Read Northern Rengma Naga JOB 22 Bible Online

JOB 22 - Northern Rengma Naga bible

JOB 22

¹ Anyi kemetsa ntsawa lela Anyiza na ma nsenthu keyishü thowa ben nu?

³No kemeshon kesa ghena Anyiza kekiyi sa kwe? nyelela no kemehai ghena ma kekiqa ben kwe?

⁴Anyiza na no kha nu ghan-nan kebenwa tsüna no ma messi keten ghena nye.

⁵Nye, tsüna no sami mtsükea ghena, no nkemehai sa keten tsü ghena.

⁶Ncünyuwa ya nmen kepvü pisa pi no dhi thsüale kesa ghena no ma thsümeni tsüdi khuya, nu ma kemphi mangla nmila teshia.

⁷No atssü pi nchala kebenthu njjü thsü, nu ghama ketenthu n-ghanja cü mvula.

⁸No kekhang nu kedi sen nu ayyi maben yayale sa.

⁹No denyilethu nkiqala kesa ketan nye, isala magha-maghangthu nkenen sa nu mathu ji la khuyale sa.

¹⁰Tsalina khili ayyiku ca na no vüsha khidha, nu zulila kemessi pi no pongdha.

¹¹Tsüna jang ntsa gho nu no pala muya nbendha, nu atssüketi na nmiwi pongca ben.

¹²Anyiza na atssan kemisi ntsa wi hang nu ghotsithu misi ben lela tsüthu miwi yasha ghang nten kwe?

¹³Isala no hati keüden, “Anyiza na man chüben nu? Ma akulukeshü pi ma shanbhon ben lethu, ma khatinu ithu ghanya mehai nu?

¹⁴No ma atssan nu ayyi manyi jüwi alentsen keten ghena akulukeshü kejang na ma shanbhonya, nu pala mu ntenle meshen den.

¹⁵No anyi nkemehaithu na keshüthangla nie keten lenwa tsü tonle meshen ten kwe?

¹⁶Mathu tsüwa na npi kegho wi lela, atssüketi na mathu lle pi bvüa.

¹⁷Anyi hathu hana Anyiza meya mvu nu ma mathu miwi mangla saya nben le nondiwa kesathu tsü.

¹⁸Isala mathu sapi haikayi kecüwa tsüna Anyiza — hi gheshighenathu kemeshen chüshiya nben.

¹⁹Anyi kemehaithu nu kesami nkemithu na khathansha wi gheshighenawa meten cü keben muya khe anongheden.

²⁰Gheshighenathu keben tsüdila yasa den, nu keben katsüha lela anni na mecang shaden.

²¹Tsalina Job, Anyiza ssinu kemehai sayalo, nu ma pi aghinyi kesü ti nsala yilo; no tsüti salethu ma sawegü pi no cüben.

²²Ma kesansi khukechi yaya; ma jühthu pi nleben wi chiya.

²³Anle, no satemeni sen nu Anyiza wi nghothu yishü, nu njjen wi kekuli nkemehai sa keten tsüdi nsa lalo.

²⁴No suna pi khala; no suna kemehai ntsathu tsüpi akuza keqha ghüsa wi keshushalo.

²⁵Kekhang ntsawa Anyiza ya no suna saya, nu ma ya nrükatssü sa nu kaghashun pi thengya.

²⁶Tsaseng wi no keshüthangla Anyiza nondiya, nu ma n-nonkeghe bvüwa le kesa muya ben.

²⁷Khathansha wi no kekhie sa khe ma no luneng, nu no kishen kethengwa tsü nieya ben.

²⁸No kekuli tsüdi wila haicenya, nu kethang na nlen wegü yaben.

²⁹Anyiza na kekapvüwa zansha pia, nu satemeni ketenwa hangsha cü den.

³⁰Keujüla no nsazzi nu no kuli ketenwa tsüna meshon lethu, ma no kekasha cüben.”