Read Northern Rengma Naga JOB 35 Bible Online

JOB 35 - Northern Rengma Naga bible

JOB 35

¹Job, no Anyiza tuwi no kesami nmile khi keten, tsüna nmeshon,

³nyelela Anyiza keüla, “Khatinu hi kesami ghena no patena nu? Hi nkesami ghena mangwa kekiyi muya nu?”

⁴Hi no nu npvüshangthu la luneng chiden.

⁵Tangwi ghangchilo! Akuluthu khatila misi nu!

⁶Keujüla no sami lela tsüna Anyiza patena nsa. No matsü kejon tughula sazzi lethu, tsüna Anyiza sapi kepa sa thsüdha kwe?

⁷No tsatan ntsa kesa ghena Anyiza kiqa cü kwe? Anyiza na no wi nsenthu keyishü mangla nmi.

⁸No kesami wina npvüshangwa na ketizensa den, nu no kemehai kesa ghena ma kiqa cü den.

⁹Anyithu na nyu mathu kepasha wi ghadhi den; anyi pahan na mathu hangsha cülo magha den.

¹⁰Isala mathu na Anyiza mathu sahangkechiwa, mathu na kejang ntsa wi kaghang khuchi cü ketenwa wi kheneng wa nten.

¹¹Mathu na Anyiza ithu sapi metsa cü ketenwa, aghangsa nu awa miwi metsaki cü ketenwa wi kheneng wa nten.

¹²Mathu na kekiqa ghena khieden, isala Anyiza na luneng cü nten, kepaghenanye mathu na kekapvü nu nkemehai nyi.

¹³Mathu na magha nben lela mehai; Kekhang ntsawa Anyiza na mathu nmu nyelela mathu hhai nza.

¹⁴Job, no Anyiza muya nben; isala kethankehi nu hieben lalo— no kaghatenjüh na ma tuwi ben.

¹⁵No kemeshen tsü Anyiza na nyu meten nten, nu kesami cüki keutan meshenten le saben.

¹⁶No ajüh khikhi ben lela ma men nmi; no mangwa khiben khe nchüle kesa mutha ben.