Read Northern Rengma Naga JOB 16 Bible Online

JOB 16 - Northern Rengma Naga bible

JOB 16

¹Hi hatu wi ajüh tsüti kesa zayadha; Nthu leben saketecca jüh pi kecü tsüna kemeten-kemesha ketan.

³Nthu keshüthangla ajühkhi ben ten kwe? Nthu keshüthangla ajüh sakhenwa kekhiu kwe?

⁴Keujüla nthu hi sa nu hi nthu sale keathu, hi nthu khi keben jüh tsüdila khiya kesa. Hi metsashhu nu ili kejen, nu ajühjaji pi nthu leya kesa le.

⁵Hi sansijüh pi nthu satezü nu ajühkhi pi nthu leben satecca ben kesa.

⁶Isala hi kekhi jüh na mangla kiqa meya, nu ceen keben na hi kinaa tsü cca meya.

⁷Anyiza, no hi ponthidha; no itheghi ya shü thsüdha.

⁸No hi ghongten yadha; no ighinyi le. Hi ahyu nu agü ketan sadha, nu anyithu na tsüpi hi kesazzi ghena le sadha.

⁹Anyiza na lebenketsu wina iccükwen zandhi-zighedha; ma hi nanmeghü nu hi ghang ben.

¹⁰Anyithu na hi nankeqhe; mathu na hi vü nu ilatan cen.

¹¹Anyiza na hi pi nkemehai nyithu kwen wi chidha.

¹²Hi cca nu hangketen, isala Anyiza na igiyan tenenya, nu hi kiccü nu pachapia. Anyiza na hi khupi kulikinan kemtsü kesü sa alakusü pi igwo maben ga kevüli—

¹³akusüthu na hi ghon nu ayisü sa; isala ma nanketizen pi hi nccüca.

¹⁴Ma imiwi ayisü sa la saneng; ma süpahi kesü na nyu n-nanmvu pi deja keben ti ssikaghashen den.

¹⁵Hi inongü nu leshithsü mphi, nu hi ciwi nyu nchala ayyinikhu wi donki.

¹⁶Hi immi npi kenmie chu, nu inyon na npi pvübhon keya chu qai,

¹⁷isala hi nkemehai kesütan wila nsazzi, nu Anyiza wi kekhie tsü ileben chi.

¹⁸O Anyiza, imiwi kesazzi kesüla pi nkuthi lalo! Hi kemeshon ghena kekhie tsü nkina chila nsala!

¹⁹ Tangwi anyi pahan na shagha nu ishei khile ben.

²⁰Ipvüshangthu na hi nankeqhe, hi Anyiza tuwi ihacüca.

²¹Hi nyu ya ighena Anyiza wi keshükene thsü mvuben, anyi ma pvüshangwa ghena keshükene kesa ti.

²²Khili imapithu na wa tendha, nu hi kheneng nketen lenwa ton tendha.