Read Northern Rengma Naga ZAKECI 122 Bible Online

ZAKECI 122 - Northern Rengma Naga bible

ZAKECI 122

¹[105] Mathu hati hi kekiza wi hi nongya, “Ithu APVÜWA jjen wi wa nalo.”

²Nu khilitsü ithu na hewi bendha, Jerusalem kaghapeng jenkathu non wi ngan bendha!

³Jerusalem nyunutiwa sapfü pi atsimehai ntsa, nu akhhikhumece ben thsüdha.

⁴Hawa ha amizzathu na kegho penwa, Israel mizzathu, APVÜWA na ayenkhukechi kenie wina nkesengcha sapi ma cüle kesalina.

⁵Hawi ha Israel kadimithu na mathu nyithu jühkaghakhi le donki.

⁶Jerusalem kecca ghena khielo: “No ghali ketenthu ya mehai kayi keyawa salo.

⁷Kecca ya nkhweti non wi nu keyazi ya no kadijjenthu wi ben keyawa sa.”

⁸Ishilithu nu ipvüshangthu ghena hi Jerusalem wi kiza, “Kecca ya nthu ssitenlo!”

⁹APVÜWA ithu Nyiza jjen tsü ghena hi nthu mehai kayi keya ghena khie.