Read Northern Rengma Naga ZAKECI 146 Bible Online

ZAKECI 146 - Northern Rengma Naga bible

ZAKECI 146

¹APVÜWA senglo! APVÜWA senglo, ighamu!

²Hi hangkeben chu hi ma seng; hi kahang chu hi iNyiza sakiden.

³No kenondi pi anyi ccülikesathu miwi nchila; anyi thola no hangshaya nben.

⁴Khathansha wi mathu shü khe mathu na ayyinikhu ceng waden, tsü ghanan wi mathu kekiden tsüdila asakhen saaden.

⁵Jakob Nyiza pi ma kekiqawa saya, nu APVÜWA ma Nyiza wi maghaki ketenthu na kemihhi ntsa,

⁶ atssan, ayyi nu atssükedone nu tsüthu wi kebenthu tsüdi Sakechiwa. Ma keshüthangla ma jüh khishi kechi tsü nieden.

⁷Ma nyu mathu pasha ketenthu sheikepi wina ajühkaghaten, nu kedsakejjü pi ghama kebenthu cüden. APVÜWA na atssüzü sa kebenthu lisha chi,

⁸nu anyon nkemuthu ya muya thsü. Ma khuli kesathu pieki cü; ma ma nyi ketsatanthu ghaliden.

⁹Ma asang ithu yyi wi kahangthu tsü khwe; ma denyilethu nu magha-maghangthu kiqa, isala gheshighenathu yala dedi thsüaden.

¹⁰APVÜWA na anuphanla kadimiwa. O Zion, n-Nyiza na matsü tsüdi wi kekhang senden. APVÜWA senglo!