Read Northern Rengma Naga ZAKECI 110 Bible Online

ZAKECI 110 - Northern Rengma Naga bible

ZAKECI 110

¹[101] APVÜWA na IPVÜWA wi hati khi, “Ikwen ajewa donki ben lalo hi nghinyithu tsüdi pi nccü cakhu wi npi kechi cü chu.”

²Zion wina APVÜWA na no kadimi kekhang sapi dikayi cüden. “Nghinyithu miwi kekhang sen yalo,” ma isa khi.

³No nghinyithu ssinu aghikesa tsathang wi, n-nyithu na mathu ketanla shagha ben. Aghanen mitu akejan keca tsüti n-nyi kepvünyithu na kemetha yyishiphon wina ghoden.

⁴ APVÜWA na atsentsa wina ma jüh khuchidha, nu ma tsü khuneng sen bvüa nben: “No Melkhizedek keqhaikedishi wina anuphanla keqhaikedi sa den.”

⁵APVÜWA na nkwen ajewa wi ben; ma aghepvü shagha lethu kadimithu miwi khangya cüben.

⁶Ma mizzatentithu jühkaghakhiten, nu keshü kamangthu tsü pi aghikesa pen tsü pong cüden; ma ayyi tsüdi wi kadimithu miwi khang yaden.

⁷Kadimiwa na alen kete wi aghaku tssü tsü jjü nu satezüya, nu ma khang ben den.