Read Northern Rengma Naga JOB 20 Bible Online

JOB 20 - Northern Rengma Naga bible

JOB 20

¹Job, no hi pateshüdha. Khili hi lunengchi le kesa mehiecha ladha.

³No kekhi jüh tsüna nyu kekimenni kesü, isala hi khati no luneng ben khe chü ben.

⁴No chüben, kheni anyi pi ayyi wi chi tegü na gho,

⁵anyi nkemehai kesüla kesie anonghe meya.

⁶Mathu na shigü pi di nu atssan la cu, tisie ntsa nu ma li na akulu la cuya mehai,

⁷isala ayyinikhu ti mathu mopi bvüaden . Mathu kechüthu na mathu na khiewa wadha khe amansa ben.

⁸Mathu aman kesü aghaja wi kemanthi kemu ti nmila nu khiela nmu neng laden.

⁹Mathu hang kegho pen witsü mathu nmu laden;

¹⁰nu mathu tsathu na ketha-uthu ji ghanfükeya tsüpi kemehai kesü sa den.

¹¹Mathu gwo na kepvünyi sa nu khangzü keten, isala tsüna wan ayyinikhu ceng shaben.

¹²Nkemehaiwa tsüna mathu ghena nyankate, nu pahan pi mathu pang wi chi pvü nu ma kedemvu sale ben.

¹⁴Isala mathu pvü non wi atsse tsüna khamugho, nu kha pi aji kekha ti sa den.

¹⁵Gheshighenawa na mathu ghanfükeya keben-keyeng tsü tuweshi den; Anyiza na mathu pvü non wi lela khunengya ben.

¹⁶Nkemehai nyithu na mangwa meyichi khe tsüna aji ti kesa; tsüna amaghang nkemehai ntsa na mcükeya ti mathu pathiaben .

¹⁷Mathu hangben nu oliv-deli ghakuthu nyelela akuzathu wi tsenitssü nu anikholi na lle wa keben tsü nmu laben.

¹⁸Mathu na kuli ketheng tsüdi teshiaben; mathu keben-keyeng sen nu mathu nonkwekeya tsü muya nben,

¹⁹kepaghenanye mathu na ketha-uthu pasha nu n-ghang chi nu anyi pahan na ajjen sa ketheng tsü pegheya kesalina.

²⁰Mathu pvükemenewa tsü khiela anonkwen meya.

²¹Khathansha mathu dsajjü khe gilli mangla nmi, isala khilitsü mathu mehaikayi keya na asakhendha.

²²Mathu haicen ntsakeya wi agükeccü kekiyan tsüdi pi mathu pacha ben.

²³Mathu ya kedsa mvu tsüdi dsaya thsü! Anyiza na ma lebenketsu wi mathu meten cüden.

²⁴Mathu na khathansha wi amighe njünnu tubvü le sa khe lezza lamugho na ma ga ben.

²⁵Alakusü kesü na mathu gwo ghunya; ma pangketsu cwencwe. kesa wi ma jjü na jücaben, nu keqhethi kesa na leben wi bendha.

²⁶Mathu mesha ketheng tsüdila yasadha; anyi kwen pi nkecanki anni kesü na mathu nu mathu theghi tsüdi mecang.

²⁷Tangwi na anyi hathu kesami pi ccüca chi, nu ayyi na tsü cüki khi pi mathu shun.

²⁸Mathu keben-keyeng tsüdila Anyiza lebenketsu tssüketi ti kesa wina yasa ben.

²⁹Hawa ha gheshighena nyi na metuketen, Anyiza na tsüna mathu miwi walo pi kidhenchi.