Read Northern Rengma Naga ZAKECI 142 Bible Online

ZAKECI 142 - Northern Rengma Naga bible

ZAKECI 142

¹[113] Hi kekiqa ghena APVÜWA cichi; hi ma wi keshükene.

²Hi ileben nkagha tsüdi sen nu ma wi gho. Hi igükeccü tsüdi pi ma kiza.

³Hi teshiale kiden keben wi hi mangwa nsathu yishü khe ma chüben. Hi alentsen keten len witsü, ighinyithu na ighena aca pi kuthitheng.

⁴Hi ikete wi ghang kechi wi thola hi kekiqa nyi nmu, hi khwekeya nyi kesüla nmi.

⁵APVÜWA, hi kekiqa ghena hi no wi khiechi; APVÜWA, no hi kekhwewa; Hi kahang wi nmvu keten tsüdi tsüna no le.

⁶Hi kekiqa ghena kekhie kina chilo, kepaghenanye hi kaghang nkemi wi du tendha. ighinyithu wina hi hangsha cülo; mathu na ighena zü mtsü.

⁷Ihathakina wina hi hangsha cülo; isathu no ituwi kemehai ghena hi n-nyithu saghu keben wi no seng den.