaviya shicübvüghathu) - 74 Kekinyijjen wi khwi kesathu (Asaf shicübvüghathu) - 148 Kekinyijjen ghikehiethu (Shallum, Ater, Talmon, Askkub, Hatita, nu Shobai shicübvüghathu) - 138

⁴⁶Kekinyijjen wi kekuli nyithu gei wi kushiyyi wina kheneng keghothu: Ziha, Hasufa, Tabbaoth, Kero, Siya, Padon, Lebana, Hagaba, Shalmai, Hanan, Giddel, Gahar, Reaiya, Rezin, Nekoda, Gazzam, Uzza, Paseya, Besai, Meunim, Nefushesim, Bakbuk, Hakufa, Harhur, Bazlith, Mehida, Harsha, Barko, Sisera, Tema, Neziya, nu Hatifa.

⁵⁷Solomon maghathu gei wi kushiyyi wina kheneng keghothu: Sotai, Sofereth, Perida, Jaala, Darkon, Giddel, Shefatiya, Hattil, Pekhereth Hazzebaim, nu Amon.

⁶⁰Kekinyijjen wi kekuli nyithu nu Solomon maghathu shicübvüghathu na kushiyyi wina kheneng keghothu saghu la 392.

⁶¹Ciwi anyi 642 Delaiya, Tobiya, nu Nekoda geithu wi anyuti hathu wina Tel Mela, Tel Harsha, Kherub, Addon, nu Immer kheneng gho; isala mathu na Israel nyi shicübvüghathu le kesa khi meyala.

⁶³Keqhaikedishi agei hathu na mathu bamyishi khi meyala: Hobaia, Hakkoz, nu Barzillai.(Barzillai keqhaikedishi gei baqhaiwa na Gilead wi Barzillai gei wi nza kesü yaya nu ma myiwa gei nyan yaya.) Mathu na mathu bamyithu na thowa khe khi meyala kesalina mathu pi keqhaikedithu nsa thsüla.

⁶⁵ Judah nyi ahngwa na mathu wi ciwi keqhaikedi kesü na Urim nu Thummim tsü npi kesen chu mathu na atsse pi Anyiza kekinyi tsü dsaya nben le kiza.

⁶⁶Anyi kushiyyi wina kheneng keghothu tsüdi saghu la - 42,360 Mathu maghale nu maghalothu - 7337 Nza, npvüza akhwi kesachüthu -245 Goruthu - 736 Gada kizzawa - 245 sunsiesathu - 435 Gadathu - 6,720

⁷⁰Anyi kejon na keben khuchi pi kiqali nu pi Kekinyijjenwa tsü kesa neng kutimen saya: Ahngwa — 8 kg suna — 50 keccünakesa khu — 530 keqhaikedithu gwomejuwa kaghazu Agei wi alikesathu — 168 kg suna — 1250 kg rükatssü Anyi kepathu — 168 kg suna — 140 kg rükatssü — 67 keqhaikedithu gwomejuwa kaghazu

⁷³ Keqhaikedithu, Levi nyithu, Kekinyijjen ghikehiethu, akhwi kesachüthu, anyi jümuthu kejon, Kekinyijjen wi kekuli nyithu— Israel nyithu tsüdi — Judah yyi wi anyunutithu nu anyutithu wi ben wa shan.