Read Northern Rengma Naga ZAKECI 2 Bible Online

ZAKECI 2 - Northern Rengma Naga bible

ZAKECI 2

¹ Ayyi nyi kepathu mangkesa na nyu kematang kiden ten nu? Anyi mangkesa na nkemehai cho kiden ten nu?

²Kadimi nu kekhangthu saghuya nu APVÜWA matang, nu ma kessi kechi kadimiwa la shun den.

³“Mathu kwen wina ithu ketanla ithu lishaya, mathu kekhang khupi khala cü nalo,” mathu na isakhi.

⁴Tang kadipen wi keben APVÜWA na mathu kemeshen nkezü nankeqhe.

⁵Isanu ma leben ketsu wina mathu kitsan, nu ma leben keminu wina mathu pateqhe.

⁶“Zion[1] Yikha kemethawa miwi hi kadimiwa pi benya thsüdha,” ma isakhi.

⁷ Kadimiwa na khi, “Hi APVÜWA na khi kechithu tsü pi jisha chiden. Ma hi wi kiza, ‘No itsa sayadha nu nansü nten na hi nba sadha;

⁸Khielo, isathu hi mizzatentithu tsüdi pi no cüaden nu anyi maben pi nji sa cüaden .

⁹ No amighe khhatssü kesü pi mathu pakhhi; nu mathu pi ayyipfü kesü ti pachazighe thsüaden .’ ”

¹⁰Kadimithu, kekitsan jüh ha kina yalo; ayyi kekhang kesenthu kesansi jüh ha chhüyalo.

¹¹APVÜWA messi nu ma kekuli sa tenlo;

¹²kedheggü nu ma ccü wi kukedulo; nyelethu ma wan ma leben tsu, nu no ya shü tsüthu keyishü ghena. Ma pi atsonhi sa keyathu na kemihhi ntsa.