Read Northern Rengma Naga JOB 6 Bible Online

JOB 6 - Northern Rengma Naga bible

JOB 6

¹Keujüla igükeccü nu ihathakinathu tsüpi kuwhuchan wi whu nan lethu,

³tsüthu tsüna atssükedone wi ahachan miwi la kiyanki kesa le; tsalina ijüh nkemehaithu ya no pateqhe yishü.

⁴Kekhang ntsawa Anyiza na alakusüthu pi hi ga, tsüthu jiwa tsüna igwo yi bvüa. Anyiza na kemessithu tan pi hi shun.

⁵Gada kesü na aghangwa mahadsa keben wi ma leben-kagha saya den, nu amesü kesü na accani mahadsa keben wi ceen benden.

⁶Isala thowa na ma kenyan nu kesheng nkemi tsse dsaten nu? Awegü ghatsü non kemiki wi kenyan mang ben nu?

⁷Hi atsse tsüti kesa wi hi kenen nmi, nu hi kedsa tsüdi wi hi sapi naa thsüden.

⁸Mangkesa Anyiza na hi kekhiewa pi hi ncü nu? Mangkesa na ma hi kekhie luneng ncü nu?

⁹Ma atuwi wa nu hi pathila mehai kesale!

¹⁰Ma tsüti sa keten hi chü lethu, hi kinaa dhu ntsa sa lela, hi inonkeghe ghena kephenki kesanan. Anyiza na metha le kesa hi chüben; hi khiela ma jühkhukechi tsü npi matang.

¹¹Hi hangbenya kemehai kezü mangwa ben nu? Hi kaghang nkemi sengwi mangsale hangben dha ma?

¹²Alon pi hi sachi kwe? Lezza pi igwo sa kwe?

¹³Hi kahang ha hangshaya le kesa kezü nmidha; hi kekiqa bhayale kesa khiela wakeya nmidha.

¹⁴Hi Anyiza teshi le nteshi lela agükeccü hati kesa tsüwi hi apvüshang tsentsathu nsenthu yishü.

¹⁵Isala nthu ipvüshangthu, nthu na akuzathu atsan ngholathu qha keten ti hi mechudha.

¹⁶Akuzathu tsüna aghola nu aghayi pi pong pvü benden,

¹⁷Isala keyeng tsüwi tsüthu na nmila den, nu akuzathu na ghacang nu qha den.

¹⁸Goru ghekhhathu na atssü bha wa bhatagha den; mathu na ayyikeshü wi kugoe-deja wa nu shü den.

¹⁹Sheba nu Tema wi goru ghekhhathu na bha,

²⁰isala mathu kaghang na akuza keqha kete wi shü.

²¹Nthu na ituwi akuzathu tsüti le, nthu na icüki messila kheneng bvüden.

²²Hi nthu ya aju kesü pi hi cü, nyelela ikuti wi alaa pi anyi pahan cü

²³nyelela nankemeghü nyelela nkemehai nyi kwen wi hi hangsha cülo khie kwe?

²⁴Anle, isathu hi sansi cülo; hi kesazzithu pi hi kizalo, hi ceen nu nthu jüh kina den.

²⁵Ajühtsentsathu tsüna leben kidhenya den, isala nthu tsü ajjügi nkemi khiben.

²⁶Nthu kemeshen tsü hi ameghü cüki khiben le saden; isathu nthu mangkesa ijüh men nkemi tsü lunengten nu?

²⁷Nthu na magha-maghang nssümagha ghena akezen wwi, nu nthu ketsaki pvüshangthu ghena benyala mehai le!

²⁸Immi ghangtan chilo, hi milimesa nten.

²⁹Nthu na sie mtsü wi bvüdha. Atsentsa nkenye nsala yilo. Hi nmeshensala, hi kemeshon wi benle.

³⁰Isala nthu na hi milimesa tenle saben— nthu kemeshen tsü hi kesazzi wi ben nu kemeshon khishüya nbenle saden.