Read Northern Rengma Naga ZAKECI 12 Bible Online

ZAKECI 12 - Northern Rengma Naga bible

ZAKECI 12

¹[12] Ithu kiqa cülo, APVÜWA! Anyi kemehai kesütanla nmidha le; atsentsa kesen nyi kesüla nmu ladha.

²Mathu tsüdila khokho tuwi milimesa; mathu ajühtsentsa nkenye tsüpi khokho kemechuli.

³Ajühtsentsa nkekhi mili tsü ya ceen ben wa thsülo, O APVÜWA! hatinu kekapvü jüh khi keten pang khenlo,

⁴“Ithu jüh ghena ithu mangwa yamvu khe muyaden. Ithu mangwa khi mvu khe khiya mehai, nu anyi thola ithu khen meyacha.”

⁵APVÜWA na khi, “Isala hi ghoden, kepaghenanye haketuthu nkhichi, nu nyu mathu meten-mesha kebenthu na naa ben. Hi mathu nmvu keben keyazi tsüpi mathu cüden.”

⁶APVÜWA jüh khukechithu tsüna nondi qole; kepaghenanye tsüna rükatssü pi anni wi tagü tughu mecang metha ketheng ti.

⁷Nketsatan nyithu na apen tsüdi wila ben, nu anyi tsüdila mangwa nmehai khe tsü seng. APVÜWA, ithu noncca yalo, nu anyi hati kesathu wina ithu pila tsanqai yalo.