Read Northern Rengma Naga JOB 7 Bible Online

JOB 7 - Northern Rengma Naga bible

JOB 7

¹Anyi kahang hana süpahizi meten pi kuli keben ti, kekuli kekhang sa keten kahang ti,

²nssümagha kesü na akekhwen kekicü nmvu keten ti; kekuli nyi kesü na ma kutimen hie keben ti.

³Asha asha wi lela hi mangla sen nu hangkeya nmi; aghaja tsüdi wi lela leben gükeccü sengho hi cü.

⁴Hi jenle khhali duthu keshagha mehiecha, hi ghaja thangthang kuweng nu atsankethang nmvuden.

⁵Igwo na kesakinaa ghei pi pong, nu kekhuma kü ketan; kekhumathu wi anie na keji.

⁶Itsathangthu na kaghang nmila wakhia, adakede nanketsi[7] miwila mbhi kila.

⁷Meshenchilo, O Anyiza, hi kahang hana hathakeshhu kesütan le; inonkeghe tsüna ma sakhen sadha.

⁸No khili hi muben, isala khiela nmu nengdha. Keujü no hi bha lela hi nmu laben.

⁹Akulukeshü kesü na shü-gha bvü keten ti, anyi kesü na shü nu khiela kheneng meya laden; ma chü keghothu tsüdila ma mali den.

¹¹Nyele, hi ceen benya nten! Hi aghepvü nu ileben-naa ben. Hi ajüh khiden.

¹²No mangkesa na hi khen senben nu? No kemeshen tsü hi atssükedone wi ghassübvü[8] kesü le ben kwe?

¹³Hi khalidu nu ccayale sa; hi kinaa ccakeya ghang .

¹⁴Isala no aman pi hi pateqhe; no kemanthi nu ayencenpvüthu kesunchi

¹⁵igwo ketizenkesa pvü nu hang kebenwa nyela hanthishü mvu kesa tsü npi kecu chu.

¹⁶Hi teshia tendha, hi nhangcha ladha. Hi teshiyilo, hi kahang ma jjügi nmidha.

¹⁷ Mangkesa na anyi hapi ntuwi kedi saten nu? Mangkesa na ma kekuli wi nlebenchi ten nu?

¹⁸No ghanen kaghapeng ma hhainan den, nu matsü tsüdi wi ma kesinan den.

¹⁹No hi wina kesie wi khapeghe bvü nu hi ya imceng meyichiya thsü nten kwe?

²⁰Hi kesami na no patenadha kwe, atssüzüthu kediwa, mangkesa na hi sen, nu no sakenan kemtsü kesü saten nu? Hi nghena akhhi kekiyan keti sadha kwe?

²¹No khiela hi kesami teshiya nbendha kwe? No hi sazzi ketheng tsü teshiya nbendha kwe? Hi wan ishüjjen wi ben wa tendha, no hi bha kegho wi hi nmilaben.