Read Northern Rengma Naga JOB 40 Bible Online

JOB 40 - Northern Rengma Naga bible

JOB 40

¹Job, no Kekhang ntsawa Anyiza nniben; no khili teshiala luneng chi nu?

³Apvüwa, hi jüphon ntsawa nu ajühkhidha, Hi mangwa le lunengya mehai nu? Hi mangla khineng le kiden nten.

⁵Hi kekhiu miwi khidha.

⁶Tsaseng wi Apvüwa na kheneng kuti caghamo wina Job ccüneng.

⁷Khili kempvüza nyi kesü ti shagha, nu hi kekeü ha luneng chilo.

⁸No hi nmeshon le kesa chüshiya le kiden benla— hi pi kesazziwa wi nu no pi kemeshonwa wi chiben la?

⁹No hi kezü ti züben la? Nhhai na ihhai ti misiya mehai la?

¹⁰Isathu, no kenyuwakü nu awikesa wi shaghalo; no ajenkeben nu anyankethang mphiya.

¹¹Kapvü ketenthu tsü ghang chilo; nleben ketsu meyisha pi mathu satemenilo.

¹²Anle, mathu ghang chi nu mathu zansha; gheshighenathu na khiewa ngan ben khe cüchalo.

¹³Mathu tsüdi pi ayyi wi vhülo; keshü yyiwi mathu bhenlo.

¹⁴Isalethu hi atuwa sa no seng na, nu no ketanla khangyale kesa khiaben .

¹⁵Ghassübvü Behemoth[16] tsü ghang chi; hi ma nu no la sahangchi. Ma amesü kesü ti aghang dsaden,

¹⁶isala ma gwo wi kezü mangwa ben, nu ma zü wi kekhang mangwa ben nu!

¹⁷Ma ghanu na sedar chan kesü ti shagha, nu ma ccü züthu na zükeqhe.

¹⁸Ma güthu na lezza kezü ti, nu ma ccü na amighe ti.

¹⁹Hi sahangkechi tsüdi jawi amankesa ntsa! Ma sahangkechiwa ketan ma pashaya mehai.

²⁰Aghangwa pi ma tsse sale kesa tsüna yyishiphon thu miwi aghangsathu kekiponlipen[17] wi shiden.

²¹Ma aghazüton kekhu wi jen, nu awen wi ahuphon jawi kuthiden.

²²Aghazüton nu akuza kete wi willow chan tsüna akekhwen sapi ma jjen sa cü den.

²³Ma aghaku tssüketi tsü nmessi; Jordan na atssüti sen nu ma miwi dugho lela ma ceen benden.

²⁴Thowa na ma nyon pabhon nu ma ghanya mehai nu? nyelela thowa na aca pi ma dieya mehai nu?