Read Northern Rengma Naga JOB 18 Bible Online

JOB 18 - Northern Rengma Naga bible

JOB 18

¹Job, anyi no ti kesa hana ceen benya nten kwe? Keujüla no ajühkina le ngan wa lethu ithu na no ccünengya kesale.

³Mangwa na no sapi ithu na asahangthu ti jüphon le meshen thsü ben nu?

⁴No nleben-minu pi no ketanla no patena ben. No nleben keminu ghena ayyi ha yisha ben kwe? Anyiza ayikha khupi nu nleben-gha thsüaben kwe?

⁵ Anyi gheshighenawa kewegü tsüna patenenya mehai; ma keqhewa tsüna khiela shagha neng nbendha.

⁶Ma nithsüjjen wi ahulawa tsüna jang ben.

⁷Ma lenkekhha na zükeqhe kesa, isala khilitsü ma ccü meshüten bendha; ma ketanla ma kesansijüh wi khuli ben.

⁸Ma kaghanthsü kesü non wi du nu ma ccü yaya;

⁹abhitsü kesü na ma ccümecen ceya nu ma zantendha.

¹⁰Ayyi wi aca kesü pi kuthi theng; abhitsü kesü pi ma len wi die theng.

¹¹Tsü kevü tsüdi wi kemessi na ben; tsüna ma lenkekhha tsüdi wi ma hie ben.

¹²Ma keban sa keten, isala khilitsü ma ghama wadha; kededi na ngan nu ma hie ben.

¹³Kesakinaa ghei nkemehai na ma gwoben pongdha, nu ma ccükwenthu sapi bighe thsüaben.

¹⁴Ma yazishu anithsüjjen wi hang keten tsü pen wina ma zandhidha, nu keshü Kadimiwa metu le kesa ghena zanshidha.

¹⁵Khili anyi kesüle kesü lela ma nithsüjjen wi hangya mehaidha— sulfer pi tsü mi keghüchi[10] nu satekemetha sengwi!

¹⁶Ma ghazan nu ma cünathu na jü nu qha den.

¹⁷Ma nyankethang na ajjen nu ayela wila nmidha; thola ma nmeshen neng ladha.

¹⁸Kahangthu yyi wina ma jügüshiaben, kethang wina jügü pi kejang wi chiaben .

¹⁹Ma shicüthu thola hangkeya nmi.

²⁰Nishu na wa nidu kecu ma cüki kizathu tsüdi messi pi ketheng nu kedheggüben.

²¹Tsüna nkemehai nyi na metuketen, Anyiza nkekhichithu na metuketenwa tsü.