Read Northern Rengma Naga ZAKECI 112 Bible Online

ZAKECI 112 - Northern Rengma Naga bible

ZAKECI 112

¹APVÜWA senglo! APVÜWA nyuwakü keten nyi na anonkeghe ntsa; ma jühkhukechi tsü nie mvuthi sa keten tsüna.

²Anyi kemehaiwa tsangathu na ayyi wi khang ntsa saden; ma shicüthu na kesawegü pvü yaden.

³Ma theghi na keben-keyeng nu keban sa, nu ma anuphanla mehai kayi yaden.

⁴Kewegü na kejang wi anyi kemehaithu ghena wegü chiden, anyi thowa na nyu nantizen, ccatssü, nu kemeshonwa senten khe.

⁵Kemohho sapi nyu n-na thsü ketenwa, choshüchola nsala ma senli sa ketenwa, anonkeghe ntsa.

⁶Anyi kemehaiwa na khiela qanca meya; keshüthangla nyu ma meshen ben den.

⁷Ma ajüh nkemehai kiza tsü ghena messi nten; ma kenondi tsüna zükeqhe, nu ma APVÜWA nondiden.

⁸Ma alidhamang nyelela messi nten; ma ghinyithu miwi khangya keten tsü mutiben.

⁹ Ma mohho ntsa sapi haketu nyi cüden, nu ma keccaketssüwa tsüna khiela nmila nten; ma khang ntsa nu kinyiküden.

¹⁰Gheshighenathu na ha muyanu lebentsu; mathu na nankemeghü nyon sapi ghang nu bvüa; mathu kaghangwa tsüna anuphanla nmiladha.