Read Northern Rengma Naga ZAKECI 148 Bible Online

ZAKECI 148 - Northern Rengma Naga bible

ZAKECI 148

¹APVÜWA senglo! Tang wina APVÜWA senglo, nthu tang kemisi wi kebenthu.

²Ma senglo, ma nyilothu tsüdi, tang wi ma süpahithu tsüdi.

³Ma senglo, aghani nu asha; ma senglo, wegü keben ghotsithu.

⁴Ma senglo, atssan kemisi ntsa wi kebenthu, nu atssan miwi atssü.

⁵Tsüthu tsüdi ya APVÜWA nyan seng thsülo! Ma ajüh khichi nu tsüthu saya;

⁶ma jühkhukechi wina tsüthu na anuphanla mathu pen wi nkulila ben thsüa, nu mathu na ajüh nkina la meyacha.

⁷Ayyi wina APVÜWA senglo, ghassübvü nu atssükedone kedhu wi kebenthu tsüdi;

⁸atsancwe nu aghayi, aghola nu akulukeshü, ameghü kekhang ma jühkina ketenthu.

⁹Ma senglo, yyishiphon nu ayikhathu, kedsauton nu ayinongthu;

¹⁰aghangsathu tsüdi, kicenketen nu agheja ji. ghapvü keten nu awathu la.

¹¹Ma senglo, kadimi nu anyithu tsüdi, kadingathu nu kekhang kesen kepathu tsüdi;

¹²ghala, pvüza, keqhai nu ghanyithu la.

¹³Tsüthu tsüdi ya APVÜWA nyan seng thsülo! Ma nyan tsüna kepathu tsüdi miwi diki; ma nyankethang tsüna ayyi nu atssan miwi ben.

¹⁴Ma ma mizzatentiwa sapi zü cü, isanu ma nyithu tsüdi ma seng—— Israel nyithu ma kenen ntsawa. APVÜWA senglo!