Read Northern Rengma Naga JOB 27 Bible Online

JOB 27 - Northern Rengma Naga bible

JOB 27

¹Hi hang keben Kekhang ntsawa Anyiza wi kishen, kemeshon pi ncü nu hi kahang pi kekha sa thsüa—

³Anyiza na kahang hatha pi hi cükeben chu,

⁴khiela ipang pi pala nkemehai mangla khi nten, khiela imili pi milikemesa kesütanla khi nten.

⁵Hi khiela nthu anyithu na meshonle khi nten; hi nsazzi le kesa khi wa hi keshü tsathang cuden.

⁶Hi hi meshonle khi keten tsü khiela teshiya nten; hi kemeshen na methasi.

⁷Hi matang nu hi shun ketenthu ya gheshighena, nu nketsatanthu ti kemeten kepvüwa salo.

⁸Anyiza nkechüthu na Anyiza na ma kahang khie kegho tsüwi ma kaghang mangwa ben nu?

⁹Ketizenkesa na kegho wi Anyiza na mathu kekhie kina cü ben kwe?

¹⁰Mathu ma anonkeghe kekhuchi tsü nmvu kesau; mathu na ma wi khie keben-ule.

¹¹Hi ya Anyiza kekhang tsüna khacula di, nu Kekhang ntsawa Anyiza na mangwa kidentheng khe khi mechan pi no sansi thsülo.

¹²Isala tsüti nsa, nthu na nthu ketanla mudha; isalethu nthu mangkesa na ajjügi nkemi tsüti khiten nu?

¹³[13]Hatinu Kekhang ntsawa Anyiza na gheshighena, nu yasayalathu meten den.

¹⁴Mathu na atsa kejon ben, isala aghi wi tsüdi pathiaben; mathu tsangathu na khiela kedsakejjü qo benya nben.

¹⁵Hangkeyathu na kesakinaa wi shüaben, nu mathu wubvüthu lela mathu keshü qaiki nben.

¹⁶Gheshighenawa na rükatssü ji mtsü keben ghena si nkeyakhi. nu athsümeni sen gilli benya mehai;

¹⁷isala anyi kemehai tsü pahan na athsü tsüthu mphi nu anyi tsentsa pahan na rükatssüwa tsü muya den.

¹⁸Gheshighenawa na saghabvüzi kesü ti ajjen nyelela amagha na alli kehiepon ti kesa saden.

¹⁹Asakhen tsü kesü wi mathu na keban saya nben. nu mathu na shagha lethu mathu keben tsüna nmilakea muyaden.

²⁰Keqhethiketen na zuli atssüketi ti mathu miwi gho nu aghaja wi ameghü na mathu mo pi bvüaben;

²¹nishuwa meghü na mathu jjen mo pi bvüaben;

²²mathu na kiden-kesha ntsa nu bvüale keben wi tsüna nanketizen nmila mathu mo ghoaben .

²³Mathu na bvüthu ameghü na mathu moshü, nu keyasa kekhang sen nu mathu pateqhedeng.